અંબાણી પરિવારમાં વધુ એક ‘મેમ્બર’નું થશે આગમન: આકાશ અંબાણીની પત્ની શ્લોકા ફરી બનશે માતા

– એનએમએસીસી ઇવેન્ટમાં આકાશ અંબાણીની પત્ની શ્લોકાનો બેબી બમ્પ દેખાયો

મુકેશ અંબાણી અને નીતા અંબાણીની દીકરી ઈશા અંબાણીએ ટવીન્સ બાળકો આદ્યશક્તિ અને ક્રિષ્નાને જન્મ આપ્યો, ત્યારબાદ હવે આકાશ અંબાણી અને શ્લોકા અંબાણી બીજી વખત માતા-પિતા બનવા જઈ રહ્યા છે

એનએમએસીસી લોન્ચ ઇવેન્ટ પર જ્યારે આકાશ અને શ્લોકા મીડિયા સામે આવ્યા ત્યારે શ્લોકા મહેતા અંબાણી એક સુંદર સાડીમાં જોવા મળી હતી. આ સાડીમાં તેનું બેબી બમ્પ પણ દેખાઇ રહ્યું હતું. આ પહેલી વખત હતું જ્યારે આકાશ અંબાણી અને શ્લોકા મહેતા મીડિયા સામે આવ્યા હોય.

શ્લોકા મહેતાની આ તસવીરો અને વિડીયો સોશિયલ મીડિયા પર વાયરલ થઇ રહ્યો છે. પૃથ્વી અંબાણી(આકાશ અને શ્લોકાનો પહેલુ બાળક) પછી પરિવારમાં વધુ એક નાનકડું મહેમાન આવવા જઈ રહ્યું છે.

મુકેશ અંબાણી અને નીતા અંબાણીની મોટી વહુ શ્લોકા મહેતા ફરીવાર પ્રેગ્નેન્ટ છે. તે ટૂંક સમયમાં પોતાના બીજા બાળકને જન્મ આપશે. તાજેતરમાં જ મુંબઈમાં યોજાયેલી અંબાણી પરિવાર દ્વારા આયોજિત ઇવેન્ટમાં શ્લોકા મહેતા બેબી બમ્પ ફ્લોન્ટ કરતી જોવા મળી હતી.

વાયરલ થયેલી તસવીરો અને વીડિયોમાં જોઈ શકાય છે કે આકાશ અંબાણી લીલા કલરના કુર્તામાં છે અને તેની સાથે પત્ની શ્લોકા અંબાણી સુંદર સાડીમાં જોવા મળી રહી છે. શ્લોકાએ સાડી સાથે ભારે જ્વેલરી પહેરી છે. આ સાથે જ તેનું બેબી બમ્પ ફ્લોન્ટ થઇ રહ્યું છે. ઉલ્લેખનીય છે કે આકાશ અંબાણી અને શ્લોકા મહેતાએ માર્ચ 2019 માં લગ્ન કર્યા અને ડિસેમ્બર 2020માં તેમના પ્રથમ બાળક પૃથ્વીનું સ્વાગત કર્યું.