છત્તીસગઢમાં સુરક્ષા દળોએ નક્સલવાદીઓ વિરુદ્ધ મોટું ઓપરેશન હાથ ધર્યું છે. સુરક્ષા દળો સાથેના એન્કાઉન્ટરમાં 16 નક્સલીઓ ઠાર મરાયા
જણાવી દઈએ કે છત્તીસગઢના સુકમા જિલ્લામાં શનિવારે સવારે સુરક્ષા દળો અને નક્સલીઓ વચ્ચે એન્કાઉન્ટર શરૂ થયું. પોલીસના જણાવ્યા અનુસાર, આ એન્કાઉન્ટર કેરળપાલ પોલીસ સ્ટેશન વિસ્તારના એક જંગલમાં થયું, જ્યાં સુરક્ષા દળોની સંયુક્ત ટીમ નક્સલ વિરોધી કાર્યવાહી પર નીકળી હતી.
- Advertisement -
ગુપ્તચર માહિતીના આધારે ઓપરેશન શરૂ થયું
એક અધિકારીએ જણાવ્યું કે ડિસ્ટ્રિક્ટ રિઝર્વ ગાર્ડ (DRG) અને સેન્ટ્રલ રિઝર્વ પોલીસ ફોર્સ (CRPF)ના જવાનો આ ઓપરેશનમાં સામેલ છે. શુક્રવારે રાત્રે આ વિસ્તારમાં માઓવાદીઓની હાજરી અંગે ગુપ્ત માહિતી મળ્યા બાદ આ ઓપરેશન શરૂ કરવામાં આવ્યું હતું.
ત્રણ નક્સલીઓને કર્યા હતા ઠાર
- Advertisement -
મંગળવારે અગાઉ, દાંતેવાડા જિલ્લામાં સુરક્ષા દળો સાથેની એન્કાઉન્ટરમાં ત્રણ નક્સલીઓ માર્યા ગયા હતા. તેમાં માઓવાદી સુધીર ઉર્ફે સુધાકર ઉર્ફે મુરલી પણ હતો, જેના પર 25 લાખ રૂપિયાનું ઇનામ હતું. આ સાથે, સ્થળ પરથી INSAS રાઇફલ, 303 રાઇફલ અને મોટી માત્રામાં દારૂગોળો જપ્ત કરવામાં આવ્યો હતો.
25 લાખનો ઇનામી નક્સલી ઠાર
પોલીસ અધિક્ષક ગૌરવ રાયે જણાવ્યું કે દાંતેવાડા અને બીજાપુર જિલ્લાની સરહદ પર સ્થિત ગીદમ પોલીસ સ્ટેશન વિસ્તારના ગિરસાપારા, નેલગોડા, બોડગા અને ઇકેલીના સરહદી વિસ્તારોમાં નક્સલીઓની હાજરી અંગે માહિતી મળી હતી. આ પછી, DRG અને બસ્તર ફાઇટર્સની ટીમ માઓવાદી વિરોધી કામગીરી પર ગઈ. સુરક્ષા દળોને જોતા જ નક્સલીઓએ ગોળીબાર શરૂ કરી દીધો. આ પછી, જવાબી ગોળીબાર દરમિયાન, ત્રણ નક્સલીઓ ઘટનાસ્થળે જ માર્યા ગયા. તેમાંથી એકની ઓળખ સુધીર ઉર્ફે સુધાકર ઉર્ફે મુરલી તરીકે થઈ હતી, જેના માથા પર 25 લાખ રૂપિયાનું ઇનામ હતું.
