1 એપ્રિલથી વધશે CNG-PNG ગેસના ભાવ !

 મોંઘવારીની મોટી થપાટ માટે રહો તૈયાર : ખાદ્ય ચીજવસ્તુઓ, કાચા તેલ, ફળો અને શાકભાજી સહિત અનેક ઉત્પાદનોની કિંમતો વધી રહી છે
ખાસ-ખબર સંવાદદાતા
દેશમાં હાલ દરેક વસ્તુઓના ભાવમાં સતત વધારો થઈ રહ્યો છે. જેના કારણે સામાન્ય લોકોનું જીવવું સતત મુશ્કેલ બની રહ્યો છે. ખાદ્ય ચીજવસ્તુઓ, કાચા તેલ, ફળો અને શાકભાજી સહિત અનેક ઉત્પાદનોની કિંમતો વધી રહી છે. મોંઘવારીના કારણે સામાન્ય માણસ મુશ્કેલીનો સામનો કરી રહ્યો છે. વ્યક્તિના ઘરનો ખર્ચો કાઢવો પણ મુશ્કેલ બની જાય છે. મોંઘવારીના કારણે આપઘાતના સમાચાર સતત આવતા હોય છે.
ગેસના ભાવ વધતાતેની સીધી અસર દેશના સામાન્ય નાગરિકોના ખિસ્સા પર પડશે. કેન્દ્રીય કેબિનેટ ટૂંક સમયમાં દેશમાં ઉત્પાદિત કુદરતી ગેસની કિંમતો વધારવા પર વિચાર કરી શકે છે. તમને જણાવી દઈએ કે નેચરલ ગેસ એટલે કે સીએનજીના ભાવમાં વધારાને કારણે લોકોની અવરજવર પર પણ અસર પડશે, જેના કારણે ઓટો રિક્ષા, ટેમ્પોના ભાડામાં વધારો થવાની સંભાવના છે.
સૂત્રોના જણાવ્યા અનુસાર કેન્દ્ર સરકાર દેશમાં ઉત્પાદિત કુદરતી ગેસના ભાવમાં બે વખત વધારો કરે છે. આ ગેસનો ઉપયોગ સીએનજીના રૂપમાં વાહનોમાં થાય છે. તે જ સમયે, પીએનજીનો ઉપયોગ રસોડામાં ગેસ તરીકે થાય છે. આ ઉપરાંત ઉત્પાદિત કુદરતી ગેસનો ઉપયોગ વીજળી અને ખાતરના ઉત્પાદનમાં થાય છે. 1 એપ્રિલથી આ ગેસના ભાવમાં જોરદાર ઉછાળો આવી શકે છે.મીડિયા રિપોર્ટ્સ અનુસાર, જો કેન્દ્ર સરકાર પહેલાની ફોમ્ર્યુલા અનુસાર ગેસની કિંમત નક્કી કરે છે, તો ગેસની કિંમત ઼ 10.7 પ્રતિ ળળઇિીં સુધી થઈ શકે છે. તે જ સમયે, નવા ગેસ ફિલ્ડમાંથી ગેસની કિંમત કાઢવા પર કેટલાક ફેરફારો જોવા મળી શકે છે.