બનાસકાંઠાની વાવ વિધાનસભા બેઠક પર પેટા ચૂંટણી માટે મતદાન ચાલી રહ્યું છે. ત્યારે વાવ વિધાનસભા પેટા ચુંટણીના મતદાનમાં મતદારોમાં ભારે ઉત્સાહ જોવા મળી રહ્યો છે.
ગુજરાતમાં આજે બનાસકાંઠાની વાવ વિધાનસભા બેઠક પર પેટા ચૂંટણી માટે આજે સવારે 7 વાગ્યાથી મતદાન શરૂ થઈ ગયું છે. ત્યારે મળતી માહિતી અનુસાર, સવારે 7:00 થી 9:00 સુધીમાં 14.25 % મતદાન થયું છે. વાવ વિધાનસભા પેટા ચુંટણીમાં મતદાન અંગે મતદારોમાં ભારે ઉત્સાહ જોવા મળી રહ્યો છે. મતદારોમાં વિકાસના કામોને લઈ ભારે ઉત્સાહ જોવા મળી રહ્યો છે.
- Advertisement -
પેટાચૂંટણીને લઈ મતદારોમાં ભારે ઉત્સાહ
સવારથી જ મતદાન કેન્દ્રો પર મતદારોની લાંબી કતારો જોવા મળી રહી છે. મહિલાઓ પણ મોટી સંખ્યામાં મતદાન કરવા માટે પહોંચી. મતદારો પાણી, ખેડૂતોને સહાય સહિતના મુદ્દાને ધ્યાને રાખી રહ્યા છે. મતદારો માટે પ્રાથમિક સુવિધાના પ્રશ્નો મહત્ત્વના છે, જેને ધ્યાને રાખીને ભારે ઉત્સાહ સાથે મતદારો પોતાના મતાધિકારનો ઉપયોગ કરતા જોવા મળી રહ્યા છે. વિકાસ કરે તેવા ઉમેદવારને મત આપવાનું મતદારો જણાવી રહ્યા છે. તમામ મતદાન મથક પર ચુસ્ત પોલીસ બંદોબસ્ત ગોઠવવામાં આવ્યો છે. હાલમાં તમામ મતદાન મથકો પર મતદારો મતાધિકારનો ઉપયોગ કરી રહ્યા છે.
સ્વરૂપજી ઠાકોરે કર્યું મતદાન
- Advertisement -
વાવ બેઠક પર સવારે સાત વાગ્યાથી ઉત્સાહ સાથે મતદાન પ્રક્રિયા શરૂ થઈ ચુકી છે ત્યારે બિયોક મતદાન મથક પર મતદાન શાંતિપૂર્વક ચાલી રહ્યું છે. ભાજપના ઉમેદવાર સ્વરૂપજી ઠાકોરે તેમના વતન બિયોકમાં મતદાન કર્યું. તેઓ માતાપિતાના આશીર્વાદ લઈને મતદાન કરવા પહોંચ્યા હતા. તેમણે માતાપિતાના આશીર્વાદ લીધા પછી ગૌપૂજા પણ કરી હતી.
લોકસભા ચૂંટણીની ગરમાગરમી બાદ વાવ વિધાનસભા બેઠક પર પેટા ચૂંટણીની જાહેરાતથી વાવ બેઠકનો પ્રચાર સમગ્ર રાજ્યમાં ચર્ચાનું કેન્દ્ર રહ્યો. પૂર્વ ધારાસભ્ય ગેનીબેન ઠાકોરના સાંસદ તરીકે ચૂંટાયા બાદ વાવ બેઠક ખાલી થઈ ગઈ હતી. ત્યારે વાવ બેઠક પર ભાજપના સ્વરૂપજી ઠાકોર, કોંગ્રેસના ગુલાબસિંહ રાજપૂત અને અપક્ષ ઉમેદવાર માવજી પટેલ મેદાને છે. માહિતી અનુસાર, ગેનીબેન ઠાકોર 11 વાગે મતદાન કરશે. ત્યારે વાવ વિધાનસભા પેટા ચૂંટણીને લઈ ગેનીબેન ઠાકોરે જીતનો વિશ્વાસ વ્યક્ત કર્યો.
ગેનીબેન ઠાકોરે જણાવ્યું કે મતદારોમાં ભારે ઉમંગ અને ઉત્સાહ જોવા મળી રહ્યો છે. વહેલી સવારથી મતદારો મત આપવા લાઈનમાં ઉભા છે. સાથે જ ગેનીબેન ઠાકોરે કોંગ્રેસ ત્રીજી વખત જીતની હેટ્રિક કરશે એવો કર્યો દાવો કર્યો છે. સાથે જ ગેનીબેને જણાવ્યું કે 2 ગામમાં EVM ખોટવાયાની માહિતી મળી છે. સનેસણા, અસાણા ગામમાં EVM ખોટવાયા હોવાની મળી માહિતી છે. જે અંગે ગેનીબેન ઠાકોરે ચૂંટણી અધિકારીને જાણ કરી છે.
આજે વાવ વિધાનસભાના 3 લાખ 10 હજાર 681 મતદારો પોતાનો ઉમેદવાર ચૂંટવા મતદાન કરવા મતદાન કેન્દ્ર પર પહોંચી રહ્યા છે. તેવામાં આજે વહેલી સવારથી વાવના તમામ મતદાન કેન્દ્રોમાં મતદારોની ભીડ જોવા મળી રહી છે. ભાજપ ઉમેદવાર સ્વરૂપજી ઠાકોર ભાભર તાલુકાના બિયોક ગામે મતદાન કરવાના છે. જ્યારે અપક્ષ ઉમેદવાર માવજી પટેલ અને કોંગ્રેસ ઉમેદાવર ગુલાબસિંહ રાજપૂત મતદાન નહીં કરી શકે. કારણ કે બંને ઉમેદવારોનું મતદાન ક્ષેત્ર વાવ નહીં પણ થરાદ છે.
