રણજિત વિલાસ પેલેસમાં પરંપરાગત વેશમાં જ્યારે ક્ષત્રિય સમાજની બહેનોએ તલવાર રાસ રજૂ કર્યો

રાજકોટના પેલેસ રોડ પર આવેલા રણજિત વિલાસ પેલેસ ખાતે ભગિની સેવા ફાઉન્ડેશન દ્વારા તલવાર રાસ રજૂ કરવામાં આવ્યો હતો. જેમાં મોટી સંખ્યામાં ક્ષત્રિય સમાજની દીકરીઓ, યુવતીઓ અને મહિલાઓ જોડાઈ હતી. રાણીસાહેબ કાદમ્બરી દેવીના અધ્યક્ષ સ્થાને આ તલવાર રાસનું આયોજન કરવામાં આવ્યું હતું. પરંપરાગત વેશમાં જ્યારે ક્ષત્રિય સમાજની બહેનોએ તલવાર રાસ રજૂ કર્યો ત્યારે નારી શક્તિના દર્શન થયા હતા. તલવાર રાસ દરમિયાન બહેનોએ અવનવા કરતબ પણ રજૂ કર્યા હતા. તલવાર રાસ નિહાળવા માટે રાજકોટમાં દરેક ક્ષેત્રના અગ્રણીઓ ઉપસ્થિત રહ્યા હતા.