દીવ દ્વારા આયોજિત કલા ઉત્સવમાં બુચરવાડા-દીવનું ઉત્કૃષ્ટ પ્રદર્શન

ખાસ-ખબર સંવાદદાતા
દીવ શિક્ષણ વિભાગ તેમજ સમગ્ર શિક્ષા દ્વારા જિલ્લા સ્તરીય આયોજિત કલા ઉત્સવની વિવિધ કલા ક્ષેત્રમાં સરકારી ઉચ્ચતર માધ્યમિક શાળા બુચરવાડાનું ઉત્કૃષ્ટ પ્રદર્શન રહ્યું. જેમાં વોકલ મ્યુઝિક ક્લાસિકલમાં પ્રથમ, વોકલ મ્યુઝિક ટ્રેડિશનલ ફોકમાં પ્રથમ, કલાસિકલ ડાન્સમાં પ્રથમ, વાદ્ય સંગીતમાં દ્વિતીય અને તૃતિય , ચિત્રકલામાં દ્વિતીય સ્થાન પ્રાપ્ત કરી શાળાનું ગૌરવ વધાર્યું. જેનાં સફળ માર્ગદર્શક તરીકે શાળાના સહાયક અધ્યાપિકા પ્રતિભા બહેન સ્માર્ટ, મિત્રાબહેન સોલંકી, જયશ્રીબહેન કાપડિયા, સ્વાતિબહેન ફુલબારિયાએ ભૂમિકા નિભાવી હતી.
જિલ્લા શિક્ષણ અધિકારી આર.કે.સિંહ અને શાળાનાં ઇન્ચાર્જ મીતાબહેન પરમાર તેમજ શાળા પરિવારે વિજેતાઓને અને માર્ગદર્શક શિક્ષિકા બહેનોને અભિનંદન આપી શુભેચ્છા પાઠવી હતી.હવે યુ.ટી. લેવલે આયોજિત કલા ઉત્સવમાં ભાગ લેશે.