ખાસ-ખબર સંવાદદાતા
જૂનાગઢ પોરબંદર લોકસભાના ભાજપના ઉમેદવાર કેન્દ્રીય આરોગ્ય મંત્રી મનસુખભાઈ માંડવીયાના નામની જાહેરાત કરવામાં આવ્યા બાદ મનસુખભાઈ માંડવીયા પોરબંદર લોકસભા મત વિસ્તારમાં પ્રવાસ કાર્યક્રમ યોજાયો હતો જેમાં માણાવદર વિધાનસભા પ્રવાસ કાર્યક્રમમાં ગુજરાત સરકારના પૂર્વ કેબિનેટ મંત્રી અને માણાવદર વિસ્તારના પૂર્વ ધારાસભ્ય જવાહર ચાવડા ન દેખાતા અનેક તર્ક વિતર્કની વાતો થઇ રહી છે.
ઉલ્લેખનીય છીએ કે ઘણા સમયથી જવાહરભાઈ ચાવડા કોઈ સરકારી કે ભાજપના રાજકીય કાર્યક્રમમાં દેખાતા ન હોવાનું જોવા મળી રહ્યું છે ત્યારે પોતાની અવગણના થતી હોવાનું પણ લોકોમાં ચર્ચા રહ્યું છે.ત્યારે આજે પોતાનાજ મતવિસ્તારમાં ન દેખાતા અનેક તર્ક સર્જાયા છે ? ત્યારે આજે માણાવદર મતવિસ્તારમાં સ્વામિનારાયણ મંદિર ખાતે મનસુખભાઈ માંડવીયા દર્શનાર્થે આવતા આ બાબતે મીડિયાએ પૂછતા તેઓએ પણ મૌન સેવી લીધું હતું અને જવાબ આપવાનું ટાળ્યું હતું ત્યારે આગામી સમયમાં શું નવાજૂનીના એંધાણ છે તે સમય જ બતાવશે.
