‘જી લે જરા’માં અનુષ્કા-કિયારાની એન્ટ્રી

ફરહાનની ફિલ્મમાં સ્ટારકાસ્ટમાં ઉથલપાથલ

ખાસ-ખબર સંવાદદાતા
ફરહાન અખ્તરની ત્રણ સખીઓ રોડ ટ્રીપ પર નીકળે છે તેવા આઇડિયા પરની ફિલ્મ ’જી લે જરા’ની સ્ટારકાસ્ટમાં ઉથલપાથલ ચાલુ ને ચાલુ જ છે. અગાઉ, પ્રિયંકા ચોપરાએ આ ફિલ્મ છોડી દીધા બાદ હવે કેટરિના કૈફે પણ ઈનકાર કરી દીધો છે.

આ બંનેની જગ્યાએ હવે અનુષ્કા શર્મા તથા કિયારા અડવાણીની એન્ટ્રી થઈ હોવાનું કહેવાય છે. હૃતિક, અભય દેઓલ અને ફરહાન અખ્તરની ફિલ્મ ’જિંદગી ન મિલેગી દોબારા’નાં લેડીઝ વર્ઝન જેવી ફિલ્મ બનાવવાનો આઇડિયા મુૂળ પ્રિયંકા ચોપરાનો જ હતો. તેણે જ ફરહાનને આ આઇડિયા પરથી સ્ટોરી ડેવલપ કરવા જણાવ્યું હતું. પરંતુ, હવે પ્રિયંકા જ આ ફિલ્મનો હિસ્સો નહીં હોય. મૂળ ’જિંદગી ન મિલેગી દોબારા’ માં કેટરિના કૈફ હતી પરંતુ હવે તેનાં ફિમેલ વર્ઝનમાં કેટરિના પણ નહીં હોય.

ફરહાને પ્રિયંકા અને કેટરિનાના સ્થાને અનુષ્કા શર્મા તથા કિયારા અડવાણીનો સંપર્ક કર્યો છે. જો આ બંને અભિનેત્રીઓ તથા આલિયા ભટ્ટની તારીખો સેટ થશે તો આ ફિલ્મ 2024માં ફલોર પર જશે.