બે ઓલિમ્પિક વચ્ચે નીરજ ચોપરા બન્યો ભારતનો સૌથી મોટો એથલિટ

નીરજ ચોપડાએ પેરિસ ઓલિમ્પિકમાં ભલે સિલ્વર મેડલ જીત્યો પરંતુ ટોક્યો ઓલિમ્પિકમાં ગોલ્ડ જીત્યો તેની તુલનામાં વધારે દૂર જૈવલિન થ્રો કર્યું. ટોક્યો ઓલિમ્પિકમાં 7 ઓગસ્ટ 2021એ તેમણે ગોલ્ડ મેડલ હાસિલ કર્યો હતો. ત્યાં જ પેરિસમાં સિલ્વર મેડલ 8 ઓગસ્ટે પોતાના નામે કર્યો.

7 ઓગસ્ટ 2021એ ટોક્યો ઓલિમ્પિકમાં નીરજે 87.58 મીટરનો થ્રો કર્યો હતો અને ભારતને ગોલ્ડ મેડલ જીતાવ્યો. તે રાતો-રાત ભારતના સૌથી મોટા સ્ટાર એથલીટ બની ગયા. તે ભારતના એથલેટિક્સ ઈતિહાસમાં પહેલો ગોલ્ડ મેડલ જીત્યા હતા.

ત્યાં જ નીરજ જ હતા જેમના ગોલ્ડ મેડલના કારણે ભારતમાં જૈવલિનનો ક્રેજ આવ્યો. નીરજ બાદ કિશોર જેના, ડીપી મનુ જેવા જૈવલિન થ્રોઅર પણ સામે આવ્યા. કિશોર જેનાએ પિરસ ઓલિમ્પિક માટે પણ કોટા મેળવ્યો પરંતુ તે ફાઈનલ રાઉન્ડમાં જગ્યા ન બનાવી શક્યા.

મિલ્ખા સિંહ

નીરજ પહેલા ઘણા એવા અવસર આવ્યા જેમાં ભારત એથલેટિક્સમાં મેડલ જીતવાની નજીક આવી ગયું. મિલ્ખા સિંહ 1960માં 400 મીટરની રેસમાં ચોથા સ્થાન પર રહ્યા. ત્યારે તે 0.1 સેકન્ડના મામૂલી માર્જિનથી મેડલ મિસ કરી ગયા હતા.

પીટી ઉષા

ત્યાં જ પીટી ઉષા 1984ના લોસ એન્જિલ્સ ઓલિમ્પિકમાં એથલેટિક્સમાં મેડલ જીતવાની નજીક હતી. તેઓ 400 મીટર હર્ડલ્સ ફાઈનલમાં ચોથા સ્થાન પર રહ્યા અને બ્રોન્ઝ મેડલ ફક્ત 1/100 સેકન્ડથી ચુકી ગયા હતા. જ્યારે નીરજે ટોક્યોમાં ગોલ્ડ મેળવ્યો તો તેમણે ભારતને આ વાતની આશા આપી દીધી હતી કે ભારતના એથલીટમાં પણ દમ છે.

8 ઓગસ્ટ 2024માં પેરિસમાં 89.45 મીટર દૂર ભાલો ફેંકીને નિરજ ભારતને પહેલો સિલ્વર મેડલ અપાવ્યો. ત્યાં જ પાકિસ્તાનના અરશદ નદીમે 92.97 મીટર દૂર ભાલો ફેંક્યો અને ગોલ્ડ મેળવ્યો. જ્યારે આ ઈવેન્ટનો બ્રોન્ઝ મેડલ ગ્રેનાડાના એન્ડરસન પીટર્સે 88.54 મીટર જૈવલિન ફેંકીને પોતાના નામે કર્યો.

વર્લ્ડ રેકોર્ડ

જૈવલિન થ્રોનો વર્લ્ડ રેકોર્ડ ચેક ગણરાજ્યના ખેલાડીઓના નામે દાખલ છે. ત્રણ વખત વર્લ્ડ ચેમ્પિયન અને ઓલિમ્પિક ચેમ્પિયન, ચેક ગણરાજ્યના દિગ્ગજ એથલીટ જાન લેલેજનીએ જર્મનીમાં એક એથલેટિક્સ પ્રતિયોગિતા વખતે 1996માં 98.48 મીટરનો થ્રો કરીને વર્લ્ડ રેકોર્ડ પોતાના નામે નોંધ્યો હતો. જે આજસુધી કાયમ છે.

નીરજ ચોપડાના નામે છે આ મેડલ

નીરજ ચોપડાએ ટોક્યો ઓલિમ્પિકમાં ગોલ્ડ મેડલ જીત્યા બાદ પણ પોતાનો જલવો કાયમ રાખ્યો. તેમણે હોંગઝોઉ એશિયન ગેમ્સ 2023 અને બુડાપેસ્ટ વર્લડ એથલેટિક્સ ચેમ્પિયનશિપમાં પણ ગોલ્ડ મેડલ જીત્યો હતો.

પેરિસ ઓલિમ્પિક 2024- સિલ્વર મેડલ
હોંગઝોઉ એશિયન ગેમ્સ 2023- ગોલ્ડ મેડલ
બુડાપેસ્ટ વર્લ્ડ એથલેટિક્સ ચેમ્પિયનશિપ- ગોલ્ડ મેડલ
ટોક્યો ઓલિમ્પિક 2020-ગોલ્ડ મેડલ
જકાર્તા એશિયન ગેમ્સ 2018- ગોલ્ડ મેડલ
ગોલ્ડ કોસ્ટ કોમનવેલ્થ ગેમ્સ 2018- ગોલ્ડ મેડલ
એશિયન એથલેટિક્સ ચેમ્પિયનશિપ 2017- ગોલ્ડ મેડલ
વર્લડ U-20 એથલેટિક્સ ચેમ્પિયનશિપ 2016- ગોલ્ડ મેડલ
સાઉથ એશિયન ગેમ્સ 2016- ગોલ્ડ મેડલ