ક્રેડિટ કાર્ડ-પર્સનલ લોનનો હિસ્સો 55%ને પાર રોજબરોજના ખર્ચ માટે દેવું કરવાનું પ્રમાણ ખૂબ ચિંતાજનક!

ભારતીય પરિવારોમાં વધતું દેવું: ૠઉઙના 41.3% એ પહોંચ્યો ધિરાણનો રેશિયો

બિન-આવાસીય ક્ષેત્રમાં ખર્ચ વધતા કૌટુંબિક દેવું વધ્યું; આર્થિક પાયા પર જોખમની શક્યતા

ચીન અને મલેશિયાના દેવા દર સામે ભારતનો રેશિયો 41.6% પર સ્થિર; બચત દરમાં પણ સુધારો

ઓટો લોન અને ક્રેડિટ કાર્ડ દેવામાં 12%નો મોટો ઉછાળો

ખાસ-ખબર ન્યૂઝ રાજકોટ

ભારત હવે પશ્ચિમી દેશોની જેમ ’ક્રેડિટ કાર્ડ ઈકોનોમી’ તરફ આગળ વધી રહ્યો છે. છઇઈંના રિપોર્ટ અનુસાર, ભારતીય પરિવારો પરના દેવાનો રેશિયો વધીને ૠઉઙના 41.3% થયો છે. ખાસ બાબત એ છે કે કુલ દેવામાં હોમ લોન કરતા પર્સનલ લોન, ક્રેડિટ કાર્ડ અને ઓટો લોનનો હિસ્સો 55.3% એ પહોંચ્યો છે, જે વર્ષ 2020માં માત્ર 43% હતો.
ચિંતાની વાત એ છે કે 55% પરિવારો રોજબરોજની જરૂરિયાતો પૂરી કરવા લોન લઈ રહ્યા છે. જોકે, રાહતની વાત એ છે કે ભારતીયોની બચત પણ વધીને ૠઉઙના 11.2% થઈ છે. ચીન (60%) અને થાઈલેન્ડ (88%) જેવા દેશોની સરખામણીએ ભારત પર દેવું ઓછું છે, પરંતુ બિન-ઉત્પાદક ખર્ચ માટે લોન લેવાનો ટ્રેન્ડ વધી રહ્યો છે.
દેશના 55% પરિવારો એટલા માટે લોન-ધિરાણ મેળવે છે જે તેના રોજબરોજની આવશ્યકતાને પુરી કરી શકાય. આમ પરિવારને જે ખર્ચ અનિવાર્ય છે તેના માટે ધિરાણ મેળવવું પડે છે. રિઝર્વ બેન્ક ઓફ ઈન્ડીયાના નાણાકીય સ્થિરતા (ફાયનાન્સીયલ-એબીલીટી) રિપોર્ટમાં જણાવાયું છે.
જો કે હજું એ મોટું આશ્વાસન છે કે આ કર્જ વિશ્વના અન્ય ઉભરતા (ઈમર્જીંગ) અર્થતંત્રના પ્રમાણમાં ઓછું છે તો બીજી તરફ કોંગ્રેસ કાળના એક ખરાબ સમયને બાદ કરો તો ભારતીય પરિવારોની બચત પણ વધવા લાગી છે પણ ભારતીય પરિવારોની ઉધારી અથવા લોન કે ધિરાણ એ ગૈર આવાસીય ક્ષેત્રમાં ખર્ચ માટે વધુ છે. જેમાં ક્રેડીટ કાર્ડ અને ઓટો લોનની ભૂમિકા મોટી છે. સપ્ટેમ્બર 2025 સુધીના આંકડા જુઓ તો પરિવારની કુલ ઉધારીમાં 55.3% હિસ્સો તો પર્સનલ લોન, ક્રેડીટ કાર્ડ દેવું અને ઓટો લોનનો સમાવેશ થાય છે.
2020માં આ ટકાવારી 43% હતી અને આ પ્રકારનું દેવું વધતા તેણે હોમલોન-કૃષી કે બિઝનેસ લોનને પાછળ છોડી દીધી છે. આમ ઘરેલું કે વ્યક્તિગત જેવા ખર્ચમાં ધિરાણ લેવું પડે તે સ્થિતિ વધી છે. જે બાદ સંપતિ- (આવાસ કે તેવી મિલ્કતો) અને ઉત્પાદકીય કારણોથી થતા ધિરાણનો આવે છે. કુલ ધિરાણમાં હોમલોન ધિરાણ 28.6% અને બીઝનેસ લોન 16.1% છે. જો કે ભારતીયોની કમાણી વધી છે તેથી તે ‘જોખમ’ લે છે. કારણ એ છે કે પરિવારોની ‘બચત’ પણ વધી છે. આ રિપોર્ટમાં કહેવામાં આવ્યું છે કે, પરિવારોની 2025ના નાણાકીય વર્ષના ચોથા કવાટરમાં બચત દર જીડીપીના 80.6% થયા છે તથા 2022-23 જે કોરોનાકાળ પછીનો સમય હતો તેમાં આ બચત દર જીડીપીમાં 4.9% નોંધાયો હતો.
અગાઉના વર્ષમાં તે 7.2% હતો પણ હવે 2024/25માં તે 7.6% થયો છે અને હવે તે 11.2% નોંધાયો છે. ભારતમાં જો કે હજું ઓછું દેવું કરે છે. થાઈલેન્ડમાં જીડીપી દેવા દર 88%, મલેશિયામાં 69.1%, ચીનમાં 60.1% અને ભારતમાં 41.6% છે.

એક વર્ષમાં ગોલ્ડ લોન 125% વધી : લઘુઉદ્યોગ ધિરાણ 12% વધ્યુ : RBI

દેશમાં સોનાના સતત ઉંચા જતા ભાવ વચ્ચે ગોલ્ડ લોનનું પ્રમણ પણ બેન્ક ધિરાણમાં 10 ગણું વધી ગયુ છે અને નવે. 2025ના આંકડા મુજબ ગત વર્ષની સરખામણીમાં ગોલ્ડલોન 77% વધી છે. બેન્કોમાં ગોલ્ડ લોનનું કુલ બેન્ક ધિરાણ રૂા.3.6 લાખ કરોડનું નોંધાયું છે જે કુલ બેન્ક ધિરાણના ફકત 2% જ છે. પરંતુ છેલ્લા એક વર્ષમાં આ ધિરાણ 1.50 લાખ કરોડ વધ્યુ છે. આ પ્રકારે ગોલ્ડ લોન વધવા પાછળ બેન્કીંગ નિષ્ણાંતો ત્રણ કારણ જવાબદાર ગણાવે છે. એક તો તે ઝડપથી મળતું ધિરાણ છે. ઉપરાંત સોનાના ભાવમાં વધારો થતા લોકોને વધુ રકમનું ધિરાણ મળે છે અને તેનું રીપેમેન્ટ પણ સરળતાથી કરી શકાય છે. આ ઉપરાંત માઈક્રો અને સ્મોલ એન્ટરપ્રીનીયોર્સ લઘુ ઉદ્યોગોને સમાન ધિરાણ રૂા.9.5 લાખ કરોડ થયું છે. જેમાં પણ 1.5 લાખ કરોડનો વધારો થયો છે. જયારે ઔદ્યોગીક ધિરાણ 28.7 લાખ કરોડ નોંધાયુ છે. જેમાં એક વર્ષમાં 46090 કરોડનો વધારો થયો છે.