BCCIએ IPL 2025 માટે આકરા નિયમો લાગુ કર્યા
ખાસ-ખબર ન્યૂઝ મુંબઈ
- Advertisement -
ભારતીય ક્રિકેટ કંટ્રોલ બોર્ડે (ઇઈઈઈં) ઈન્ડિયન પ્રીમિયર લીગ (ઈંઙક) માટે આકરા નિયમો લાગુ કર્યા છે. જેમાં ખેલાડીઓની એક્સેસ અને તેમની મુવમેન્ટ પર ફોકસ કરવામાં આવ્યું છે. બીસીસીઆઈએ ખેલાડીઓ અને સપોર્ટ સ્ટાફના મેચ પહેલા અને દરમિયાન પ્લેયર એન્ડ મેચ ઓફિશિયલ એરિયા (ઙખઘઅ)માં પ્રવેશ પર પ્રતિબંધ મૂક્યો છે. તેમાં પ્રેક્ટિસ સેશન દરમિયાન ડ્રેસિંગ રૂમમાં પ્રવેશ પર સંપૂર્ણ પ્રતિબંધ સમાવિષ્ટ છે. મીડિયા રિપોર્ટ મુજબ, બીસીસીઆઈના નવા નિયમો અનુસાર, ખેલાડીઓએ પ્રેક્ટિસ માટે ટીમ બસનો ઉપયોગ કરવો પડશે. ટીમો બે જૂથોમાં મુસાફરી કરી શકે છે. આ નિયમ આંતરરાષ્ટ્રીય મેચો દરમિયાન ટીમ ઈન્ડિયાના ખેલાડીઓ માટે લાગુ કરાયેલા કડક પ્રોટોકોલને દર્શાવે છે. આ સૂચના તાજેતરમાં ઈમેલ દ્વારા તમામ ઈંઙક ફ્રેન્ચાઈઝીને જણાવવામાં આવી હતી. 18 મી ફેબ્રુઆરીના રોજ ઝૂમ દ્વારા ટીમ મેનેજમેન્ટની બેઠક બાદ આઈપીએલમાં ભાગ લેનારી તમામ ટીમોને નવા નિયમો વિશે માહિતગાર કરવામાં આવ્યા હતા. નવા નિયમો અનુસાર, પ્રેક્ટિસના દિવસોમાં (ટૂર્નામેન્ટ પહેલા અને દરમિયાન), ડ્રેસિંગ રૂમ અને પ્લેઇંગ ફિલ્ડમાં માત્ર માન્યતા પ્રાપ્ત સ્ટાફને જ મંજૂરી આપવામાં આવશે. ખેલાડીઓના પરિવાર અને મિત્રો અલગ-અલગ વાહનોમાં મુસાફરી કરી શકશે. તેઓ હોસ્પિટાલિટી વિસ્તારમાંથી ટીમની પ્રેક્ટિસ જોઈ શકે છે. સપોર્ટિંગ સ્ટાફ (સ્પેશ્યાલિસ્ટ/નેટ બોલર)ની યાદી બીસીસીઆઈને મંજૂરી માટે આપવાની રહેશે. એકવાર મંજૂર થયા પછી, તેમને માન્યતા આપવામાં આવશે. ઇઈઈઈંએ મેચના દિવસો દરમિયાન પિચની નજીકના મેઈન સ્કેવર પાસે ફિટનેસ ટેસ્ટ કરાવવા પર પ્રતિબંધ મૂક્યો છે. વધુમાં, ઇઈઈઈં એ આદેશ આપ્યો છે કે સૌથી વધુ રન બનાવનાર અને સૌથી વિકેટ ઝડપનાર ખેલાડીઓને મળતી ઓરેન્જ અને પર્પલ કેપ ઓછામાં ઓછી બે ઓવર માટે અને મેચ પછીની પ્રેઝેન્ટેશન સેરેમની દરમિયાન અવશ્ય પહેરે. વધુમાં, આ પ્રેઝેન્ટેશન દરમિયાન સ્લીવલેસ જર્સી પર પ્રતિબંધ છે.
ટુર્નામેન્ટ દરમિયાન SOP
1. ટીમોને પ્રેક્ટિસ એરિયામાં 2 નેટ અને પીચના મેઈન સ્ક્વેર પર રેન્જ હિટિંગ માટે સાઇડ વિકેટ મળશે. મુંબઈમાં જો બંને ટીમો એક જ સમયે પ્રેક્ટિસ કરે છે, તો ટીમોને 2-2 વિકેટ મળશે.
2. ઓપન નેટને મંજૂરી આપવામાં આવશે નહીં.
3. જો એક ટીમ તેની પ્રેક્ટિસ વહેલી પૂરી કરે છે, તો બીજી ટીમને તેની પ્રેક્ટિસ માટે બીજી ટીમની વિકેટનો ઉપયોગ કરવાની મંજૂરી આપવામાં આવશે નહીં.
4. મેચના દિવસોમાં કોઈ પ્રેક્ટિસની મંજૂરી આપવામાં આવશે નહીં.
5. મેચના દિવસે મેઈન સ્કેવર પર કોઈ ફિટનેસ ટેસ્ટ નહીં.
6. પ્રેક્ટિસના દિવસોમાં (પ્રી-ટૂર્નામેન્ટ અને ટૂર્નામેન્ટ દરમિયાન) ડ્રેસિંગ રૂમ અને પ્લેઇંગ ફિલ્ડમાં ફક્ત માન્યતા પ્રાપ્ત સ્ટાફને જ મંજૂરી છે. ખેલાડીનો પરિવાર અને મિત્રો અલગ વાહનમાં મુસાફરી કરશે.
7. મેચના દિવસોમાં પ્રેક્ટિસ, ફિટનેસ ટેસ્ટિંગ સંબંધિત કોઈપણ વિનંતીઓ માટે વેન્યુ મેનેજર ઙઘઈ હશે.
મેચ દરમિયાન નિયમો
1. ઙખઘઅ માન્યતા પ્રાપ્ત કર્મચારીઓ માટે મેચના દિવસે માન્યતા પત્ર સાથે એન્ટ્રી મળશે. જો તમે પ્રથમ વખત ઓળખ પત્ર લાવશો નહીં, તો તમને ચેતવણી આપવામાં આવશે. બીજી વખત દંડ કરવામાં આવશે.
2. હિટિંગ નેટ પ્રદાન કરવા છતાં, ખેલાડીઓ કઊઉ બોર્ડને મારતા રહે છે, ઇઈઈઈંએ વિનંતી કરી છે કે તેઓ તેનું પાલન કરે.
3. ખેલાડીઓ અને સપોર્ટ સ્ટાફે કઊઉ બોર્ડની સામે ન બેસવું. સ્પોન્સર ટીમ ઋઘઙ ખાતે એક સ્થળ નિશ્ર્ચિત કરશે, જ્યાં ટુવાલ અને પાણીની બોટલ સાથે બેસી શકશે.
4. ખેલાડીઓ ઓરેન્જ અને પર્પલ કેપ પહેરશે. જો ખેલાડીઓએ કેપ ન પહેરી હોય, તો તેમને ટેલિકાસ્ટ થાય ત્યાં સુધી પ્રથમ બે ઓવર માટે આ કેપ પહેરવા જણાવાયું છે.
5. મેચ પછીના પ્રેઝેન્ટેશનમાં ફ્લોપી અને સ્લીવલેસ જર્સીની મંજૂરી નથી. આમ કરવામાં નિષ્ફળતા પ્રથમ વખત ચેતવણી અને બીજી વખત દંડ ફટકારાશે.
6. ઈંઙક 2024 સીઝનની જેમ, મેચના દિવસોમાં ટીમના ડોક્ટર સહિત માત્ર 12 માન્યતા પ્રાપ્ત સપોર્ટ સ્ટાફને જ મંજૂરી આપવામાં આવશે.
7. જર્સી નંબર બદલવા માટે તમારે 24 કલાક પહેલા જાણ કરવી પડશે.
