બંગાળ પોલીસે કલકત્તા હાઈકોર્ટના બીજા આદેશ બાદ ગઈકાલે કસ્ટડી સોંપી હતી
ખાસ-ખબર સંવાદદાતા
પશ્ચિમ બંગાળના સંદેશખાલીમાં ED ટીમ પર હુમલાના આરોપી શેખ શાહજહાંની સીબીઆઈને બુધવારે કસ્ટડી મળી છે. કલકત્તા હાઈકોર્ટના બીજા આદેશ બાદ બંગાળ પોલીસે તેને સીબીઆઈને સોંપી દીધો. આજે તેમની પૂછપરછ કરશે.
- Advertisement -
સીબીઆઈની એક ટીમ બુધવારે બપોરે 3:45 કલાકે પોલીસ હેડક્વાર્ટર પહોંચી, જ્યાં ટીમને 6:30 વાગ્યા પછી શાહજહાંની કસ્ટડી મળી. આ પછી એજન્સી તેને મેડિકલ ટેસ્ટ માટે લઈ ગઈ. અગાઉ બંગાળ પોલીસે શેખને સીબીઆઈને સોંપતા પહેલા તેનો મેડિકલ ટેસ્ટ કરાવ્યો હતો.
હકીકતમાં, આ વર્ષે 5 જાન્યુઆરીએ, CBIની ટીમ પશ્ચિમ બંગાળના સંદેશખાલીમાં ઝખઈ નેતા શેખ શાહજહાંના ઘરે દરોડા પાડવા પહોંચી હતી. આ દરમિયાન શેખના સમર્થકોએ ટીમ પર જીવલેણ હુમલો કર્યો હતો. જેમાં ઘણા અધિકારીઓ ઘાયલ થયા હતા. તેની તપાસ હવે સીબીઆઈના હાથમાં છે. શાહજહાંને સીબીઆઈને સોંપવાના હાઈકોર્ટના નિર્ણય સામે રાજ્ય સરકારે મંગળવારે સાંજે સુપ્રીમ કોર્ટમાં અરજી દાખલ કરી હતી. જેના પર બુધવારે સવારે 11 વાગ્યે સુનાવણી હાથ ધરવામાં આવી હતી. સુપ્રીમ કોર્ટે તાત્કાલિક સુનાવણી કરવાનો ઇનકાર કર્યો હતો.
સુપ્રીમ કોર્ટના જસ્ટિસ સંજીવ ખન્નાએ બંગાળ સરકારને કહ્યું કે તમારી અરજી CBIને મોકલવામાં આવી રહી છે અને તેઓ અરજીની યાદી પર નિર્ણય કરશે. બંગાળ સરકાર ઊઉ ટીમ પર હુમલાની તપાસ કરી રહેલી CBI પર પ્રતિબંધ લગાવવાની માંગ કરી રહી છે. બંગાળ સરકારે અરજીમાં કહ્યું કે જઈંઝ આ મામલાની તપાસ કરી રહી છે. પોલીસ પર પાયાવિહોણા આક્ષેપો કરવામાં આવી રહ્યા છે.
