ભાજપના કાર્યકર્તાએ મોરબી સીટી બી ડિવિઝન પોલીસ મથકે ફરિયાદ નોંધાવી
ખાસ-ખબર સંવાદદાતા
મોરબી માળીયા વિસ્તારના ધારાસભ્ય કાંતિલાલ અમૃતીયાને ઈન્સ્ટાગ્રામ આઈડી ઉપરથી બિભત્સ ગાળો આપી ધમકી આપનાર શખ્સ વિરુદ્ધ મોરબીના ભાજપ કાર્યકર્તા દ્વારા સીટી બી ડિવિઝન પોલીસ મથકમાં ફરિયાદ નોંધાવવામાં આવી છે. આ અંગે જાણવા મળતી માહિતી મુજબ મોરબી માળીયા વિસ્તારના ધારાસભ્ય કાંતિલાલ અમૃતીયાને ઈન્સ્ટાગ્રામ આઈડી ઉપરથી મહેશભાઈ બોરીચા નામના શખ્સ દ્વારા ગર્ભિત ધમકી આપી બેફામ ગાળો આપવામાં આવતા ભાજપના કાર્યકર જયદીપભાઈ મનસુખભાઈ દેત્રોજાએ સીટી બી ડિવિઝન પોલીસ મથકમાં ફરિયાદ નોંધાવતા પોલીસે આઇપીસી કલમ 504 અને 507 મુજબ ગુન્હો નોંધીને તપાસ શરૂ કરી છે.
