ગુરુગ્રામની મિલકતોની કાનૂની જવાબદારી વિકાસ કોહલીને સોંપવામાં આવી
વિરાટ કોહલી ભલે પિચ પર લાંબી ઇનિંગ રમે, પણ કાગળિયાંની માથાકૂટમાંથી ફટાફટ આઉટ થવાનું પસંદ કર્યું!
- Advertisement -
કોહલીનું લંડન શિફ્ટ થવું નક્કી?
મીડિયા રિપોર્ટ્સ મુજબ વિરાટ, અનુષ્કા અને બંને બાળકો સાથે હવે માતા સરોજ કોહલી પણ લંડનમાં રહેશે!
‘હું લંડનનો NRI, મારું ઘર સાચવજે ભાઈ!’
- Advertisement -
ખાસ-ખબર ન્યૂઝ ગુરુગ્રામ, તા.17
ભારતીય ક્રિકેટ ટીમના ભૂતપૂર્વ કેપ્ટન વિરાટ કોહલીએ ગુરુગ્રામ ખાતેની પોતાની મિલકતોનું સંચાલન તેના મોટા ભાઈ વિકાસ કોહલીને સોંપી દીધું છે. ગુરુવારે કોહલીએ ગુરુગ્રામના વઝીરાબાદ તાલુકાની મુલાકાત લીધી હતી અને પોતાની મિલકત માટે જનરલ પાવર ઑફ એટર્ની (GPA) વિકાસ કોહલીના નામે નોંધાવી હતી.
મંગળવારે રજિસ્ટ્રેશન પ્રક્રિયા પૂર્ણ કર્યા બાદ વિરાટ કોહલી તરત જ દિલ્હી એરપોર્ટથી ઓસ્ટ્રેલિયા પ્રવાસ માટે રવાના થયો હતો. આ દરમિયાન તેણે મામલતદાર ઑફિસમાં હાજર કર્મચારીઓ સાથે ફોટા પડાવ્યા અને તેમની વિનંતી પર ઓટોગ્રાફ પણ આપ્યા હતા.
વિરાટ કોહલીનું આ ઘર ગુરુગ્રામના DLF સિટી ફેઝ-1ના બ્લોક-ઈમાં આવેલું એક વૈભવી ઘર છે, જે તેણે 2021માં ખરીદ્યું હતું. આ ઉપરાંત, તેની પાસે ગુરુગ્રામમાં એક ફ્લેટ પણ છે. GPA ટ્રાન્સફર થવાથી હવે વિકાસ કોહલીને વિરાટની આ બંને મિલકતો સંબંધિત તમામ કાનૂની અને વહીવટી બાબતોનું સંચાલન કરવાનો અધિકાર મળી ગયો છે.
વિરાટ કોહલી હાલમાં તેની પત્ની અનુષ્કા શર્મા અને બે બાળકો, પુત્રી વામિકા અને પુત્ર અકય સાથે લંડનમાં રહે છે. તે ભારતમાં ભાગ્યે જ સમય વિતાવે છે, જેને કારણે તેણે ગુરુગ્રામની મિલકતની કાનૂની જવાબદારીઓ તેના ભાઈ વિકાસને સોંપવાનો નિર્ણય લીધો છે.
જોકે, મીડિયા રિપોર્ટ્સમાં એવો દાવો કરવામાં આવી રહ્યો છે કે કોહલી કાયમી ધોરણે લંડનમાં શિફ્ટ થઈ રહ્યો છે. કોહલી પરિવારે ક્યારેય પોતાના શિફ્ટ થવા અંગે સત્તાવાર સ્વીકાર કર્યો નથી, પરંતુ વિકાસને પાવર ઓફ એટર્ની આપવાનો નિર્ણય આ અટકળોને વધુ સમર્થન આપે છે. અહેવાલો મુજબ, અત્યાર સુધી ગુરુગ્રામમાં વિકાસ કોહલી સાથે રહેતા વિરાટના માતા સરોજ કોહલી પણ હવે તેની સાથે ઇંગ્લેન્ડમાં રહેશે. વિરાટે ભારતમાં તેની ગેરહાજરીમાં મિલકતના મામલાઓને વ્યવસ્થિત રાખવા માટે તેના ભાઈને સત્તા સોંપીને વ્યવસ્થાને સુનિશ્ચિત કરી છે.
કોહલીએ લગભગ એક કલાક વિતાવ્યો, પછી ઓસ્ટ્રેલિયા જવા રવાના થયો
વિરાટ કોહલીએ મામલતદાર ઑફિસમાં લગભગ એક કલાક વિતાવ્યો. સ્ટાફ માટે આ એક રોમાંચક ક્ષણ હતી, કારણ કે તેમને તેમના મનપસંદ ક્રિકેટરને મળવાની તક મળી. રજિસ્ટ્રેશન પ્રક્રિયા પૂરી કર્યા પછી વિરાટ સીધો દિલ્હી એરપોર્ટ ગયો, જ્યાંથી તે ઓસ્ટ્રેલિયા પ્રવાસ માટે રવાના થયો.
કોહલીની આવકનો સોર્સ અને નેટવર્થ
2025માં વિરાટ કોહલીની કુલ સંપત્તિ આશરે ₹1,050 કરોડ (આશરે 125 મિલિયન) હોવાનો અંદાજ છે. આ આવક તેના ક્રિકેટ પગાર, ઈંઙક કરારો (છઈઇ સાથે ₹15 કરોડ/સિઝન), બ્રાન્ડ એન્ડોર્સમેન્ટ્સ Puma, Audi, MRF, વગેરેમાંથી વાર્ષિક ₹80-100 કરોડ), બિઝનેસ વેન્ચર્સ (Wrogn, Chisel Gyms, One8) અને રોકાણોમાંથી આવે છે. તે વિરાટ કોહલી ફાઉન્ડેશન જેવા ફાઉન્ડેશનોથી ચેરિટીમાં પણ ફાળો આપે છે, જે સ્પોર્ટ્સ સ્પોન્સરશિપ પૂરી પાડે છે.