રિવર્સ લેતી સમયે બસે કંટ્રોલ ગુમાવ્યો, બસચાલક કસ્ટડીમાં
ખાસ-ખબર ન્યૂઝ મુંબઈ
- Advertisement -
મુંબઈના ભાંડુપમાં સ્ટેશન રોડ પર સોમવાર મોડીરાત્રે એક બસ અનેક રાહદારીઓને કચડી નાખ્યા. અકસ્માતમાં 3 મહિલા સહિત 4 લોકોના મોત થયા છે. 9 લોકો ગંભીર રીતે ઘાયલ થયા છે. મુંબઈ પોલીસે જણાવ્યું કે અકસ્માત રાત્રે 9:35 વાગ્યે બૃહન્મુંબઈ ઈલેક્ટ્રિક સપ્લાય એન્ડ ટ્રાન્સપોર્ટ (ઇઊજઝ) ની બસથી થયો. શરૂઆતી માહિતી મુજબ, ઇઊજઝની બસ રિવર્સ લેતી વખતે બેકાબૂ થઈ ગઈ અને રસ્તા પર હાજર રાહદારીઓને કચડી નાખ્યા. અકસ્માત બાદ બસ ચાલકને કસ્ટડીમાં લઈ લેવામાં આવ્યો છે. ઘટના બાદ એમ્બ્યુલન્સ, મુંબઈ ફાયર બ્રિગેડ અને ઇઊજઝની ટીમ ઘટનાસ્થળે પહોંચી હતી. પીડિતોને તાત્કાલિક એમ્બ્યુલન્સની મદદથી રાજવાડી અને એમ.ટી. અગ્રવાલ હોસ્પિટલમાં દાખલ કરવામાં આવ્યા, જ્યાં 4 લોકોના મોતની પુષ્ટિ થઈ છે. મૃત્યુઆંક વધવાની આશંકા છે. બસ એક વીજળીના થાંભલા સાથે પણ અથડાઈ હતી, જેના કારણે તે પડી ગયો હતો. આનાથી ઘટનાસ્થળે નાસભાગ મચી ગઈ હતી. પોલીસ ઘટનાની તપાસ કરી રહી છે.
ડીસીપી હેમરાજ સિંહ રાજપૂતે જણાવ્યું કે બસ ચાલક વિરુદ્ધ ઋઈંછ નોંધવાની પ્રક્રિયા ચાલી રહી છે. બસની મિકેનિકલ અને ટેકનિકલ તપાસ કરવામાં આવશે. તપાસ પૂરી થયા પછી જ અકસ્માતનું અસલી કારણ સ્પષ્ટ થઈ શકશે. અકસ્માતમાં સામેલ મધ્યમ કદની બસ ‘વેટ લીઝ’ મોડલ પર ઓલેક્ટ્રા ગ્રીનટેક પાસેથી લેવામાં આવી હતી. શરૂઆતી માહિતી મુજબ, અકસ્માત સમયે ઇઊજઝનો જ ચાલક બસ ચલાવી રહ્યો હતો. અકસ્માતના એક કલાક બાદ પણ ઇઊજઝના કોઈ અધિકારી તરફથી કોઈ પ્રતિક્રિયા આવી નહોતી.
એક સિનિયર સિવિક અધિકારીએ જણાવ્યું કે આ વર્ષની શરૂઆતમાં ભાંડુપ સ્ટેશનથી સંજય ગાંધી નેશનલ પાર્ક સુધી, ગીચ વસ્તી ધરાવતા વિસ્તારોને જોડતા રસ્તાઓ પરથી મિની બસો હટાવી લેવામાં આવી હતી. બસોની અછતને કારણે, ઇઊજઝએ મર્યાદિત ટર્નિંગ રેડિયસ જેવી ઓપરેશનલ મુશ્કેલીઓ હોવા છતાં ભાંડુપ સ્ટેશનના રૂટ્સ પર ઓલેક્ટ્રાની મિડી બસો શરૂ કરી હતી. ઇઊજઝ મુંબઈમાં પબ્લિક બસ ટ્રાન્સપોર્ટની પ્રમુખ સર્વિસ છે, જે શહેર અને ઉપનગરીય વિસ્તારોને જોડે છે. તેની પાસે અંદાજે 2,700-3,200 થી વધુ બસો છે. જેમાં સામાન્ય, લિમિટેડ, એસી અને ઈલેક્ટ્રિક બસોનો સમાવેશ થાય છે. ઇઊજઝ બસ સેવા બૃહન્મુંબઈ મહાનગરપાલિકા (ઇખઈ) ને આધીન છે.
