મહારાષ્ટ્ર વિધાનસભા ચૂંટણી 2024 માટે આજે સવારે 7 વાગ્યાથી મતદાન ચાલી રહ્યું છે. વિધાનસભાની 228 બેઠકો પર આજે મતદાન થઈ રહ્યું છે. ત્યારે પોતાના મતાધિકારનો ઉપયોગ કરવા માટે ઘણા ફિલ્મ સ્ટાર્સ વહેલી સવારે મતદાન મથક પર પહોંચી ગયા હતા.
મુંબઈમાં યોજાઈ રહેલી ચૂંટણીમાં બોલિવૂડ સ્ટાર્સે પણ ઉત્સાહપૂર્વક ભાગ લીધો હતો. પોતાના મતાધિકારનો ઉપયોગ કરવા માટે ઘણા ફિલ્મ સ્ટાર્સ વહેલી સવારે મતદાન મથક પર પહોંચી ગયા હતા. અભિનેતા રાજકુમાર રાવ અને નિર્દેશક કબીર ખાને પોતાના મતાધિકારનો ઉપયોગ કર્યો. મતદાન કર્યા પછી રાજકુમાર રાવે મહારાષ્ટ્રના લોકોને મતદાન કરવાની અપીલ કરતા કહ્યું કે, “દરેક વ્યક્તિ, કૃપા કરીને બહાર આવો અને મતદાન કરો. આ મતદાનનો દિવસ છે, તે ખૂબ જ મહત્વપૂર્ણ છે.”
- Advertisement -
સોનૂ સૂદે કર્યું મતદાન
સોનૂ સૂદે મતદાન કર્યા પછી કહ્યું, “બહાર આવીને મતદાન કરવું એ દરેકની જવાબદારી છે. દેશ માટે તે ખૂબ જ મહત્ત્વપૂર્ણ છે…”
અભિનેતા જ્હોન અબ્રાહમે કર્યું મુંબઈમાં મતદાન
અભિનેતા જ્હોન અબ્રાહમનો પણ વીડિયો સામે આવ્યો છે, જેમાં તેઓ મતદાન કર્યા પછી મુંબઈના એક મતદાન મથકમાંથી બહાર નીકળી રહ્યા છે.
ફરહાન અખ્તરે કર્યું મતદાન
ફિલ્મ નિર્માતા અને અભિનેતા ફરહાન અખ્તર, મુંબઈના બાંદ્રા ખાતેના મતદાન મથક પર પોતાનો મત આપ્યા પછી જોવા મળ્યા, સાથે જ તેમની બહેન ફિલ્મ દિગ્દર્શક ઝોયા અખ્તર પણ મતદાન કર્યા બાદ જોવા મળી.
ઝોયા અખ્તરે કર્યું મતદાન
અલી ફઝલે કર્યું મતદાન
મુંબઈમાં ઘણા ફિલ્મ સ્ટાર્સ પોતાની મતાધિકારનો ઉપયોગ કરી રહ્યા છે. અભિનેતા અલી ફઝલે આજે સવારે મતદાન કર્યું.
બોલિવૂડના ખિલાડી અક્ષય કુમાર થોડા સમય પહેલા જ સત્તાવાર રીતે ભારતના નાગરિક બન્યા છે. તેમની પાસે અગાઉ કેનેડાની નાગરિકતા હતી. એવામાં તેમણે મે મહિનામાં લોકસભા ચૂંટણી 2024માં પ્રથમ વખત પોતાનો મત આપ્યો હતો. હવે તેઓ મહારાષ્ટ્ર વિધાનસભાની ચૂંટણીમાં પણ મતદાન કરવા માટે વહેલી સવારે પહોંચી ગયા હતા.
અક્ષય કુમારે કર્યું મતદાન
તેમણે મીડિયા સાથે પણ વાત કરી. અક્ષયે કહ્યું કે મતદાન મથકમાં સ્વચ્છતા માટે ખૂબ જ સારી વ્યવસ્થા છે. તેમજ વૃદ્ધો માટે અલગથી લાઇન લગાવવામાં આવી છે જેથી મતદારોને કોઇપણ પ્રકારની મુશ્કેલીનો સામનો કરવો ન પડે. તેમણે દરેકને પોતાનો મત આપવા અપીલ પણ કરી. વોટિંગ બાદ અક્ષય કુમાર સામાન્ય લોકો સાથે વાત કરતા પણ જોવા મળ્યા.
બજરંગી ભાઈજાનના ડાયરેક્ટર પણ પહોંચ્યા મતદાન કરવા
આ સિવાય બોલિવૂડના પ્રખ્યાત નિર્દેશક કબીર ખાન પણ પોતાના મતાધિકારનો ઉપયોગ કરતા જોવા મળ્યા. તેણે પણ મુંબઈમાં પોતાનો મત આપ્યો. થોડા સમય પહેલા તેઓ કાર્તિક આર્યનની ચંદુ ચેમ્પિયનને કારણે ચર્ચાઓમાં હતા, જેનું નિર્દેશન તેમણે કર્યું હતું. આ પહેલા તેઓ એક થા ટાઈગર અને બજરંગી ભાઈજાન જેવી ફિલ્મો માટે જાણીતા છે.
અભિનેત્રી ગૌતમી કપૂર
અભિનેત્રી ગૌતમી કપૂરે મતદાન કર્યા પછી કહ્યું, “મને બહુ સારું લાગી રહ્યું છે. મને લાગે છે કે મતદાન કરવું અદ્ભુત છે. તમે સ્વતંત્ર અનુભવો છો અને મને લાગે છે કે દરેક નાગરિક માટે મતદાન કરવું ખૂબ જ મહત્ત્વપૂર્ણ છે કારણ કે દરેક મત ખૂબ જ મોટું અંતર પેદા કરે છે. એટલા માટે કૃપા કરીને મત આપો. આ ખૂબ જ મહત્ત્વપૂર્ણ છે, આપણે દેશને બદલી શકીએ છીએ.”
કંગના રનૌતે પણ કરી અપીલ
બોલિવૂડ અભિનેત્રી કંગના રનૌત હિમાચલના મંડીથી સાંસદ છે પરંતુ તેમણે દરેકને મતદાન કરવા માટે પ્રેરિત કર્યા. તેમણે ભાજપના ઉમેદવાર ચૈનસુખ મદનલાલ સાથેનો વીડિયો શેર કર્યો.
