ડાંગ જિલ્લાની વિદ્યાર્થિનીઓ રાજ્ય કક્ષાની કબડ્ડીમાં પ્રથમ સ્થાને

ટીમના કોચ ભાવનેશભાઈ,આચાર્ય હેતલબેન હરીયાણી તથા જસુબેન પટેલ દ્વારા માર્ગદર્શન પૂરું પાડ્યું હતું

ખાસ-ખબર ન્યૂઝ રાજકોટ

ડાંગ જિલ્લાની આદર્શ નિવાસી શાળા (ક્ધયા) આહવા/સાપુતારાની છોકરીઓએ શાળાકીય રમત ગમત સ્પર્ધા રાજ્ય કક્ષાએ કબડ્ડી અંડર 14 માં ડાંગ જિલ્લાની ટીમનું પ્રતિનિધિત્વ કરીને પ્રથમ સ્થાન મેળવીને જિલ્લો અને રાજ્યનું નામ રોશન કર્યું છે.ગાંધીનગર માણસા બ્લીસ ઇન્ટરનેશનલ પબ્લિક સ્કૂલ ખાતે યોજાયેલી આ સ્પર્ધામાં રાજયભરની કુલ 45 ટીમોએ ભાગ લીધો હતો.અને ફાઇનલમાં ડાંગ અને તાપી જિલ્લાની ટીમ વચ્ચે રોમાંચક જંગ જોવા મળી હતી. આ જંગમાં ડાંગ જિલ્લાની ટીમે 37 પોઈન્ટ સાથે વિજય મેળવ્યો હતો, જ્યારે તાપી જિલ્લાની ટીમ 18પોઈન્ટ સાથે બીજા સ્થાને રહી હતી. આદર્શ નિવાસી શાળા (ક્ધયા) આહવા/સાપુતારાની વિદ્યાર્થિનીઓ ભોયે જ્યોતિબેન, પાડવી સ્નેહાબેન, ભુસારા રાજેશ્વરીબેન, પવાર સંજનાબેન અને પટેલ જસ્મીનબેન સહિતની સમગ્ર ટીમને આ વિજય માટે અભિનંદન પાઠવવામાં આવ્યા હતા. આ ટીમના કોચ વાઘેરા ભાવનેશભાઈ અને આચાર્ય હરીયાણી હેતલબેન કથા જસુબેન પટેલ દ્વારા માર્ગદર્શન પૂરું પાડયુ હતુ. આ વિજય સાથે આદર્શ નિવાસી શાળા (ક્ધયા) આહવા/સાપુતારાએ ડાંગ જિલ્લાનું નામ રાજયભરમાં ગુંજાવ્યુ છે. આ વિજયથી વિદ્યાર્થીનીઓમાં રમતગમત પ્રત્યેની રુચિ વધશે. તેવી આશા સેવાઈ રહી છે.