મોદીની કોમેન્ટ પર પવન કલ્યાણે મીડિયાને કહ્યું – વડાપ્રધાન હંમેશા મારી સાથે મજાક કરે છે
હજુ કામ કરવાનું બાકી છે, હિમાલય રાહ જોઈ શકે છે: પવન કલ્યાણ
- Advertisement -
ભાજપના રેખા ગુપ્તાએ દિલ્હીના મુખ્યમંત્રી પદે શપથ ગ્રહણ કર્યા. શપથ ગ્રહણ સમારોહમાં વડાપ્રધાન નરેન્દ્ર મોદીએ કાર્યક્રમમાં હાજર રહેલા તમામ NDAના સહયોગીને શુભેચ્છા પાઠવી હતી.
આ દરમિયાન વડાપ્રધાને મહારાષ્ટ્રના નાયબ મુખ્યમંત્રી અને શિવસેના સુપ્રીમો એકનાથ શિંદેને મળ્યા અને આંધ્રપ્રદેશના મુખ્યમંત્રી ચંદ્રબાબુ નાયડુ સાથે પણ ઉષ્માભરી વાતચીત કરી હતી. જેમાં આંધ્રપ્રદેશના નાયબ મુખ્યમંત્રી પવન કલ્યાણનો લુક જોઈને વડાપ્રધાન મોદીએ કહ્યું કે, ‘બધુ છોડીને હિમાલય જવાની તૈયારી છે?’
દિલ્હીમાં મુખ્યમંત્રીનો શપથગ્રહણ સમારોહ સમાપ્ત થયા બાદ જ્યારે પવન કલ્યાણે વડાપ્રધાન મોદી સાથેની વાતચીત અંગે મીડિયામાં જણાવ્યું કે, ‘વડાપ્રધાન હંમેશા મારી સાથે મજાક કરે છે. આજે પણ તેમણે મારા પહેરવેશને લઈને જોઈને તેમણે પૂછ્યું કે, શું બધુ છોડીને હિમાલય જવાની તૈયારી છે?’
- Advertisement -
પવન કલ્યાણ સાદા સરળ કપડા પહેરે છે અને સાદગીભર્યું જીવન જીવે છે. પવન કલ્યાણે વડાપ્રધાનના સવાલ પર જણાવ્યું કે, તે ક્યાંય નથી જઈ રહ્યા. પવન કલ્યાણે કટાક્ષ કર્યો, ’હજુ કામ કરવાનું બાકી છે. હિમાલય રાહ જોઈ શકે છે.’
તાજેતરમાં પવન કલ્યાણ તીર્થયાત્રામાં ગયા હતા. જેમાં તેમણે દક્ષિણ ભારતના મંદિરોની મુલાકાત લીધી હતી અને આ સાથે મહાકુંભ ખાતે સંગમમાં ડુબકી પણ લગાવી હતી.
