બુથના 100 મીટરમાં ભાજપ પ્રચાર કરતું હોવાનો આરોપ
ખાસ-ખબર ન્યૂઝ રાજકોટ, તા.7
- Advertisement -
ક્ષત્રિય આંદોલનમાં રાજકોટ શહેરમાં જો સૌથી વધુ અસર થઈ હોય તો તે રેલનગર વિસ્તાર છે. ત્યારે આજે સવારે 10.30 વાગ્યા આસપાસ અહીં વોર્ડ નં3, રેલનગર મેઈન રોડ પર આવેલી પાર્થ સ્કૂલ પાસે ક્ષત્રિય અગ્રણીઓ અને પોલીસ વચ્ચે શાબ્દિક રકઝક થઈ હતી. બુથના 100 મીટરમાં ભાજપ પ્રચાર કરતું હોવાનો આરોપ લાગ્યો હતો.
ક્ષત્રિય અગ્રણીઓની ઉગ્ર રજુઆતના કારણે ડીસીપી ઝોન 2 સુધીરકુમાર દેસાઈ, એસીપી રાધિકા ભારાઈ, પીઆઈ બી.એમ. ઝણકાટ સહિતના દોડી ગયા હતા. મામલો બીચકે તે પહેલાં જ પોલીસે ભાજપનું ટેબલ દૂર કરાવ્યું હતું. આ તરફ પાર્થ સ્કૂલના મતદાન બુથના 100 મીટર અંતરમાં એક કોંગ્રેસ કાર્યાલય પણ હોય, પોલીસને જાણ થતાં તેના બોર્ડ પણ ઉતારાવાયા હતા.
