જૂનાગઢનાં અક્ષર મંદિરથી કાળવા ચોક સુધીનાં રોડ ડામરથી મઢવાનું શરૂ

 ગઇકાલે અક્ષર મંદિર પાસે લોકોએ ચક્કાજામ કર્યો હતો

ખાસ-ખબર સંવાદદાતા
જૂનાગઢ શહેરમાં મોટાભાગનાં રસ્તા બિસ્માર બન્યાં છે. જૂનાગઢનાં અક્ષર મંદિરથી લઇને કાળવા ચોક સુધીનાં માર્ગને લઇ ગઇકાલે લોકો રસ્તા ઉપર ઉતરી આવ્યાં હતા. રાત્રીથી રસ્તાને ડામરથી મઢવાનું શરૂ કરી દેવામાં આવ્યું છે.

જૂનાગઢ શહેરમાં ભૂગર્ભ ગટરનું કામ ચાલી રહ્યું છે. તેના કારણે અનેક રસ્તાઓ તુટી ગયા હતાં. ચોમસામાં લોકોએ ખુબ જ હાલાકીનો સામનો કર્યો હતો. હાલ વરસાદ બંધ થતા રસ્તા રીપેરીંગનું કામ શરૂ કરવામાં આવ્યું છે.

જૂનાગઢમાં ગઇકાલે અક્ષર મંદિર પાસે લોકોએ રસ્તા રોકો આંદોલન કર્યું હતું.બાદ રાત્રીથી મહાનગર પાલીકા દ્વારા આ રોડને ડામરથી મઢવામાં આવી રહ્યો છે.

રસ્તાનાં કામનો પ્રારંભ થતા લોકોને સારો રસ્તો મળશે અને ખાડામાંથી મુક્તિ મળશે. રોડનાં કામનાં પ્રારંભે મનપાનાં પદાધિકારીઓ હાજર રહ્યાં હતાં.