કેવળ દાંતની દવાથી ઘણું ઘણું વિશેષ છે લવિંગ, પુરુષો માટે તો એક ઉપહાર !

લવિંગમા રહેલું યુજેનોલ નામનું તત્વ અનેક સ્વાસ્થ્ય સમસ્યાઓમાં કાયમી પરિણામ આપે છે

ભારતીય, ખાસ કરીને ઉત્તર અને પશ્ર્ચિમી ભારતીય રસોઈના મસાલાઓમાં લવિંગ એક આવશ્ર્યક ઘટક છે, તેની વિશિષ્ટ તીખાશ અને તેના અતી વિશેષ સ્વાદના કારણે લવિંગ જેણે જિંદગીમાં એક વખત પણ મોમાં મૂક્યું હોય તે જીંદગીભર તેનો સ્વાદ ભૂલી ના શકે! આપણે ત્યાં પંજાબી, રાજપુતાના અને મોગલાઈ રસોઈમાં તજ લવિંગ એલચીની એક અદભૂત ત્રિપુટી આ વાનગીઓને અનન્ય સ્વાદ અને સોડમ બક્ષે છે. આપણે ત્યાં દાંતની સમસ્યાઓમાં તજજ્ઞ તબીબથી લઈને સર્વસામાન્ય લોકો એક સરખા ભરોસાથી લવિંગના તેલનો સદીઓથી ઉપયોગ કરે છે. જોકે તેના આ સિવાય બીજા પણ ઘણા સ્વાસ્થ્ય લાભ છે પરંતુ બહુ ઓછા લોકો તે બાબતે વિગતે જાણકારી ધરાવતા હોય છે.

લવિંગનું મૂળ વતન ઈન્ડોનેશિયા છે. આપણે જેનો ઉપયોગ કરીએ છીએ તે લવિંગ આ વૃક્ષની કળી છે. વૃક્ષમાંથી લવિંગ મેળવવા માટે તેની કળીઓ ખીલે
તે પહેલાં જ તેને ઉતારીને સૂકવી નાખવામાં આવે છે. દાંતના દુ:ખાવા ઉપરાંત અનેક પ્રકારની બીમારીઓમાં તે ઘણા સારા પરિણામો આપે છે. આધુનિક ચિકિત્સા વિજ્ઞાન અને અમુક દ્વષ્ટિએ આયુર્વેદના કારણે આપને બેઝિક વનસ્પતિજન્ય ઔષધોના અભ્યાસ અને ઉપયોગથી વિમુખ થયા છીએ પરંતુ અનેક અન્ય વનસ્પતિ સાથે લવિંગનો ગહન અભ્યાસ માનવજાતને ઘણી મોટી ભેટ આપી શકે એમ છે. તો ચાલો લવિંગના કેટલાક ઔષધીય ગુણો બાબતે જાણીએ.

સામાન્ય પીડા અને બળતરા રાહત આપે છે
લવિંગમાં રહેલું જે તત્વ તેને દાહ વિરોધી અને પીડા શામક બનાવે છે તેનું નામ યુજેનોલ છે. વળી આ યુજેનોલ ઉત્સેચકોને અવરોધે છે અને સોજોના કારણો નિવારે છે ઈજા અને બીમારીના વિવિધ તબક્કે આ રીતે તે ખુબ ઉપયોગી થઈ શકે છે. આમ આ સુગંધી લવિંગ માત્ર પીણાં અને રસોઈ માટેનો એક ઘટક પદાર્થ નથી બલ્કે હર્બલ દવામાં પણ તેનો વ્યાપકપણે ઉપયોગ થાય છે. તદુપરાંત પોતાના વિશેષ સ્વાદ અને સુગંધના કારણે તેને આહારમાં સામેલ કરવાનું સરળ રહે છે.

દાંતના દુ:ખાવાથી રાહત આપે છે
આયુર્વેદમાં હજજારો વર્ષથી દંતશૂળ માટે લવિંગનો વિવિધ રૂૂપ ઉપયોગ થતો આવ્યો છે, જ્યારે આધુનિક ચિકિત્સા વિજ્ઞાન પણ એક સદી કરતાં પણ વધુ સમયથી દાંતની સારવારમાં યુજેનોલ નામના પદાર્થનો ઉપયોગ કરે છે.
1830 દરમિયાન, તેનો ઉપયોગ ફિલિંગ માટે થતો હતો. પાછળથી, તે ફોલ્લાઓ અને પેઢાના રોગનો સામનો કરવા માટે તેલમાં અને રુટ કેનાલ થેરાપીમાં પણ ઉપયોગ કરવામાં આવ્યો હતો. લવિંગ પોતે જ યુજેનોલનો સમૃદ્ધ સ્ત્રોત છે. એશિયામાં ઘણા વર્ષોથી દાંતની ફરિયાદોને લવિંગના તેલથી સારવાર કરવી સામાન્ય
બાબત છે.

લીવરના સ્વાસ્થ્યને પ્રોત્સાહન આપે છે
વધુ શું છે, લવિંગમાં રહેલું યુજેનોલ શરીરની આસપાસ અન્યત્ર મદદ કરી શકે છે. ઉદાહરણ તરીકે યકૃત જ લો ને. લીવર માનવ પાચનમાં સૌથી મહત્વની ભૂમિકા ભજવે છે, જે શ્રેષ્ઠ સ્વાસ્થ્યને સુનિશ્ર્ચિત કરવા માટે 500 જેટલા કાર્યો માટે જવાબદાર છે. મૂળભૂત રીતે આપણે જે ગ્રહણ કરીએ છીએ તે બધું યકૃતમાંથી પસાર થાય છે, અને તે જાણે છે કે શેનો સંગ્રહ કરવો શું જવા દેવું.
લિવરને લવિંગ દ્વારા મળતા યુજેનોલના કારણે પણ ફાયદો થઈ શકે છે. તે લિવારની કાર્યક્ષમતામાં સુધારો કરે છે અને તેમાં દાહની સ્થિતિ નિવારે છે. તદુપરાંત, અન્ય સંશોધન પ્રોજેક્ટ પણ સૂચવે છે કે યુજેનોલ સિરોસિસને કારણે થતા નુકસાનને સરભર કરી શકે છે.

પાચનમાં મદદ કરે છે
તે આંતરડાના સ્વાસ્થ્યને ઉત્તેજન આપવામાં પણ ભૂમિકા ભજવે છે.
તે આપણા પાચનતંત્રમાં ઉત્સેચકોની પ્રવૃત્તિઓનું નિયમન કરી શકે છે. તે આ પ્રક્રિયાને કુદરતી બનાવે છે, તે ખોરાક પર પ્રક્રિયા કરવા માટે મદદ કરે છે. પરિણામે, લવિંગ અપચો, પેટમાં ખેંચાણ અને પેટનું ફૂલવું જેવી સમસ્યાઓનો સામનો કરવામાં મદદ કરે છે. હર્બલ તજજ્ઞ લવિંગને મધમાં કાલવિને અથવા પાઉડર સ્વરૂૂપે લેવાની ભલામણ કરે છે. લવિંગમાં ફાઇબરનું પ્રમાણ વધુ હોવાથી કબજિયાત પણ અટકાવી શકે છે.

સારવારમાં લવિંગ જેવી વનસ્પતિજન્ય ચીજોના ઉપયોગમાં ઘટાડો થતાં અનેક બીમારીઓમાં સારા પરિણામો નથી મળતા

5. રોગપ્રતિકારક શક્તિને મજબૂત બનાવે છે
જંતુઓ દરેક જગ્યાએ હોય છે. ઉદાહરણ તરીકે, તે આપણા પાલતુ પ્રાણીઓ અને અન્ય મનુષ્યો સાથે ક્રિયાપ્રતિક્રિયા કરીને તેમની સાથે સંપર્કમાં આવી શકે છે. અને આપણે તેને સાર્વજનિક ડોર હેન્ડલ્સ, હેન્ડ્રેલ્સ, શોપિંગ કાર્ટ અથવા એટીએમ જેવી સામાન્ય રીતે શેર કરેલી વસ્તુઓ દ્વારા પણ તેના સંપર્કમાં આવી શકી છીએ. જો આપણી રોગપ્રતિકારક શક્તિ મજબૂત હશે તો ચેપ અને રોગો સામે આપણો બચાવ થશે.સ્વાસ્થ્યપ્રદ આહાર રોગપ્રતિકારક શક્તિને મજબૂત કરવામાં મદદ કરી શકે છે. લવિંગ તેમાં મોટો ભાગ ભજવી શકે છે. લવિંગની અંદર વિટામિન સી મોટી માત્રામાં હોય છે, તે શ્ર્વેત રક્તકણોનું ઉત્પાદન વધારે છે જે રોગો સામે લડવા માટે જરૂરી છે.

6. હાડકા અને સાંધાનું સ્વાસ્થ્ય સુધારે છે
આજકાલ, બાળકોને એવો આહાર લેવા માટે પ્રોત્સાહિત કરવામાં આવે છે જે તેમના હાડકાંને વિકસાવવામાં મદદ કરે છે. જો કે, હાડકાની તંદુરસ્તી એવી વસ્તુ છે જે પુખ્ત જીવનમાં પણ જાળવી રાખવી જોઈએ. જેમ જેમ લોકો મોટા થાય છે, તેમના 30 ના દાયકાની શરૂઆતથી, હાડકાં ધીમે ધીમે નબળા થતા જાય છે, પરંતુ લવિંગ તેમની મજબૂતી જાળવવામાં મદદ કરી શકે છે. લવિંગ એવા પોષક તત્વોથી ભરપૂર છે જે હાડકાની સ્થિતિ સુધારે છે.

7. બેક્ટેરિયા સામે લડે છે

આંતરડા ચોક્કસ પ્રકારના બેક્ટેરિયા માટેના ઉછેર કેન્દ્ર જેવી જગ્યા છે. પછી ભલે તેના યજમાનનું સ્વાસ્થ્ય ઠીક ઠીક હોય, દાખલા તરીકે ઇ. કોલી, તે મનુષ્યો સહિત ઘણા સ્વસ્થ જીવોની અંદર રહે છે. મોટા ભાગના કિસ્સાઓમાં, તે કોઈ સમસ્યા ઊભી કરતા નથી, જો કે, વધુ વાઈરલ જાતો વાહકને બહુ ખરાબ રીતે બીમાર કરી શકે છે.
આર્જેન્ટિનાની યુનિવર્સિટી ઓફ ઓફ બ્યુનોસ એરેસના નિષ્ણાતોએ આવા બેક્ટેરિયા પર લવિંગની અસરનો અભ્યાસ કર્યો હતો.

8. એન્ટીઑકિસડન્ટોથી ભરપૂર છે લવિંગ
શરીર ખોરાકનું પાચન કરે ત્યારે તે ફ્રી રેડિકલ ઉત્પન્ન કરે છે. તે બિનજરૂરી છે અને તેને બહાર કાઢવા જરૂરી હોય છે, કારણ કે તે ઓક્સિડેટીવ સ્ટ્રેસ તરીકે ઓળખાતી હાનિકારક સ્થિતિનું કારણ બની શકે છે. તદુપરાંત જો શરીરમાં વધુ પડતા હોય તો તે કેન્સર, ડાયાબિટીસ અને હૃદય રોગ જેવી બીમારીઓનું કારણ બની શકે છે. લવિંગ આ ફ્રી મુક્ત રેડિકલ સામે શ્રેષ્ઠ સંરક્ષણ છે. તેમાં અન્ય કોઈપણ ખાદ્યપદાર્થ કરતાં અધિક માત્રામાં પોલિફીનોલ હોય છે. તે એન્ટીઓક્સીડેન્ટથી ભરપૂર એવું એક સૂક્ષ્મ પોષકતત્વ છે. જ્યારે તે શરીરમાં શોષણ પામે છે ત્યારે પોલિફીનોલ્સ ધમનીની તંદુરસ્તી વધારવામાં, બ્લડ પ્રેશર અને કોલેસ્ટ્રોલ ઘટાડવામાં અને સામાન્ય રીતે આપણને લાંબુ જીવન જીવવા માટે મોટી મદદ કરે છે.

9. સંભવત: બ્લડ-સ્યુગર રેગ્યુલેટર તરીકે કાર્ય કરે છે
જમ્યા પછી બ્લડ સુગરના સ્તરમાં વધઘટ થાય છે. કાર્બોહાઇડ્રેટ્સ શર્કરામાં પાચન થાય છે, જે પછી શરીરની આસપાસ તેમનો માર્ગ બનાવે છે. જ્યારે આવું થાય છે, ત્યારે સ્વાદુપિંડ ખાંડની પ્રક્રિયામાં મદદ કરવા માટે ઇન્સ્યુલિનનું ઉત્સર્જન કરે છે, જેના કારણે શરીરમાં બ્લડ સુગરનું પ્રમાણ ઘટે છે. બ્લડ સુગરમાં અચાનક ઘટાડો થવાની હળવી પ્રતિક્રિયાઓમાં ભૂખ અને સુસ્તીનો સમાવેશ થાય છે. અને વધુ ગંભીર કિસ્સાઓમાં, ડાયાબિટીસ થઈ શકે છે. થોડા કાર્બોહાઇડ્રેટ્સ ધરાવતો આહાર રક્ત શર્કરાના આદર્શ સ્તરને જાળવી રાખવામાં મદદ કરી શકે છે, લવિંગનું સેવન તેમાં ઉપકારક નીવડે છે. લવિંગમાં રહેલા તત્વો એ જ રીતે કાર્ય કરે છે જે રીતે ઇન્સ્યુલિન કરે છે.

10. લોહીના ગંઠાઈ જવાને સરળ બનાવે છે
લોહીના ગંઠાવાનું સામાન્ય રીતે કટ વગેરે સામે શરીરના કુદરતી સંરક્ષણનો એક ભાગ છે. લોહીના નુકશાનને રોકવા માટે લોહીની પેશીઓ જાડી થાય છે. જ્યારે કટ સાજો થઈ જાય છે, ત્યારે સામાન્ય રીતે ગંઠાવાનું ઓગળી જાય છે અને લોહી તેની કુદરતી ઘનતામાં પાછું આવે છે. જો કે, જો ગંઠાવાનું રહે છે અને લોહીના પ્રવાહમાં આગળ વધવાનું શરૂ કરે છે, તો ધમનીઓ અવરોધિત થઈ શકે છે. લવિંગનું જાદુઈ ઘટક – યુજેનોલ – લોહીના ગંઠાઈ જવાની પ્રક્રિયાને સરળ બનાવે છે. જો કે, અમુક સંજોગોમાં ગંઠાઈ જવાની જરૂરિયાતને જોતાં, ભોજનમાં વધુ લવિંગનો સમાવેશ કરતાં પહેલાં સાવધાની રાખવી જોઈએ.

11. પોષક તત્વોનો સ્ત્રોત
તે અસંખ્ય પોષક તત્વોને પોતાની ભીતર ભરી બેઠા છે. દાખલા તરીકે, એક ચમચી પીસેલા લવિંગ એક ગ્રામ કાર્બોહાઇડ્રેટ અને ફાઇબર પ્રદાન કરે છે, તેમાં મેંગેનીઝ પણ તબીબો દ્વારા ભલામણ કરેલ દૈનિક સેવનનો લગભગ ત્રીજા જેટલો ભાગ પૂરો પાડે છે. તેમાં વિવિધ વિટામિન્સ પણ હોય છે. અલબત, ફાઈબર આંતરડાની સ્વસ્થ ગતિવિધિ માટે જરૂરી છે, જ્યારે વિટામિન સી રોગપ્રતિકારક શક્તિને વધારવામાં મદદ કરી શકે છે. વધુમાં, લવિંગમાં જોવા મળતું મેંગેનીઝ મગજને તેજ રાખવાની સાથે સાથે હાડકાંને મજબૂત બનાવવામાં મદદ કરે છે. અન્ય પોષક તત્વો પણ મળી શકે છે, જેમાં મૂળભૂત શારીરિક કાર્યો માટે કેલ્શિયમ તેમજ તંદુરસ્ત કોષો માટે વિટામિન ઊ અને મેગ્નેશિયમનો સમાવેશ થાય છે.

લવિંગ પેટના અલ્સરની સારવારમાં પણ અસરકારક હોઈ શકે છે, જ્યારે ખોરાકને તોડવા માટે વપરાતા એસિડ સામે પેટની સંરક્ષણ અસરકારક રહેતી નથી ત્યારે અલ્સર થાય છે. તે પેટના અસ્તર, અન્નનળી અને નાના આંતરડાના પ્રથમ ભાગને અસર કરે છે અને તે પીડાદાયક હોઈ શકે છે, લવિંગ તેલ તેમાં પણ મદદ કરી શકે છે

12. કેન્સર-નિવારણ ગુણધર્મો
અભ્યાસ સૂચવે છે કે લવિંગમાં રહેલા કેટલાક ખાસ તત્વો કેન્સરને દૂર કરવામાં મદદ કરી શકે છે. સંશોધકોએ ટેસ્ટ ટ્યુબ અભ્યાસમાં અવલોકન કર્યું હતું કે લવિંગના સંયોજનો ગાંઠોના વિકાસને અટકાવે છે અને કેન્સરગ્રસ્ત કોષોને પણ મારી નાખે છે. લવિંગનું તેલ અન્નનળીનું કેન્સર પેદા કરતા ત્રણ ચતુર્થાંશ કરતાં વધુ કોષોનો નાશ કરે છે. લવિંગની કેન્સર સામે લડવાની તાકાત પણ એ જ યુજેનોલના કારણે છે. પરીક્ષણોએ બતાવ્યું કે લવિંગના સંયોજન સર્વિક્સમાં કેન્સરના કોષોના વિનાશમાં પણ ભૂમિકા ભજવે છે. જો કે, એ નોંધવું જોઈએ કે આ અભ્યાસોમાં યુજેનોલ, લવિંગ તેલ અને લવિંગના અર્કનો ખૂબ જ સાંદ્ર સ્વરૂપમાં ઉપયોગ કરવામાં આવ્યો હતો.

12. મોના સ્વાસ્થ્યને વધારે છે
અગાઉ કહ્યું તેમ લવિંગ આંતરડામાં એન્ટીબેક્ટેરિયલ તરીકે કાર્ય કરે છે. આ અસરો શરીરમાં અન્યત્ર પણ લાગુ પડે છે. દાખલા તરીકે, લવિંગ માત્ર દાંતના દુ:ખાવાને દૂર કરવામાં મદદ નથી કરતું બલ્કે તે મોંમાં ઉત્પન્ન થયેલા બેક્ટેરિયાને મારવામાં પણ મદદ કરી શકે છે, જે લવિંગને મોના સ્વાસ્થ્ય માટે અસરકારક બનાવે છે. સંશોધકોએ બેલ્જિયમની કે યું લ્યુવેન યુનિવર્સિટીમાં લવિંગમાં રહેલા કુદરતી હર્બલ માઉથવોશની અસરોનું અવલોકન કર્યું હતું. તેના તારણો દર્શાવે છે કે જ્યારે ટી વુડ ઓઇલ અને તુલસી ઓઇલ સાથે તેનો ઉપયોગ કરવામાં આવ્યો ત્યારે આ હોમમેઇડ રેસીપી પ્લેક અને બેક્ટેરિયા સામે લડવામાં વધુ અસરકારક પુરવાર થઈ હતી.

14. અલ્સરની સારવાર
અભ્યાસો સૂચવે છે કે લવિંગ પેટના અલ્સરની સારવારમાં પણ અસરકારક હોઈ શકે છે. જ્યારે ખોરાકને તોડવા માટે વપરાતા એસિડ સામે પેટની સંરક્ષણ અસરકારક રહેતી નથી ત્યારે અલ્સર થાય છે. તે પેટના અસ્તર, અન્નનળી અને નાના આંતરડાના પ્રથમ ભાગને અસર કરે છે અને તે પીડાદાયક હોઈ શકે છે. લવિંગ તેલ તેમાં પણ મદદ કરી શકે છે.
પ્રાણીઓ પર હાથ ધરવામાં એક અભ્યાસમાં લવિંગમાંથી મળતું તેલ ગેસ્ટ્રિક લાળના ઉત્પાદનને ઉત્તેજીત કરતું હોવાનું જોવા મળ્યું હતું. તે પેટના અસ્તર અને એસિડ વચ્ચે અવરોધ બનાવે છે જે ખોરાકને તોડે છે, તેથી અલ્સરને અટકાવે છે. અલગ સંશોધનમાં એવું પણ સૂચવવામાં આવ્યું છે કે લવિંગમાંથી મળતા પોષક તત્વો પેટના અલ્સર સામે લડવામાં અસરકારક છે.

15. ભૂખનું નિયંત્રણ કરે છે
જ્યારે ભૂખ લાગે છે ત્યારે પેટ ક્યારેક ગડગડાટ કરતો અવાજ ઉત્પન્ન કરે છે. અસલમાં તે અવાજ દરેક વખતે થાય છે કારણ કે નાનું આંતરડું તે વખતે પેટમાં ખોરાકને તોડી નાખે છે. તેનું પ્રમાણ માત્ર એટલું જ રહે છે કે કેટલીકવાર હવા ખોરાક સાથે ભળી જાય છે, ફક્ત તમે તેને સાંભળી શકતા નથી. જ્યારે તમારું પેટ ખાલી હોય છે તેમ અવાજો મોટા હોય છે. અને જો તમે તે અવાજોથી શરમ અનુભવતા હો તો લવિંગ તેમાં મદદ કરી શકે છે. લવિંગના રહેલું ફાઇબર કોઈપણ બડબડાટને દબાવવામાં મદદ કરી શકે છે.

16. માથાના દુખાવામાં રાહત આપે છે
માથાનો દુખાવો તણાવથી લઈને ડિહાઈડ્રેશન સુધીના ઘણા કારણો હોઈ શકે છે. દાખલા તરીકે પીડા સામાન્ય શરદી અથવા ફલૂ જેવી બીમારીઓનું પરિણામ હોઈ શકે છે. આંખની સમસ્યાઓ અથવા સ્ત્રીઓને મેનોપોઝ અથવા માસિક ચક્રના પરિણામે માથાનો દુખાવો થઈ શકે છે, પરંતુ, કારણ ગમે તે હોય, લવિંગ પીડાને દૂર કરવામાં મદદ કરી શકે છે.
તે માટે સૌપ્રથમ, લવિંગની એક કળીને પીસીને પેસ્ટ બનાવી લો અને તેમાં જરા એવું રોક સોલ્ટ ઉમેરો. આ મિશ્રણને એક ગ્લાસ દૂધમાં ઉમેરીને પી લો. લવિંગના એનેસ્થેટિક ગુણો જલ્દીથી પીડાને દૂર કરવામાં મદદ કરશે.

17. સુરક્ષા ઉ.ગ.અ.
ક્યારેક આપણા ઉ.ગ.અ. મ્યુટાજેન્સ દ્વારા પ્રતિકૂળ અસર થઈ શકે છે. આ એવા સંયોજનો છે જે ઉ.ગ.અ ના બંધારણને બદલી શકે છે. અને અસામાન્યતાઓનું કારણ બને છે. હવે, ફિનાઇલપ્રોપેનોઇડ્સ એ એક સંયોજન છે જે છોડના સમગ્ર બંધારણમાં વ્યાપકપણે જોવા મળે છે. તે કોષની દિવાલો બનાવવામાં મદદ કરે છે તેમજ યુ.વી.થી થતા નુકસાન સામે રક્ષણ આપે છે. કિરણોત્સર્ગ અને મજબૂત પ્રકાશ. અને તેઓ મનુષ્યોમાં પણ ભૂમિકા ભજવે છે. લવિંગ આ ફિનાઇલપ્રોપેનોઇડ્સથી ભરેલા હોય છે. ઉ.ગ.અ પર આ સંયોજનની અસરોનો અભ્યાસ કરવા સંશોધન હાથ ધરવામાં આવ્યા છે. જર્નલ ઑફ એગ્રીકલ્ચરલ એન્ડ ફૂડ કેમિસ્ટ્રી અનુસાર, મ્યુટાજેન્સ દ્વારા અસરગ્રસ્ત કોષો જ્યારે ફિનાઇલપ્રોપેનોઇડ્સ સાથે સંયોજાય ત્યારે તેમની મ્યુટાજેનિક અસરો સામે નોંધપાત્ર પ્રતિકાર દર્શાવે છે.

18. તે કામોત્તેજક છે
કામોત્તેજક એ એક એવો પદાર્થ છે જે જાતીય ઈચ્છા જગાડે છે અથવા જાતીય અનુભવોને વધારે છે. જ્યારે આ પરિણામો હાંસલ કરવા માટે કેટલીકવાર દવાઓનો ઉપયોગ કરી શકાય છે, ત્યારે આવી અસરો ઔષધો અને મસાલા જેવા કુદરતી સ્ત્રોતો દ્વારા પણ ઉત્પન્ન થઈ શકે છે.
લવિંગ એ કામવાસના વધારવાના ગુણો હોવાનું માનવામાં આવે છે. સદીઓથી જાયફળ અને લવિંગ જેવા મસાલાનો ઉપયોગ જાતીય ઇચ્છાને વધારવા માટે કરવામાં આવે છે.

ઉદાહરણ તરીકે, યુનાની દવા ભારતમાં અપનાવવામાં આવેલી પ્રાચીન ગ્રીક પ્રથા જે કુદરતી ઉપચારનો ઉપયોગ કરે છે આ દાવાને સમર્થન આપે છે. વધુમાં, પરીક્ષણો દર્શાવે છે કે જાયફળ અને લવિંગમાં રહેલા તત્વો જાતીય આનંદ વધારવાના હેતુથી બનાવવામાં આવતી કૃત્રિમ દવાઓ કરતાં બહેતર અસર ધરાવે છે.