અર્જુન રામપાલ અને તેની ગર્લફ્રેન્ડ ગેબ્રિએલા ડેમેટ્રિએડ્સે તેમના બીજા બાળકનું સ્વાગત કર્યું છે. કપલના ઘરે ફરી દીકરાનું આગમન થયુ છે, બંનેએ હજુ લગ્ન કર્યા નથી.
અર્જુન રામપાલ ફિલ્મ ઈન્ડસ્ટ્રીનો જાણીતો એક્ટર છે. તે બે દાયકાથી વધુ સમયથી બોલિવૂડમાં છે અને તેની ઘણી મોટી ફેન ફોલોઈંગ છે. અર્જુન રામપાલ અને ગર્લફ્રેન્ડ ગેબ્રિએલા ડેમેટ્રિએડ્સે ગુરુવાર, 20 જુલાઈએ તેમના બીજા બાળકનું સ્વાગત કર્યું છે. અર્જુને તેના ફેન્સને પરિવારમાં નવા સભ્યના આગમનની જાણકારી સોશિયલ મીડિયા દ્વારા આપી હતી.
- Advertisement -
અર્જુન રામપાલે સોશિયલ મીડિયા પર લખ્યું, ‘મારા પરિવારને અને મને આજે એક સુંદર બાળકના આશીર્વાદ મળ્યા છે, માતા અને પુત્ર બંને સારી રીતે કામ કરી રહ્યા છે.’ અર્જુન અને ગેબ્રિએલા 2018 માં અંગત મિત્રો દ્વારા મળ્યા હતા અને થોડા મહિના પછી એકબીજાને ડેટ કરવાનું શરૂ કર્યું હતું. 2019 માં, કપલે તેમના પુત્ર એરિક રામપાલનું સ્વાગત કર્યું.
View this post on Instagram- Advertisement -
અર્જુન રામપાલની પહેલી પત્ની
ઉલ્લેખનીય છે કે, અર્જુન અને ગેબ્રિએલાએ હજુ સુધી લગ્ન કર્યા નથી. અર્જુનને પૂર્વ પત્ની મેહર જેસિયા સાથે મહિકા રામપાલ અને માયરા રામપાલ નામની બે દીકરીઓ છે. આ કપલ 2019 માં અલગ થયુ હતું.
વર્કફ્રન્ટ પર, અર્જુન છેલ્લે કંગના રનૌતની સાથે એક એક્શન ફિલ્મ ‘ધાકડ’માં જોવા મળ્યો હતો, જે બોક્સ ઓફિસ પર દર્શકોને પ્રભાવિત કરવામાં નિષ્ફળ રહી હતી. આગામી મહિનામાં તે અબ્બાસ મસ્તાનની આગામી ફિલ્મ ‘પેન્ટહાઉસ’માં બોબી દેઓલ સાથે જોવા મળશે. આ સિવાય અર્જુન સ્પોર્ટ્સ એક્શન ફિલ્મ ‘ક્રેક’માં જોવા મળશે. આ ફિલ્મમાં વિદ્યુત જામવાલ અને જેકલીન પણ જોવા મળશે.
