લાખો રૂપિયાના વીજવાયરની ચોરી કરનાર પાંચેય શખ્સોની પાસા હેઠળ અટકાયત

પાંચેય આરોપીઓએ રાજકોટ નજીક કાગદડી અને વાંકાનેર રોડ વિસ્તારમાંથી લાખોના વાયરોની ચોરી કરી હતી

રાજકોટમાં કુવાડવા રોડ પોલીસ મથક હેઠળના વિસ્તારમાં અલગ અલગ ત્રણ સ્થળે પસાર થતી વીજ લાઈનના વાયર ચોરી કરવા અંગે પકડાયેલા પાંચ આરોપીઓની પોલીસે પાસા તળે અટકાયત કરી અલગ અલગ જેલમાં ધકેલી લીધા હતા.

વાયર ચોરીના ગુનામાં ધરપકડ કરાયેલામાં મુળ પરાપીપળીયાના સુરેશ ચનાભાઈ રાતડીયા (ઉ.વ.28), રવિ નરશીભાઈ ગાગડીયા (ઉ.વ.24) (2હે.બન્ને ગોકુલનગર,સંતકબીર રોડ), સુરેશ વિહાભાઈ સોમાણી (ઉ.વ.50, રહે.મોવિયા રોડ ગોંડલ મુળ.રાણીગપર, તા.જસદણ), રઘુ સામતભાઈ દુધરજા (ઉ.વ.35, રહે રાજપરા, તા.ચોટીલા) અને વિજય વાલજીભાઈ દુધરેજીયા (ઉ.વ.25,રહે. ગઢકા ગામની સીમમાં વાડીમાં, મુળ.રાજપરા)નો સમાવેશ થાય છે.

આ પાંચેય આરોપીઓને અનુક્રમ અમદાવાદ, વડોદરા, સુરત, ભુજ અને મહેસાણાની જેલમાં ધકેલાયા છે.ઉલ્લેખનીય છે કે,પાંચેય આરોપીઓએ રાજકોટ નજીક કાગદડી અને વાંકાનેર રોડ વિસ્તારમાંથી લાખોના વાયરોની ચોરી કરી હતી.જે અંગે અલગ અલગ ત્રણ ગુના કુવાડવા પોલીસ મથકમાં નોંધાયા હતા.આ કામગીરી પીસીબીના અજયભાઈ શુક્લા, રાહુલગિરીએ કરી હતી.