ખાસ-ખબર સંવાદદાતા
રાજકોટ વાસીઓની શ્રધા અને આસ્થાનું કેન્દ્ર એટલે મહાપ્રતાપી શ્રી બાલાજી હનુમાનજી મહારાજ, આ બાલાજી દાદા જેના શરણે આવી ભાવથી માથું ટેકવે તેના દુ:ખોને દૂર કરતા આ મહાપ્રતાપી દાદા છે, ત્યારે આજના શનિવાર અને કાળી ચૌદશના પવિત્ર દિવસે મંદિરના મહંત પૂ.વિવેકસાગર સ્વામીની અધ્યક્ષતામાં મહાપ્રતાપી શ્રી બાલાજી હનુમાનજી મહારાજના દિવ્ય મહા મારુતિ યજ્ઞનું આયોજન કરવામાં આવ્યું હતું અને દર શનિવારના જેમ આ શનિવારે પણ રંગબેરંગી પુષ્પોના દાદાને દિવ્ય શણગાર કરાયા છે.
- Advertisement -
આ શણગાર આકર્ષણનું કેન્દ્ર બન્યા છે, જેના દર્શન કરી ભક્તો ભાવવિભોર થયા છે આ મારુતિ મહાયજ્ઞમાં કોઠારી શ્રી હરિચરણદાસજી સ્વામી તથા શ્રી સ્વામિનારાયણ મુખ્ય મંદિરના મહંત શાસ્ત્રી પૂ.રાધારમણ સ્વામી ની પણ પાવન ઉપસ્થિતિ રહી હતી, આ યજ્ઞનો બહોળી સંખ્યામાં દાદાને ભક્તોએ ઉપસ્થિત રહી આજના પવિત્ર દિવસે અલભ્ય લાભ લીધો છે, આજે કાળી ચૌદશના પવિત્ર દિવસે બાલાજી દાદાની સંધ્યા આરતીમાં સાંજે 6.30 કલાકે પરિવાર સાથે પધારવા અને દાદાના દિવ્ય અને અલૌકિક દર્શનનો લાભ લેવા મંદિરના કોઠારી પૂ.મુનિવત્સલ દાસજી સ્વામીની યાદીમાં જણાવાયું છે.
