ભાજપે 51% ખર્ચ કર્યો: AAPનું દાન ભાજપ કરતાં 200 ગણું ઓછું
ખાસ-ખબર ન્યૂઝ નવી દિલ્હી, તા.17
એસોસિયેશન ઓફ ડેમોક્રેટિક રિફોર્મ્સ (અઉછ)એ સોમવારે રાષ્ટ્રીય પક્ષોને મળેલાં દાન અંગેનો અહેવાલ બહાર પાડ્યો. રિપોર્ટ અનુસાર, નાણાકીય વર્ષ 2023-24માં, ભાજપને સૌથી વધુ 4340.47 કરોડ રૂપિયાનું દાન મળ્યું છે.
કોંગ્રેસ 1225.12 કરોડ રૂપિયા સાથે બીજા ક્રમે રહ્યો. અઉછએ તેના અહેવાલમાં જણાવ્યું હતું કે પક્ષોને મળતા દાનનો મોટો હિસ્સો ચૂંટણી બોન્ડમાંથી આવતો હતો. ભાજપે તેની કુલ આવકના 50.96% એટલે કે 2211.69 કરોડ રૂપિયા ખર્ચ કર્યા, જ્યારે કોંગ્રેસે તેની આવકના 83.69% એટલે કે 1025.25 કરોડ રૂપિયા ખર્ચ કર્યા. અઅઙને 22.68 કરોડ રૂપિયાનું દાન મળ્યું, જ્યારે પાર્ટીએ એનાથી વધુ એટલે કે 34.09 કરોડ રૂપિયા ખર્ચ કર્યા. તમામ પક્ષોને મળેલાં કુલ દાનમાંથી 74.57% એકલા ભાજપને જ મળ્યા છે, બાકીના 5 પક્ષોને 25.43% દાન મળ્યું છે.
મોટાભાગના દાન ચૂંટણી બોન્ડમાંથી આવ્યા ચૂંટણી બોન્ડમાંથી ભાજપને સૌથી વધુ 1685.63 કરોડ રૂપિયા મળ્યા, જ્યારે કોંગ્રેસને 828.36 કરોડ રૂપિયા અને અઅઙને 10.15 કરોડ રૂપિયા મળ્યા.
ત્રણેય પક્ષોને ચૂંટણી બોન્ડ દ્વારા 2524.1361 કરોડ રૂપિયા મળ્યા, જે તેમના કુલ દાનના 43.36% છે. જોકે, સુપ્રીમ કોર્ટે ગયા વર્ષે મે મહિનામાં આ દાનને ગેરબંધારણીય જાહેર કર્યું હતું.
છઝઈં દ્વારા અઉછ દ્વારા મળેલી માહિતી અનુસાર, સ્ટેટ બેંક ઓફ ઈન્ડિયાએ જણાવ્યું હતું કે 2023-24માં, ઘણી પાર્ટીઓએ 4507.56 કરોડ રૂપિયાના ચૂંટણી બોન્ડ રોકડ કર્યા હતા. રાષ્ટ્રીય પક્ષોએ આ ભંડોળના 55.99% એટલે કે 2524.1361 કરોડ રૂપિયા ખર્ચ્યા.
સીપીઆઈ (એમ)ને 167.63 કરોડ રૂપિયાનું દાન મળ્યું, જેમાંથી તેણે 127.28 કરોડ રૂપિયા ખર્ચ કર્યા. બહુજન સમાજ પાર્ટી (ઇજઙ)ને 64.7798 કરોડ રૂપિયા મળ્યા અને પાર્ટીએ 43.18 કરોડ રૂપિયા ખર્ચ કર્યા. નેશનલ પીપલ્સ પાર્ટી (ગઙઙ)ને 0.2244 કરોડ રૂપિયા મળ્યા અને 1.139 કરોડ રૂપિયા ખર્ચ કર્યા.
- Advertisement -
રિપોર્ટમાં ખર્ચ સંબંધિત 4 ફેક્ટ
કોંગ્રેસે ચૂંટણીમાં સૌથી વધુ 619.67 કરોડ રૂપિયા ખર્ચ કર્યા. આ પછી, વહીવટી અને અન્ય કામો પાછળ 340.702 કરોડ રૂપિયા ખર્ચવામાં આવ્યા.
સીપીઆઈ(એમ)એ વહીવટી અને અન્ય કાર્યો પર 56.29 કરોડ રૂપિયા અને પાર્ટી સ્ટાફ પર 47.57 કરોડ રૂપિયા ખર્ચ કર્યા.
6 પક્ષોમાંથી, ફક્ત કોંગ્રેસ (રૂ. 58.56 કરોડ) અને સીપીઆઈ (એમ) (રૂ. 11.32 કરોડ)એ કૂપન વેચાણમાંથી કુલ રૂ. 69.88 કરોડની પ્રાપ્તિ જાહેર કરી.
ભારત જોડો યાત્રા 2.0 પર લગભગ રૂ.50 કરોડનો ખર્ચ થયો
- Advertisement -
કોંગ્રેસે ઇલેક્ટ્રોનિક જાહેરાતો પર 207.94 કરોડ રૂપિયા અને પ્રીન્ટ જાહેરાતો પર 43.73 કરોડ રૂપિયા ખર્ચ કર્યા. પાર્ટીએ વિમાનો અને હેલિકોપ્ટર પર 62.65 કરોડ રૂપિયા અને ઉમેદવારોને નાણાકીય સહાય પર 238.55 કરોડ રૂપિયા ખર્ચ કર્યા. કોંગ્રેસે ચૂંટણી પ્રચાર પાછળ 28.03 કરોડ રૂપિયા અને સોશિયલ મીડિયા પર 79.78 કરોડ રૂપિયા ખર્ચ કર્યા. પાર્ટીએ તેના ઓડિટ રિપોર્ટમાં જણાવ્યું હતું કે તેણે 2023-24 દરમિયાન ભૂતપૂર્વ અધ્યક્ષ રાહુલ ગાંધીની બીજી ભારત જોડો યાત્રા પર 49.63 કરોડ રૂપિયા ખર્ચ કર્યા હતા. પહેલી ભારત જોડો યાત્રા પર 71.84 કરોડ રૂપિયાનો ખર્ચ થયો હતો.
