ખાસ-ખબર ન્યૂઝ અમરેલી
ભાવનગર રેન્જ આઇ.જી. ગૌતમ પરમારે ભાવનગર રેન્જના જિલ્લાઓમાં રજી.થયેલ અનડીટેક્ટ ગુનાઓ ડીટેક્ટ કરવા સુચના આપી હોય, અમરેલી પોલીસ અધિક્ષક સંજય ખરાતે અમરેલી જિલ્લામાં બનવા પામેલ મિલકત સબંધી ગુનાના આરોપીઓને શોધી કાઢી, તેમના વિરૂદ્ધ કાયદેસર કાર્યવાહી કરવા અને વણશોધાયેલ ગુનાઓ ડીટેક્ટ કરવા અમરેલી એલ.સી.બી. ટીમને માર્ગદર્શન કર્યું છે. જે અન્વયે અમરેલી એલ.સી.બી. પો.ઇન્સ. વી.એમ. કોલાદરાની રાહબરી હેઠળ એલ.સી.બી. ટીમ સાવરકુંડલા ટાઉન વિસ્તારમાં પેટ્રોલીંગ દરમ્યાન બાતમી તેમજ ટેકનીકલ સોર્સ આધારે એક ઇસમને શંકાસ્પદ મોટર સાયકલ સાથે પકડી પાડી, મોટર સાયકલ અંગે પુછ પરછ કરી, ટેકનીકલ રીતે ખરાઇ કરતા, મોટર સાયકલ સુરત, કતારગામ, ગુરૂકૃપા સોસાયટી પાસેથી, હાથી મંદીર, લક્ષ્મીકાંત આશ્રમ રોડ ખાતેથી ચોરી કરેલ હોવાનું જણાય આવતા, સુરત શહેરના સિંગણપોર ડભોલી પોલીસ સ્ટેશનનો અનડીટેકટ ગુનો ડીટેકટ કરવામાં આવ્યો છે. પકડાયેલ આરોપી વિજય લખમણભાઇ રાઠોડ, ઉ.વ.30, રહે.ભુવા, કોળીવાસ, તા.સાવરકુંડલા, જિ.અમરેલી, પાસેથી એક હીરો કંપનીનું પેશન પ્રો મોટર સાયકલ જેના રજી. નં. જી.જે.05.એલ.એસ.5229 (કિ.રૂ.45,000) હસ્તગત કરી આગળની કાર્યવાહી હાથ ધરાઈ છે.
