ગોંડલના ગણેશ જાડેજા વિરુદ્ધ ફરિયાદ કરનારનો ભૂતકાળ કલંકિત

રાજુ, દેવ અને સંજય સોલંકી વિરુદ્ધ દોઢ ડઝન ફોજદારી કેસ

જયરાજસિંહના પરિવારને બદનામ કરવાનું કાવતરું?

ખાસ-ખબર ન્યૂઝ જૂનાગઢ, તા.11
જૂનાગઢના યુવાનનું અપહરણ કરી હથિયાર બતાવી નગ્ન વિડીયો ઉતારવા સહિતના મામલે ગોંડલ ધારાસભ્યના પુત્ર ગણેશ જાડેજાને ખોટી રીતે ફસાવવામાં આવતા હોવાનું ચિત્ર ઉપસી રહ્યુ છે. જયરાજસિંહ અને ગીતાબા જાડેજાના પુત્ર ગણેશ ગોંડલ ઉપરાંત સાત લોકો પર ફરિયાદ દાખલ કરનારા ફરિયાદી અને તેના પરિવારનો ભૂતકાળ તપાસતા ચોંકવનારી વાસ્તવિકતાઓ પ્રકાશમાં આવી છે જેણે આખાય મામલે દૂધનું દૂધ અને પાણીનું પાણી કરી દીધું છે. ગોંડલ ગણેશ પર ફરિયાદ કરનાર ફરિયાદી સંજય સોલંકી અને તેના પરિવારના સભ્યો દેવ સોલંકી તથા રાજુ સોલંકી ગુન્હાહિત ઈતિહાસ ધરાવે છે. સંજય સોલંકી અને તેના પરિવાર સામે કુલ 17 જેટલા ગુના નોંધાઈ ચૂક્યા છે, જેમાં મારામારી અને લૂંટ સહિતના અનેક ગુનાઓ સામેલ છે. સંજય સોલંકીના પરિવારજનો રાજુ બાવનજી સોલંકી વિરુદ્ધ 12 ગુના નોંધાઈ ચૂક્યા છે, દેવ રાજુ સોલંકી વિરુદ્ધ 2 ના નોંધાયા છે, સંજય રાજુ સોલંકી વિરુદ્ધ 3 ગુના નોંધાયા છે. વર્ષ 2014થી આ આખોય સોલંકી પરિવાર ગુન્હાહીત ઈતિહાસ ધરાવતો હોવાનું માલૂમ પડે છે

સંજય, દેવ અને રાજુ સોલંકી કુખ્યાત અપરાધી, અનેક ગુનાઓમાં સાથે સંકયાળેલા આરોપી
સંજય અને દેવ ઉપરાંત તેના પિતા રાજુ સોલંકી અનેક ગુનામાં ભાગીદાર છે. એ કહેવું અતિશયોક્તિભરેલું નહીં લાગે કે સંજય, દેવ અને રાજુ સોલંકી કુખ્યાત અપરાધી અને અનેક ગુનાઓમાં સંકયાળેલા રેઢિયાળ આરોપી છે. સંજય, દેવ અને રાજુ સોલંકી સામે હત્યાના પ્રયાસ, મારામારી, લૂંટ, વ્યાજખોરી, ગેરકાયદે હથિયાર, અપહરણ, પોલીસ પર હુમલો અને જુગાર સહિતના અનેક ગુનાઓ નોંધાઈ ચૂક્યા છે. આ પૈકી એક આરોપીએ ગણેશ ગોંડલ સામે પણ ખોટો કેસ દાખલ કર્યો હોવાની ચર્ચાએ જોર પકડ્યું છે.

સંજય, દેવ અને રાજુ સોલંકી પર ક્યાં-ક્યાં ગુનાઓ ક્યારે-ક્યારે નોંધાયા છે?
08/07/2014માં અપહરણની કૌશિષ અને માર મારવાનો ગુનો
08/10/2014માં પોલીસ પર હુમલાનો કેસ
29/10/2014માં ઘોડી પાસાના જુગારનો કેસ
20/10/2014માં જુગાર પર રેડ કરવા ગયેલા અજઈં સહિતના પોલીસ કર્મીઓ પર જીવલેણ હુમલો અને પોલીસની ગાડીઓમાં નુકસાન પહોંચાડ્યું
4/4/2016 માં અપહરણ કરીને ઢોર માર મારીને લૂંટનો ગુનો
12/3/2016ના રોજ એક વ્યક્તિએ રસ્તા પરથી સાઈડમાં હટી જવાનું કહેતા તે વ્યક્તિ અને તેની પત્નિ પર પણ હુમલો કર્યો, ત્યારબાદ ફરિયાદીના ઘરે તલવાર ભાલા જેવા હથિયારો લઈ જાનથી મારી નાખવાની ધમકી આપી
29/9/2017ના રોજ જૂની અદાવતમાં ધારિયા વડે હુમલો, મારામારી અને ગેરકાયદેસર હથિયારની ફરિયાદ
14/12/2017ના રોજ જૂની અદાવતમાં ફરિયાદીના ઘરે જઈ સોડા બોટલો વડે હુમલો અને ફરિયાદીને તમંચો બતાવી જાનથી મારી નાખવાની ધમકી
2/6/2020માં વ્યાજખોરી અને પઠાણી ઉઘરાણીનો ગુનો
1/2/2022 સામે જોવા જેવી સામાન્ય બાબતમાં લોખંડના પાઇપ અને લાકડી વડે હુમલો અને જાનથી મારી નાખવાની ધમકી
16/8/22ના રોજ રાજુના દારૂના ધંધાની પોલીસ ફરિયાદ કરાવનાર વ્યક્તિને લોખંડના પાઇપ વડે આડેધડ માર માર્યાની ફરિયાદ
27/9/2023ના રોજ જૂની અદાલતનું મનદુ:ખ રાખી ફરિયાદીને લોખંડના પાઇપ વડે બેફામ માર માર્યો,હત્યાના પ્રયાસ સહિતની ફરિયાદ નોંધાઇ
28/6/23ના રોજ મધુરમ ગેટ પાસે ફરિયાદીએ દાંડિયા ક્લાસના સ્ટીકર ચોટડવાની ના કહેતા સંજય સોલંકી સહિતના શખ્સોએ ફરિયાદી પર પથ્થર અને લોખંડના પાઇપથી કર્યો જીવલેણ હુમલો
19/8/23ના રોજ દારૂ પીધેલી હાલતમાં મળી આવતા પ્રોહિબિશનનો ગુનો