બિગબી એમના 50 વર્ષના લાંબા કરિયરમાં પહેલી વખત એક ગુજરાતી ફિલ્મમાં જોવા મળશે

બોલીવુડમાં તો અમિતાભ બચ્ચને ઘણી ફિલ્મો કરી છે પણ હાલ જ અમિતાભ બચ્ચને એમના 50 વર્ષના લાંબા કરિયરમાં પહેલી વખત એક ગુજરાતી ફિલ્મ કરી..

જો કોઈ નિર્માતા અમિતાભ બચ્ચન પાસે જાય અને બોલીવુડનના શહેનશાના કામની ક્ષમતાને લઈને એમની સાથે વાતચીત કરે એ સાંભળીને જ હેરાની થાય છે એ વાત સામાન્ય છે. પણ એક નિર્માતાએ એવું કર્યું છે પણ બોલીવુડના શહેનશા એ એમના જવાબથી એ નીર્માતાને નીરૂતર કરી દીધા હતા. બોલીવુડમાં તો અમિતાભ બચ્ચને ઘણી ફિલ્મો કરી છે પણ ખબર એવી છે કે અમિતાભ એમના 50 વર્ષના લાંબા કરિયરમાં પહેલી વખત એક ગુજરાતી ફિલ્મ કરવા જઈ રહ્યા છે.

અમિતાભ બચ્ચને હાલમાં જ એક ગુજરાતી ફિલ્મ ‘ફક્ત મહિલાઓ માટે’ ફિલ્મની શુટિંગ કરી છે. અમિતાભની ફિલ્મ ચહેરેના નિર્માતા આનંદ પંડિતે સોશ્યલ મીડિયા પર પોસ્ટ કરીને આ વિશે જાણકારી આપી છે. આટલું જ નહીં અમિતાભ બચ્ચને આ ફિલ્મમાં કામ કરવા માટે એક પણ રૂપિયા ફિ લીધી નથી.

45 મિનિટમાં ડબિંગ કર્યું
ગુજરાતી ફિલ્મ ‘ફક્ત મહિલાઓ માટે’ માં બોલીવુડના શહેનશા કેમિયો કરવા જઈ રહ્યા છે પણ આ ફિલ્મમાં એમનો ઘણો મહત્વનો રોલ છે. સાથે જ અમિતાભ બચ્ચન ગુજરાતી ભાષામાં જ ડાયલોગ પણ બોલતા નજર આવશે. પ્રોડ્યુસર આનંદ પંડિતે જણાવ્યું હતું કે, “એમને બીગ બી ને ક્યારે કહ્યું કે તે પહેલી વખત ગુજરાતી ફિલ્મમાં કામ કરી રહ્યા છે એટલા માટે એમનો ડાયલોગ કોઈ ડબિંગ આર્ટીસ્ટ પાસે ડબ કરાવી લઈશું કારણ કે એવું બની શકે કે એમને ગુજરાતી બોલવામાં સમસ્યા આવી શકે છે.’

આ પર અમિતાભ બચ્ચને આનંદ પંડિતને કહ્યું કે,’ આનંદ જી અમારું કામ તો અમે જ કરશું, તમે અમારું કામ જોઈ લો, જો સારું ન લાગે તો વોઈસ ઓવર કરાવી લેજો. તમારા આર્ટીસ્ટ પર ભરોસો રાખો, અમે તમને નિરાશ નહીં કરીએ.’ અમિતાભની આ વાતનો નિર્માતા પાસે કોઈ જવાબ નહતો. આગળ આનંદ પંડિતે જણાવ્યું હતું કે, ‘અમિતાભ બચ્ચને સાચે કમાલ કરી બતાવ્યો હતો અને એમને ગુજરાતી લહેકો પકડી લીધો હતો અને માત્ર 45 મિનિટની અંદર એમને ડબિંગ પણ પૂરી કરી લીધું હતું. એમને હંમેશાની જેમ પુરા પરફેક્શન સાથે કામ કર્યું હતું.

આ ગુજરાતી ફિલ્મ 19 ઓગસ્ટના રોજ થીયેટરમાં રિલીઝ થશે. આ ફિલ્મમાં જય સોની અને દીક્ષા જોશી મુખ્ય ભૂમિકામાં જોવા મળશે અને આ ફિલ્મના ડાયરેક્ટર જય બોડાસ છે. જન્માષ્ટમીના ખાસ અવસર પર આ પારિવારિક ફિલ્મને રિલિઝ કરવામાં આવશે.