ખાસ-ખબર ન્યૂઝ રાજકોટ, તા.29
ઉનામાં ગોંદરા ચોક પાસે ટ્રકમાં પાર્સલ સર્વિસની આડમાં વિદેશી દારૂની બોટલોનો જથ્થો હોવાની બાતમી આધારે ગીર સોમનાથ જિલ્લા એલસીબી ટીમ વોચ ગોઠવી એક શખ્સને દારૂની બોટલો સાથે ઝડપી લીધો હતો.
- Advertisement -
આ અંગેની પ્રાપ્ત વિગતો મુજબ વેરાવળ ડાભોર રોડ પર રહેતો રવિ પરષોતમ રામાણી પાર્સલ સર્વિસનો ધંધો કરતો હોય આ શખ્સ ગોંદરા ચોક ઓમ માર્ટ મોલ પાસે પાર્સલ સર્વિસની આડમાં આઇસર કંપનીની 2049 બંધ બોડીની સફેદ કલરની મીની ટ્રક GJ- 32- T- 5472 માં ભારતીય બનાવટનો વિદેશી દારૂની બોટલો હોવાની બાતમી આધારે એલસીબી ઇન્ચાર્જ પીઆઈ એ. બી. જાડેજાના માર્ગદર્શન મુજબ પીએસઆઈ એ. બી. વોરા, પો.હે.કો. રાજુભાઈ ગઢીયા, પેરોલ ફરલો સ્કોડના એએસઆઈ સુભાષભાઈ ચાવડા, પોહેકો પ્રવીણભાઈ મોરી સહીતની ટીમે પાર્સલની અંદર તપાસ કરતા 72 બોટલ દારૂ મળી આવ્યો હતો. જેથી મોબાઈલ સહિત કુલ રૂ. 3,41,720ના મુદામાલ સાથે એક શખ્સને ઝડપી પાડ્યો હતો. તેમજ અન્ય એક શખ્સ દીપક ઉર્ફે ભુરો બાબરીયા એ આ દારૂનો જથ્થો આપેલ હોવાનું ખુલતા ફરિયાદ નોંધી હતી.
