સરસ્વતી શિશુમંદિરમાં ડૉક્ટર ડેની ઉજવણી કરાઈ

ખાસ-ખબર ન્યૂઝ રાજકોટ,

વિદ્યાભારતી ગુજરાત પ્રદેશ સંલગ્ન તેમજ સૌરાષ્ટ્ર શિક્ષણ અને સેવા સમાજ ટ્રસ્ટ રાજકોટ સંચાલિત સરસ્વતી શિશુમંદિરમાં ડોક્ટર ડેની ઉજવણી કરવામાં આવી હતી. શહેરના મારુતિનગર ખાતે આવેલા પ્રવીણકાકા મણીઆર કેમ્પસમાં ગુજરાતી અને અંગ્રેજી માધ્યમના વિદ્યાર્થીઓને ડોક્ટર ડે નિમિત્તે ડો. હાર્દિકભાઈ નિમ્બાર્ક, ડો. રવિભાઈ પટોળીયા તથા ડો. મજેઠીયાએ સ્વાસ્થ્યલક્ષી માર્ગદર્શન પૂરું પાડ્યું હતું.

વિદ્યાર્થીઓએ પણ ડોક્ટરની વેશભૂષા ધારણ કરી ડોક્ટરની ઉપયોગિતા વિશે પરિચય આપ્યો હતો. આ તકે શાળાના તમામ વિદ્યાર્થીઓનું હેલ્થ ચેકઅપ કરવામાં આવ્યું હતું. સંસ્થાના ચેરમેન અપૂર્વભાઈ મણીઆરે ડોક્ટર ડે નિમિત્તે માનવજીવનમાં ડોક્ટરનું મહત્વ અને તેમની ભૂમિકા વિશે પ્રાસંગિક ઉદ્દબોધન કર્યું હતું.