દેશમાં APAAR ID જનરેટની કામગીરી ઠપ્પ

વન નેશન વન સ્ટુડન્ટ અંતર્ગત ગુજરાતમાં 58%, રાજકોટમા 68% વિદ્યાર્થીઓનાં જ ID જનરેટ થયા

ખાસ-ખબર ન્યૂઝ રાજકોટ, તા.28
ભારત સરકારના MHRD વિભાગ દ્વારા વન નેશન વન સ્ટુડન્ટ આઈડી પ્રોગ્રામ અંતર્ગત વિદ્યાર્થીઓનું APAAR ID ફરજિયાત બનાવવામાં આવ્યું છે. જેની મદદથી દેશભરમાં અભ્યાસ કરતા તમામ વિદ્યાર્થીઓને એક આઈડેન્ટિફિકેશન નંબર આપવામાં આવે છે. જેમાં વિદ્યાર્થીઓની ધોરણ 1 થી લઇ ઉચ્ચ અભ્યાસ સુધીની તમામ શૈક્ષણિક વિગતો સચવાઈ રહે છે. જે DG લોકરની માફક એજયુ લોકર તરીકે કામ કરે છે. ગુજરાતમાં APAAR IDની કામગીરી છેલ્લા એક વર્ષથી ચાલું છે. રાજ્યમાં અત્યાર સુધીમાં 58.02 ટકા કામગીરી થઈ છે તો રાજકોટ જિલ્લામાં 68.71% કામગીરી થઈ છે. જોકે હાલ APAAR ID જનરેટ કરવાની કામગીરી ઠપ્પ છે. જેનું કારણ એ છે કે આ માટેનું MHRDનું પોર્ટલ બંધ છે. જોકે આ પોર્ટલ શા માટે બંધ છે તે કારણ સામે આવ્યું નથી.

રાજકોટના ઇન્ચાર્જ જિલ્લા શિક્ષણ અધિકારીએ જણાવ્યું હતું કે, APAAR (ઓટોમેટેડ પરમેનેન્ટ એકેડેમી એકાઉન્ટ રજીસ્ટરી) IDમાં દેશભરના તમામ વિદ્યાર્થીઓને એક આઇડેન્ટિફિકેશન નંબર આપવામાં આવે છે. જેમ આપણે આપણા દસ્તાવેજો ડીજી લોકરમાં સાચવી શકે છે તે રીતે વિદ્યાર્થીઓનું એક પ્રકારનું એજ્યું લોકર છે. MHRD (મિનિસ્ટ્રી ઓફ હ્યુમન રિસોર્સ ડેવલપમેન્ટ) વિભાગ દ્વારા APAAR IDજનરેટ કરવા માટેનું પોર્ટલ તૈયાર કરવામાં આવ્યું છે. જેમાં વિદ્યાર્થીઓના અભ્યાસના સમયગાળા દરમિયાનની તમામ વિગતો આવરી લેવામાં આવે છે.

રાજકોટમાં તાલુકાવાઈઝ થયેલી APAAR IDની કામગીરી
બ્લોક નેમ સ્કૂલની વિદ્યાર્થીઓની જનરેટેડ ટકાવારી સંખ્યા સંખ્યા વિદ્યાર્થીઓ
ધોરાજી 132 25767 21476 83.34%
ગોંડલ 267 51129 31792 62.18%
જામકંડોરણા 81 9441 6735 71.34%
જસદણ 224 34523 25229 73.08%
જેતપુર 197 35285 27906 79.09%
કોટડાસાંગાણી 94 18782 12272 65.34%
લોધિકા 87 17145 10360 60.43%
પડધરી 128 21292 13266 62.31%
રાજકોટ 231 40901 27133 66.34%
ઉપલેટા 161 25280 17925 70.91%
રાજકોટ કોર્પો. 930 26917 19096 70.58%
વીંછિયા 134 21526 12832 59.61%

રાજકોટમાં 58% અને રાજ્યમાં 68% કામગીરી પૂર્ણ
ગુજરાતમાં છેલ્લા એક વર્ષથી અઙઅઅછ આઈડીની કામગીરી શરૂ કરવામાં આવી છે. સ્ટેટમાં 58.02 ટકા તો રાજકોટ જિલ્લામાં 68.71% કામગીરી થઈ ચૂકી છે. જોકે હાલ આ કામગીરી વેકેશન શરૂ થયું ત્યારથી એટલે કે 5 એપ્રિલથી બંધ છે. જે માટે APAAR પોર્ટલ અપડેટેશન માટે અથવા જૂના ડેટાને સુવ્યવસ્થિત કરવા માટે તેમજ વેકેશનનો સમયગાળો ચાલી રહ્યો છે ત્યારે આ પોર્ટલ બંધ હોઈ શકે તેવું માનવું છે પરંતુ હોટલ બંધ થવા પાછળનું કોઈ ચોક્કસ કારણ અમારી પાસે નથી. કોઈપણ વિદ્યાર્થી જ્યારે કોઈપણ જગ્યાએ ઉચ્ચ શિક્ષણ માટે જાય ત્યારે APAAR ID નાખે અત્યારે તેનો એજ્યુકેશન રિપોર્ટ સીધો મળી જતો હોય છે. વિદ્યાર્થી પણ પોતાનો આ એજ્યુકેશન રેકોર્ડ અઙઅઅછ આઈડી ની મદદથી કોઈપણ જગ્યાએ બતાવી શકે છે. અઙઅઅછ ઈંઉ કઢાવવા માટે વિદ્યાર્થીઓ APAAR નંબર, વિદ્યાર્થીનું નામ, જન્મ તારીખ, જાતિ, મોબાઈલ નંબર, માતાનું નામ, પિતાનું નામ અને આધારકાર્ડ મુજબનુ નામ સહિતની વિગતો નાખવાની હોય છે. એક વખત APAAR ID નીકળી જાય બાદમા ઉચ્ચ શિક્ષણ સુધીની વિદ્યાર્થીઓની તમામ વિગતો સચવાય રહે છે.