રાજુલાની મહિલા કોલેજ ખાતે રોજગાર ભરતી મેળો યોજાયો

ખાસ-ખબર સંવાદદાતા
રાજુલા શહેરમા આવેલ શ્રીમતી એચ.બી. સંઘવી મહીલા આર્ટ્સ અને કોમર્સ કોલેજ તથા સેડી સંસ્થાના સંયુક્ત ઉપક્રમે ખાસ મહિલાઓ માટે રોજગાર ભરતી મેળો-2024 નુ આયોજન કરવામાં આવ્યું હતુ. દીપ પ્રાગટ્ય કરી કાર્યક્રમ ખુલ્લો મુકવામા આવ્યો હતો. આ કાર્યક્રમમાં પધારેલા મહેમાનોનું પુસ્તક આપી સન્માન કરાયું હતું. આ ભરતી મેળામાં મહિલાઓને પોતાની આર્થિક સઘરતા માટે તથા સારી નોકરી મળી 2હે તેવા હેતુથી સુંદર ભરતી મેળો યોજાયો હતો. મહીલા કોલેજ ખાતે સતત ત્રણ વર્ષથી ભરતી મેળાનું આયોજન કરવામા આવે છે. જેમા ઓરેન્જ હુન્ડાઇ શોરૂમ, આલ્ફા ઓટો લીંક મારુતિ સુઝુકી-અમરેલી, સંઘવી મહિલા કોલેજ, કઈંઈ વીમા વિભાગ,મહેતા સુપર માર્કેટ, શકિતમાન ઇન્ડસ્ટ્રીસ-રાજકોટ, સદવીચાર હોસ્પિટલ, કાશીબા હોસ્પિટલ, સેડી સંસ્થા તેમજ વિવિધ વિભાગના કર્મચારીઓ દ્વારા ઇન્ટરવ્યુ લેવામા આવ્યાં હતાં. આ તકે સેક્રેટરી બાલકૃષ્ણભાઇ ત્રીવેદી,રવીભાઈ વ્યાસ, કેમ્પસ ડાયરેક્ટર જીગ્નેશભાઈ, આચાર્ય ડો.રીટાબેન રાવળ, સેડી સંસ્થાના પવનકુમાર ચતુર્વેદ તેમજ કોલેજ સ્ટાફગણ તથા વિવિધ કંપનીઓના કર્મચારીઓ હાજર
રહ્યાં હતાં.