બોલીવુડની જાણીતી અભિનેત્રી દીપિકા પાદુકોણના પ્રશંસકો માટે એક સારા સમાચાર સામે આવ્યાં છે. રોહિત શેટ્ટીની અપકમિંગ ફિલ્મ સિંઘમ અગેનમાં દીપિકાની એન્ટ્રી થઇ ગઇ છે.
ફિલ્મ સિંઘમ અગેનમાં દીપિકા પાદુકોણની એન્ટ્રી
- Advertisement -
મીડિયા રિપોર્ટસ મુજબ દીપિકા પાદુકોણની એન્ટ્રી જાણીતા ફિલ્મ નિર્દેશક રોહિત શેટ્ટીની અપકમિંગ ફિલ્મ સિંઘમ અગેનમાં એન્ટ્રી થઇ ગઇ છે અને રોહિતની આ ફિલ્મમાં દીપિકા હવે લેડી સિંઘમના પાત્રમાં હોબાળો મચાવવા તૈયાર છે. હાલમાં ફિલ્મ સિંઘમ ફ્રેન્ચાઈઝીની ત્રીજી ફિલ્મની જાહેરાત કરવામાં આવી હતી.
અજયની સાથે દીપિકા પહેલી વખત સ્ક્રીન શેર કરશે
- Advertisement -
ફિલ્મ સમીક્ષક તરણ આદર્શે પોતાના ઈન્સ્ટાગ્રામ પર અજય દેવગણનુ એક પોસ્ટર શેર કર્યુ હતુ. આ પોસ્ટર પર ફિલ્મનુ નામ સિંઘમ અગેન લખ્યું હતુ. તો અજય દેવગણની સાથે દીપિકા પહેલી વખત સ્ક્રીન શેર કરતા દેખાશે. એવામાં અજય અને દીપિકા બંનેના પ્રશંસકો માટે આ કોઈ મોટા સમાચારથી ઓછુ નથી. મહત્વનું છે કે, રોહિત શેટ્ટી અને અજય દેવગણ પહેલા પણ ઘણી ફિલ્મોમાં એકસાથે કામ કરી ચૂક્યા છે. આ બંને જ્યારે પણ સાથે આવ્યાં છે, ઓડિયન્સનુ ભરપૂર મનોરંજન થયુ છે. આ બંને સિંઘમ, સિંઘમ 2 અને ગોલમાલ ફ્રેન્ચાઈઝીમાં એકસાથે કામ કરી ચૂક્યા છે.
દીપિકા ફિલ્મ સર્કસમાં કેમિયો કરશે
તો દીપિકા પણ રોહિતની મોસ્ટ અવેટેડ ફિલ્મ સર્કસમાં કેમિયો કરતા દેખાશે. આ ફિલ્મમાં તેના પતિ અને અભિનેતા રણવીર સિંહ લીડ રોલમાં છે. આ ઉપરાંત દીપિકા બોલીવુડ સુપરસ્ટાર શાહરૂખ ખાનની સાથે તેમની અપકમિંગ ફિલ્મ પઠાણમાં પણ મહત્વની ભૂમિકામાં જોવા મળશે.
