સતત ચોથા દિવસે PGVCLના દરોડા
3 દિવસમાં 91.62 લાખની વીજચોરી ઝડપાઇ : આજે 4 ફીડર આવરી લેવામાં આવ્યા
- Advertisement -
ખાસ-ખબર સંવાદદાતા
મે મહિના બાદ હવે જૂન મહિનાની શરૂઆત થતા બીજા સપ્તાહની શરૂઆતથી ઙૠટઈક દ્વારા દરોડા કામગીરી શરૂ કરવામાં આવી છે. આજે ફરી રાજકોટ શહેરમાં સતત ચોથા દિવસે વહેલી સવારથી ઙૠટઈકની કોર્પોરેટ ટીમ દ્વારા રાજકોટ સિટી સર્કલ ડિવિઝન 3 હેઠળ વિસ્તારમાં અલગ અલગ 42 ટીમ દ્વારા વીજ ચેકિંગ હાથ ધરવામાં આવ્યું છે. ઉલ્લેખનીય છે કે, છેલ્લા 3 દિવસમાં 91.62 લાખની વીજ ચોરી ઝડપી પાડવામાં આવી છે.
રાજકોટ શહેરી વિસ્તારમાં વીજ ચેકિંગ અંગે સઘન ઝુંબેશ હાથ ધરવામાં આવી રહી છે. મે મહિના બાદ જૂન મહિનાની શરૂઆત થતા બીજા સપ્તાહની શરૂઆત થતાની સાથે જ રાજકોટ શહેરી વિસ્તારમાં વહેલી સવારથી આજે સતત ચોથા દિવસે અલગ અલગ 42 ટીમ દ્વારા સ્વાતીપાર્ક, રાધેશ્યામ સોસાયટી, જે.કે. પાર્ક, સોમનાથ સોસાયટી, રામેશ્વર સોસાયટી, આસોપાલવ સોસાયટી અને આંબેડકરનગર સહિતના વિસ્તારમાં વીજચોરી ઝડપી પાડવા કવાયત શરૂ કરવામાં આવી છે. જેમાં કુલ 4 ફીડર આવરી લેવામાં આવ્યા છે. આજની ચેકિંગ ડ્રાઈવમાં કુલ 4 વીડિયોગ્રાફર, 18 લોકલ પોલીસ અને 12 જછઙનો સમાવેશ કરવામાં આવ્યો છે.
છેલ્લા 3 દિવસ ચેકિંગ દરમિયાન કુલ 91.62 લાખની વીજચોરી ઝડપી પાડવામાં આવી છે. જેમાં સોમવારે 36 ટીમો દ્વારા 678 કનેક્શન ચેક કરી તેમાંથી 99 ક્નેક્શનમાંથી કુલ 28.79 લાખની વીજચોરી ઝડપી પાડવામાં આવી હતી. મંગળવારે 33 ટીમો દ્વારા 659 કનેક્શન ચેક કરી તેમાંથી 82 ક્નેક્શનમાંથી કુલ 30.02 લાખની વીજચોરી ઝડપી પાડવામાં આવી હતી. બુધવારે 35 ટીમ દ્વારા 86 ક્નેક્શનમાંથી કુલ 30.82 લાખની વીજચોરી ઝડપી પાડવામાં આવી હતી. જ્યારે આજે પણ ચેકિંગ દરમિયાન લાખોની વીજચોરી ઝડપાય તેવી પૂરી શક્યતા સેવાઈ રહી છે.
