વાંકાનેરના વૃદ્ધે વ્હોટ્સએપ્પમાં આવેલી લિન્ક ઓપન કરી અને બેંક ખાતામાંથી 77 હજાર ગાયબ

સાયબર ફ્રોડ અંગે પોલીસે ફરિયાદ નોંધી વધુ તપાસ ચલાવી

ખાસ-ખબર ન્યૂઝ મોરબી

વાંકાનેરના જાલી ગામના 70 વર્ષીય વૃદ્ધને મોબાઈલમાં વોટ્સએપમાં આવેલ લીંક ખોલી ઓપન કર્યા બાદ બેંક ખાતામાંથી બે ટ્રાન્ઝેકશન મારફત રૂપિયા 77 હજારથી વધુ ઉપાડી અજાણ્યા ગઠીયાએ સાયબર ફ્રોડ કર્યાની પોલીસ ફરિયાદ નોંધાઈ છે.

જાલી ગામની સીમમાં રહેતા હૈદરઅલી આહમદ કટિયાએ અજાણ્યા ઇસમ વિરુદ્ધ પોલીસ ફરિયાદ નોંધાવી છે કે ગત તા. 17-03-2025 ના રોજ પોતાના ઘરે હોય ત્યારે રાત્રીના મોબાઈલમાં ટેક્ષ મેસેજ આવતા મેસેજ ખોલીને જોતા વાંકાનેર બેંક ઓફ ઇન્ડિયાના એકાઉન્ટ નંબરમાંથી 48,808 અને 28,920 એમ કુલ રૂ 77,728 ઉપડી ગયાનો મેસેજ હતો વૃદ્ધ ચાર પાંચ દિવસ પૂર્વે જાલી ગામમાં સંબંધીના ઘરે હતા ત્યારે વોટ્સએપમાંથી એક લીંક આવી હતી જે લીંક ઓપન કરી હતી જેના કારણે પૈસા ઉપડી ગયાનું ફરિયાદીનું માનવું છે તમે પણ જણાવ્યું છે યુપીઈ મારફત રૂ 77,728 ની રકમ ઉપડી ગયાની વૃદ્ધે પોલીસ ફરિયાદ નોંધાવી છે વાંકાનેર સીટી પોલીસે સાયબર ફ્રોડની ફરિયાદ નોંધી વધુ તપાસ ચલાવી છે.