તમામ ફિલ્મોને પછાડી ‘છાવા’ બની 2025ની નંબર 1 મૂવી, બોક્સ ઓફિસ પર કરી રહી છે જાદુઈ કમાણી

વિક્કી કૌશલની ફિલ્મ ‘છાવા’ની કમાણી કમાણીના બધા જ રેકોર્ડ તોડી રહી છે. અને તે વર્ષ 2025ની પહેલી સુપરહિટ ફિલ્મ સાબિત થઇ શકે છે. ફિલ્મે ચાર દિવસની અંદર જ તેના બજેટથી વધુની કમાણી કરી લીધી છે. પાંચમાં દિવસે એટલે કે મંગળવારે પણ ફિલ્મે સારો એવો બિઝનેસ કર્યો છે. ચાલો ત્યારે જાણીએ તેની કમાણીનો આંકડો

Vicky Kaushal As Chhaava
વિકી કૌશલની ઐતિહાસિક ફિલ્મ ‘છાવા’ ને થિયેટરોમાં શાનદાર ઓપનિંગ મળ્યું હતું અને હવે તે નફો કમાઈ રહી છે. છત્રપતિ શિવાજી મહારાજના પુત્ર સંભાજી મહારાજના જીવન પર આધારિત આ ફિલ્મને દર્શકો તરફથી ખૂબ જ સારો પ્રતિસાદ મળી રહ્યો છે. રિલીઝ થયાના ચાર દિવસમાં, ફિલ્મે તેના બજેટ કરતાં વધુ કમાણી કરી લીધી છે અને હવે તે સુપરહિટ બનવાના માર્ગે છે. વિકી કૌશલના ફેન્સ આ ફિલ્મના 5મા દિવસના કલેક્શનની રાહ જોઈ રહ્યા હતા, જે હવે જાહેર થઈ ગયું છે.

‘છાવા’ એ પાંચમા દિવસે કેટલી કમાણી કરી?
‘છાવા’એ બોક્સ ઓફિસ પર શાનદાર શરૂઆત કરી હતી. આ પછી ફિલ્મે સપ્તાહના અંતે બમ્પર કલેક્શન કર્યું. સોમવારે ફિલ્મે સારું પ્રદર્શન કર્યું અને મંગળવારે પણ તેની કમાણી મજબૂત રહી. સરળ શબ્દોમાં કહીએ તો, આ ફિલ્મે તેનું 130 કરોડ રૂપિયાનું બજેટ રિકવર કરી લીધું છે અને હવે તે જંગી નફો કમાઈ રહી છે. બોક્સઓફિસ રિપોર્ટ મુજબ, ‘છાવા’ એ પાંચમા દિવસે એટલે કે મંગળવારે 24.50 કરોડ રૂપિયાની કમાણી કરી હતી, જેના પછી તેની કુલ કમાણી હવે 165 કરોડ રૂપિયા પર પહોંચી ગઈ છે. જ્યારે ફિલ્મ પાંચ દિવસમાં વર્લ્ડવાઇડ 230 કરોડ રૂપિયાની કમાણી કરી લીધી છે

‘છાવા’ 2025 ની નંબર 1 ફિલ્મ બની
બ્લોકબસ્ટર કલેક્શનની સાથે, ‘છાવા’ એ બોક્સ ઓફિસ પર વધુ એક મોટો સીમાચિહ્ન હાંસલ કર્યો છે. આ ફિલ્મ વિશ્વભરમાં સારી કમાણી કરી રહી છે અને અત્યાર સુધીમાં તેણે 230 કરોડ રૂપિયાનો આંકડો પાર કરી લીધો છે. આ રીતે તે 2025 ની અત્યાર સુધીની સૌથી મોટી ફિલ્મ બની ગઈ છે. ઉપરાંત, તેણે અજય દેવગનની ફિલ્મ ‘શૈતાન’ ના લાઇફટાઇમ કલેક્શનને પણ પાછળ છોડી દીધું છે

છાવા’ એ ‘શૈતાન’નુ લાઇફટાઇમ કલેક્શન પછાડ્યું
બોલિવૂડ હંગામા અનુસાર, ‘શૈતાન’ એ ભારતમાં કુલ 149.49 કરોડ રૂપિયાની કમાણી કરી હતી, જ્યારે ‘છાવા’ એ માત્ર 5 દિવસમાં 165 કરોડ રૂપિયાની કમાણી કરી લીધી છે.

200 કરોડ ક્લબમાં ટૂંક સમયમાં પ્રવેશ થશે
લક્ષ્મણ ઉતેકર દ્વારા દિગ્દર્શિત આ ફિલ્મ બુલેટ ટ્રેનની ગતિએ કમાણી કરી રહી છે. પહેલા અઠવાડિયામાં, ફિલ્મ સ્થાનિક બોક્સ ઓફિસ પર 200 કરોડ રૂપિયાનો આંકડો પાર કરવા તરફ આગળ વધી રહી હતી અને તેના મજબૂત પ્રદર્શનને જોતા, એવું લાગે છે કે તે બીજા સપ્તાહના અંત પહેલા આ આંકડો પાર કરશે.

‘ઉરી: ધ સર્જિકલ સ્ટ્રાઇક’નો લાઇફટાઇમ કલેક્શન વટાવશે ‘છાવા’
આ ફિલ્મ વિકી કૌશલના કરિયરની સુપરહિટ ફિલ્મમાંથી એક બની રહેશે. આ ફિલ્મ તેમની સૌથી મોટી હિટ ફિલ્મ ‘ઉરી: ધ સર્જિકલ સ્ટ્રાઈક’ ના લાઈફટાઈમ કલેક્શન (245.35 કરોડ રૂપિયા) ને વટાવી જવાની નજીક છે.

બૉક્સ ઓફિસ ‘છાવા’ની સુનામી
‘છાવા’ની સ્ટ્રોંગ સ્ટોરી લાઇનની સાથે સાથે અદ્ભુત એક્શન અને VFX પણ છે. દર્શકો તરફથી તેને જબરદસ્ત પ્રેમ મળી રહ્યો છે અને તેની માઉથ પબ્લિસિટી પણ ભારે થઇ રહી છે. આવી સ્થિતિમાં, એવું માનવામાં આવે છે કે આગામી દિવસોમાં તેની કમાણી આવી જ રહેશે. તેમાં હાલમાં કોઇ ઘટાડો થશે નહીં. જે રીતે ફિલ્મ દર્શકોને આકર્ષી રહી છે, તેનાથી સ્પષ્ટ છે કે તે ટૂંક સમયમાં ઘણા મોટા રેકોર્ડ તોડી શકે છે. હવે, બધાની નજર તેના પર છે કે ‘છાવા’ કેટલી જલ્દી 200 કરોડ રૂપિયાના ક્લબમાં જોડાય છે અને ભવિષ્યમાં તે કેટલા નવા રેકોર્ડ બનાવે છે.