માધ્યમિક અને ઉચ્ચત્તર માધ્યમિક શાળા કોઠીની કબડ્ડી ટીમનું રાજ્યકક્ષાએ શ્રેષ્ઠ પ્રદર્શન

ખાસ-ખબર ન્યૂઝ આટકોટ

68 મી અખિલ ભારતિય કબડ્ડી રાજય કક્ષાની સ્પર્ધાનુ આયોજન મોઢેશ્વરી ભવન પેથાપુર ગાંધીનગર ખાતે યોજાઈ હતી. શ્રી માધ્યમિક અને ઉચ્ચતર માધ્યમિક શાળા કોઠીની આખી ટીમ રાજ્યકક્ષાએ ભાગ લેવા ગઈ હતી. જ્યા બહેનોએ શ્રેષ્ઠ પ્રદર્શન કર્યુ હતું અને તેમના માતાપિતા, ગામ તેમજ શાળા પરીવારનુ નામ રોશન કર્યુ હતું. જેમાં ખેલાડી જાનવી ઝાપડીયા, સંજના વાવડિયા, બંસી ઝાપડીયા, દિવ્યા બાવળીયા, સોનલ ગોવાણી, દિવ્યા બાલસરા, કિંજલ ઝાપડીયા, ભારતી ઝાપડીયા, પ્રીતિ રોજસરા , હર્ષા વાવડિયા તેમજ રાજલ ગોવાણીની મહેનત હતી. તેમજ ટીમના મુખ્ય કોચ પ્રવીણભાઈ જી. હાંડાની સખત મહેનતનુ પરિણામ છે. ખેલાડીઓના આ સારા પ્રદર્શન બદલ શાળાના આચાર્ય નિલેશભાઈ હાંડા તેમજ સમગ્ર સ્ટાફે ખેલાડીઓને અભિનંદન આપ્યા હતા.