સટ્ટાકાંડ થકી માત્ર 9 દિ’માં 1400 કરોડ ખંખેર્યા
ઉતર ગુજરાતમાં પાટણ અને બનાસકાંઠામાં બેટિંગ એપ કામ કરતી હતી
- Advertisement -
ચાઇનીઝ નાગરિક વુ યુઆન્બેએ દાની ડેટા નામની એપ બનાવી કૌભાંડ આચર્યું: 9 સાગરિતો ઝડપાયા
ખાસ-ખબર સંવાદદાતા
સાયબર ક્રાઈમનાં ગુનાઓમાં દિન પ્રતિદિન વધારો થઈ રહ્યો છે. ગુજરાતમાં ચાઈનીઝ નાગરિક દ્વારા આર્થિક કૌભાંડ સામે આવ્યું છે. ચાનીઝ નાગરિક યુ યુઆન્બેએ નકલી ફુટબોલ સટ્ટાની એપ બનાવી માત્ર 9 દિવસમાં 1400 કરોડ રૂપિયાની છેતરપિંડી આચરી હોવાની માહિતી સામે આવતાં ખળભળાટ મચ્યો છે. આ બેટિંગ એપ ઉત્તર ગુજરાતમાં પાટણ અને બનાસકાંઠામાં કામ કરતી હતી. વુ યુઆન્બે એપનાં માધ્યમથી 15થી 75 વર્ષનાં લોકોને ટાર્ગેટ કરતો હતો. એપનાં માધ્યમથી ડેટાની ચોરી કરીને 1400 કરોડની છેતરપિંડી કરી હતી. 1200 લોકો આ બેટિંગ એપનો ઉપયોગ કરતા હતા. 2022 થી બેટિંગ એપથી આર્થિક સટ્ટાનું નેટવર્ક ચાલતું હતું. સાયબર ક્રાઈમે ચાઈનીઝ ફૂટબોલ ગેમ્સથી સાવચેત રહેવાની પોલીસે લોકોને અપીલ કરી છે.
ગુજરાતમાં ચીની નાગરિકે 9 દિવસમાં લોકોનાં 1400 કરોડ ખંખેર્યા છે. દાની ડેટા’ નામની ફૂટબોલ સટ્ટાની એપ બનાવી 1400 કરોડની છેતરપિંડી કરવામાં આવી છે. ગુજરાતનાં બનાસકાંઠા અને પાટણનાં 1200 લોકો ભોગ બન્યા છે. માત્ર 9 દિવસમાં 1400 કરોડ ખંખેરી ચીની નાહરિક વૂ ઉયાનબે ફરાર થઈ ગયો છે. સટ્ટાની એપ દ્વારા દરરોજનાં 200 કરોડ ખંખેરવાની સંભવિત પ્રથમ ઘટનાં છે. પોલીસે ચીની નાગરિકનાં 9 સહયોગીઓની ધરપકડ કરી છે. તેમજ સમગ્ર મામલે ગુજરાત પોલીસે એસઆઈટીની રચનાં કરી તપાસ હાથ ધરી છે. ચીની નાગરિક વૂ ઉયાનબે આ નકલી એપ દ્વારા દરરોજના 200 કરોડ રૂપિયા સેરવી લેવામાં સફળ રહ્યો. ચીની એપ ‘દાની ડેટા’ના આ ચોંકાવનારા મામલામાં મોટા ભાગે પાટણ અને બનાસકાંઠાના લોકો ભોગ બન્યા છે.
