DRIએ વધુ એક સોપારીકાંડ ઝડપ્યું: સ્ક્રેપ ટાયરના નામે માલ દુબઇથી મંગાવાતો
ખાસ-ખબર સંવાદદાતા
કચ્છના મુન્દ્રા પોર્ટ પરથી વધુ એક સોપારીકાંડ ઝડપાતા ખળભળાટ મચી ગયો છે. ડિરેક્ટરોટ ઓફ રેવન્યુ ઈન્ટેલીજન્સ (ઉછઈં)એ સોપારી સ્મગલિંગના વધુ એક કારસાને રંગે હાથે ઝડપી પાડ્યો છે. ઉછઈંએ દુબઈથી સ્ક્રેપ ટાયરના ઓથા હેઠળ ભારતમાં મોકલવામાં આવેલી કરોડોની સોપારી ઝડપી પાડી છે. ઝડપાયેલી સોપારીની કિંમત 4 કરોડ હોવાનો અંદાજ લગાવવામાં આવી રહ્યો છે. હાલ ઉછઈં દ્વારા આ મામલે વધુ તપાસ હાથ ધરવામાં આવી છે. ઉછઈંની કામગીરીથી દાણચોરોમાં ફફડાટ ફેલાઈ ગયો છે. સૂત્રો દ્વારા મળતી માહિતી અનુસાર, ઉછઈંની ટીમે મુન્દ્રા પોર્ટના આશુતોષ ક્ધટેનર ફ્રેટ સ્ટેશનમાં દરોડો પાડ્યો હતો. આ દરમિયાન ટીમે દુબઈથી આવેલા 10 જેટલા ક્ધટેનરોની તપાસ કરી હતી.
- Advertisement -
જેમાં ક્ધટેનરોમાં આગળના ભાગે સ્ક્રેપ ટાયર મળી આવ્યા હતા, જ્યારે પાછળના ભાગે સોપારીનો મોટો જથ્થો મળી આવ્યો હતો. ઉછઈંએ મુન્દ્રા પોર્ટમાં આયાત થયેલા 10 ક્ધટેનરમાં ટાયર સ્ક્રેપ હોવાનું ઓન પેપર દેખાડીને તેની પાછળ મોટા પ્રમાણમાં સોપારી ઘુસાડવાના કારસાને ઉઘાડો પાડ્યો હતો. ટીમ દ્વારા આ મામલે વધુ તપાસ કરવામાં આવતા દુબઈથી ક્ધટેનરોમાં આવેલી સોપારીનું વજન 39.44 મેટ્રીક ટન હોવાનું સામે આવ્યું હતું. પ્રાથમિક તપાસમાં એવું પણ સામે આવ્યું છે કે, આ જથ્થો વડોદરાની પેઢીએ દુબઈથી મંગાવ્યો હતો. ઝડપાયેલી સોપારીની કિંમત 4 કરોડ આંકવામાં આવી રહી છે. તો ઉછઈંની પ્રાથમિક તપાસમાં સામે આવ્યું છે કે, ઈમ્પોર્ટ ડ્યુટીથી બચવા માટે કોઈ વેપારીએ સ્ક્રેપ ટાયરના નામે સોપારી મંગાવી હતી.
