પ્રજાપતિ સમાજના તેજસ્વી વિદ્યાર્થી તથા વિશેષ પ્રતિભાશાળી 325 લોકોનું સન્માન કરાયું

તાલાલા શ્રીબાઈ ધામ આયોજીત સમારોહમાં

ખાસ-ખબર ન્યૂઝ તાલાલા

ગીરના પાટનગર તાલાલા શહેરમાં અનેક માનવ અને ધાર્મિક સેવાથી ધમધમતા શ્રીબાઈ ધામ આયોજીત અને દાતા સ્વ.જીવનભાઈ ગોવાભાઈ ગાધેર પરિવારના સહયોગ સાથે પ્રજાપતિ સમાજના તેજસ્વી તારલાઓ તથા વિશેષ પ્રતિભાશાળી અને સરકારી વિભાગોમાં સેવાઓ આપતાં જ્ઞાતિબંધુઓને સન્માનિત કરવાનો એક કાર્યક્રમ શ્રીબાઈ માતાજીના દિવ્ય મંદિરના પરીસરમાં યોજાયો હતો.

આ કાર્યક્રમમાં સોરઠના સાંસદ રાજેશભાઈ ચુડાસમા,ગીર પંથકના ધારાસભ્ય ભગવાનભાઈ બારડ,જીલ્લા ભાજપ પ્રમુખ મહેન્દ્રભાઈ પિઠીયા,અતિથિઓ ઉપસ્થિત રહ્યા હતા.આ પ્રસંગે સમાજના તેજસ્વી તારલા,વિશેષ પ્રતિભા ધરાવતા તથા સરકારી વિભાગોમાં સેવા આપતા જ્ઞાતિબંધુ સાથે સમાજનું ગૌરવ વધારનાર કુલ 325 લોકોનું સન્માન કરી ઉપસ્થિત મહાનુભાવોના વરદહસ્તે શિલ્ડ અને પ્રમાણપત્રો એનાયત થયા હતા.

પ્રાસંગિક પ્રવચન દરમ્યાન વક્તાઓએ શ્રીબાઈ ધામ દ્રારા થતી માનવ અને ધાર્મિક સેવાકીય કાર્યોને બિરદાવ્યા હતા. કાર્યક્રમના પ્રારંભે સંસ્થાના પ્રમુખ મુકેશભાઇ દેવળીયા એ પધારેલ સૌ મહેમાનોને આવકારી સ્વાગત કર્યું હતું.આ કાર્યક્રમ દિપાવવા નાથાભાઈ વાઢેર,કિશોરભાઈ ફટાણીયા,રાજેશભાઈ કુકડીયા (અમદાવાદ), દેવજીભાઈ ડાભી(પાટણ-ધર્મશાળા), ભાવેશભાઈ ગઢવાણા (રાજકોટ યુવક મંડળ પ્રમુખ),રમેશભાઈ જેઠવા (ભાલકા પ્રમુખ), ભરતભાઈ વિસાવડીયા (વેરાવળ પ્રમુખ), ડો.વલ્લભભાઈ ચાંદેગરા (જુનાગઢ), ડો.ભગવાનજીભાઈ દેવળીયા (કેશોદ), રમેશભાઈ છાંયા તથા જીગ્નેશભાઈ વિસાવડીયા વિગેરે સમાજના અગ્રણીઓ ઉપસ્થિત રહ્યા હતાં.