અમેરિકામાં વસતા ગુજરાતીઓ ચેતી જજો. હાલના દિવસોમાં ગાજરને કારણે એક જીવલેણ વાયરસ ફેલાયો છે જેનાથી એક વ્યક્તિનું મોત પણ થયું છે. CDCએ ચેતવણી પર જાહેર કરી છે.
ખરાબ ખોરાક શરીર માટે ખતરનાક બની શકે છે. તેનાથી શરીરને ઘણું નુકસાન થઈ શકે છે. આવો જ એક કિસ્સો અમેરિકામાં જોવા મળ્યો છે, જ્યાં ગાજર ખાવાથી એક વ્યક્તિનું મોત થયું છે અને 15 લોકોને હોસ્પિટલમાં દાખલ કરવામાં આવ્યા છે. અમેરિકામાં હાલ ગાજરને કારણે જીવલેણ વાયરસ લઈને ભય ફેલાયો છે. ઉલ્લેખનીય છે કે, અમેરિકામાં ગુજરાતીઓ મોટા પ્રમાણમાં વસવાટ કરે છે ત્યારે ગુજરાતીઓએ પણ ચેતવું જોઈએ.
- Advertisement -
અમેરિકામાં E.coli વાયરસનો પ્રકોપ
અમેરિકામાં હાલના સમયમાં E.coli વાયરસનો પ્રકોપ જોવા મળી રહ્યો છે જેના કારણે ઓર્ગેનિક ગાજર અને બેબી ગાજરોને અમેરિકાના સ્ટોરમાંથી પરત મંગાવવામાં આવી રહ્યા છે. આ નિર્ણય જીવલેણ વાયરસને લઈને લેવામાં આવ્યો છે. નોંધનીય છે કે, અમેરિકામાં ઓક્ટોબર મહિનામાં પણ E.coli વાયરસનો પ્રકોપ જોવા મળ્યો હતો. ત્યારે મેકડોનાલ્ડ્સના બર્ગર ખાધા પછી ડઝનેક લોકો E.coli વાયરસથી સંક્રમિત થયા હતા.
સીડીસીએ ગાજરને લઈ જાહેર કરી ચેતવણી
- Advertisement -
યુ.એસ. સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC)એ રવિવારે (17 નવેમ્બર) ગ્રીમવે ફાર્મ્સ દ્વારા મોટા સુપરમાર્કેટમાં વેચવામાં આવતા ગાજર અંગે ચેતવણી જાહેર કરી હતી. સીડીસીએ પોતાના નિવેદનમાં કહ્યું હતું કે, ‘અમેરિકાના 18 રાજ્યોમાં અત્યાર સુધીમાં ગાજર સંબંધિત E.coliના સંક્રમણના 39 કેસ નોંધાયા છે.’ ત્યારથી, સીડીસીએ લોકોને ગાજર ન ખાવાની ચેતવણી આપી છે. સીડીસીએ કહ્યું કે ‘અસરગ્રસ્ત ગાજર હવે યુએસ સ્ટોર્સમાં ઉપલબ્ધ નથી, પરંતુ લોકોના ઘરોમાં હોઈ શકે છે. જેને પહેલા ફેંકી દેવા જોઈએ.’
અન્ય દેશોમાંથી પણ ગાજર પરત મંગાવ્યા
યુએસ ફૂડ એન્ડ ડ્રગ એડમિનિસ્ટ્રેશન અનુસાર, ગ્રીમવે ફાર્મ્સે પણ યુએસમાં ગાજરથી ફેલાતા જીવલેણ વાયરસના પ્રકોપને કારણે કેનેડા અને પ્યુર્ટો રિકોના સ્ટોર્સમાંથી ગાજરને પરત મંગાવી લીધા છે. કેલિફોર્નિયા સ્થિત ગ્રિમવે ફાર્મ્સે શનિવારે (16 નવેમ્બર) એક પત્રકાર પરિષદ કરીને જણાવ્યું હતું કે ‘કંપની તેની ખેતી અને લણણીની પદ્ધતિઓની સમીક્ષા કરી રહી છે અને અધિકારીઓ સાથે મળીને કામ કરી રહી છે.’
E.coli બેક્ટેરિયાનું સંક્રમણ શું છે?
સીડીસી અનુસાર, એસ્ચેરીચિયા કોલી (E.coli) એ બેક્ટેરિયાના કારણે સંક્રમણ ફેલાય છે. તેના મોટાભાગના રૂપો મનુષ્યો અને પ્રાણીઓના આંતરડામાં રહે છે અને આ હાનિકારક હોતા નથી. પરંતુ કેટલાક ઇ. કોલી બેક્ટેરિયા છે એવા પણ છે જે જીવલેણ બની શકે છે. આ ગેસ્ટ્રોઇન્ટેસ્ટાઇનલ રોગોનું જોખમ વધારી શકે છે. આ બેક્ટેરિયાના મુખ્ય લક્ષણોમાં ડિહાઇડ્રેશન, લોહિયાળ ઝાડા, ઉલટી, પેટમાં દુખાવો અને તાવનો સમાવેશ થાય છે.
