મુખ્યમંત્રી ભૂપેન્દ્ર પટેલને દિલ્હીનું તેડું: વડાપ્રધાન મોદીની અધ્યક્ષતામાં બાકીના ઉમેદવારોના નામ અંગે વિચારણા

ગુજરાત ભાજપ પ્રદેશ પ્રમુખ સી આર પાટિલ પણ પણ હાજર રહેવાના: BJP અધ્યક્ષ જે પી નડ્ડા અને ગૃહ મંત્રી અમિત શાહની હાજરીમાં આજે સાંજે ગુજરાત કોર કમિટીની બેઠક

લોકસભા ચૂંટણીને લઈ ગુજરાતના ઉમેદવારોને લઈ સસ્પેન્સ વચ્ચે એક મોટા સમાચાર સામે આવ્યા છે. વાત જાણે એમ છે કે, આવતીકાલે દિલ્હી દરબારમાં ભાજપની કોર કમિટી યોજાનાર છે. જેને લઈ હવે ગુજરાતના મુખ્યમંત્રી ભૂપેન્દ્ર પટેલ આજે દિલ્હી જશે. આ સાથે ગુજરાત ભાજપ પ્રદેશ પ્રમુખ સી આર પાટિલ પણ પણ હાજર રહેવાના છે. મહત્વનું છે કે, આ બેઠકમાં ગુજરાતના બાકી રહેલ ઉમેદવારોના નામ અંગે મંથક કરવામાં આવશે.

BJP અધ્યક્ષ જે પી નડ્ડા અને ગૃહ મંત્રી અમિત શાહની હાજરીમાં આજે સાંજે ગુજરાત કોર કમિટીની બેઠક યોજાશે. આ સાથે આવતી કાલે PM મોદીની અધ્યક્ષતામાં CECની બેઠક મળશે. મહત્વનું છે કે, લોકસભા ચૂંટણીને લઈ મળનારી આ બેઠકમાં મુખ્યમંત્રી ભૂપેન્દ્ર પટેલ અને પ્રદેશ પ્રમુખ સી આર પાટીલ હાજર રહેશે. આ તરફ અહીં ગુજરાતની બાકી રહેલ 11 લોકસભા બેઠકના ઉમેદવારોના નામ પર આજે કોર ગ્રુપની બેઠકમાં ચર્ચા કરવામાં આવશે. આ સાથે આવતીકાલે PM મોદીની અધ્યક્ષતામાં મળનારી કેન્દ્રીય ચૂંટણી સમિતિની બેઠકમાં તમામ ઉમેદવારો નક્કી કરવામાં આવશે.