અમિત શાહે ભારત પોલ કર્યું લોન્ચ, જાણો આવી રીતે કામ કરશે આ ‘દેશી ઇન્ટરપોલ’

ભારતપોલ પોર્ટલ આંતરરાષ્ટ્રીય પોલીસિંગમાં ખૂબ મદદરૂપ સાબિત થશે. આની સૌથી સારી વાત એ છે કે રાજ્યોની પોલીસ આ પોર્ટલની મદદથી કોઈપણ વોન્ટેડ ગુનેગાર અથવા ભાગેડુ અંગે ઈન્ટેલિજન્સ ઈનપુટ માટે ઈન્ટરપોલની સીધી મદદ લઈ શકશે. આ ઉપરાંત વિદેશી કાયદા અમલીકરણ એજન્સીઓ પણ ‘ભારતપોલ’ની મદદથી ભારતીય એજન્સીઓનો સંપર્ક કરીને કોઈપણ ગુનેગાર સંબંધી માહિતી એકઠી કરી શકશે.

કેન્દ્રીય ગૃહમંત્રી અમિત શાહે મંગળવારે સીબીઆઈના ભારતપોલ પોર્ટલની શરૂઆત કરી. ગૃહ મંત્રાલયે ઈન્ટરપોલની તર્જ પર દેશમાં ‘ભારતપોલ’ શરૂ કરી છે. સાયબર ક્રાઈમ, ફાઈનાન્સિયલ ક્રાઈમ, ઓર્ગેનાઈઝ્ડ ક્રાઈમ, હ્યુમન ટ્રાફિકિંગ, ઈન્ટરનેશનલ ક્રાઈમના કેસમાં ભારતપોલ પોર્ટલ દ્વારા તપાસ ઝડપી કરવામાં આવશે અને વાસ્તવિક સમયની માહિતી એકત્ર કરવામાં મદદ મળશે. આ પોર્ટલ સીબીઆઈ હેઠળ કામ કરશે, પરંતુ તેની સૌથી સારી વાત એ છે કે રાજ્યોની પોલીસ કોઈપણ વોન્ટેડ ગુનેગાર અથવા ભાગેડુ અંગે ઈન્ટેલિજન્સ ઈનપુટ માટે આ પોર્ટલની મદદથી ઈન્ટરપોલની સીધી મદદ લઈ શકશે. આ ઉપરાંત વિદેશી કાયદા અમલીકરણ એજન્સીઓ પણ ‘ભારતપોલ’ની મદદથી ભારતીય એજન્સીઓનો સંપર્ક કરીને કોઈપણ ગુનેગાર સંબંધી માહિતી એકઠી કરી શકશે. આ રીતે ‘ભારતપોલ પોર્ટલ’ આંતરરાષ્ટ્રીય પોલીસિંગમાં ખૂબ મદદરૂપ સાબિત થશે.

ભારતપોલના લોન્ચિંગ સમયે પોતાના સંબોધનમાં કેન્દ્રીય ગૃહ પ્રધાન અમિત શાહે કહ્યું, ‘આ લોન્ચિંગ આપણા દેશની કાયદા અમલીકરણ એજન્સીઓની આંતરરાષ્ટ્રીય તપાસને એક અલગ યુગમાં લઈ જશે. એક રીતે જોઈએ તો અત્યાર સુધી ઈન્ટરપોલ સાથે કામ કરવા માટે એક જ એજન્સી હતી. પરંતુ ભારતપોલ શરૂ થયા બાદ ભારતની દરેક એજન્સી, દરેક રાજ્યની પોલીસ પોતાની જાતને ઈન્ટરપોલ સાથે ખૂબ જ સરળતાથી જોડી શકશે અને તેમની તપાસને ઝડપી બનાવી શકશે. અમિત શાહે કહ્યું- કનેક્ટ, નોટિસ, રેફરન્સ, બ્રોડકાસ્ટ અને રિસોર્સ, આ પાંચ ‘ભારતપોલ’ના મુખ્ય મોડ્યુલ હશે, જેના દ્વારા આપણા દેશની તમામ કાયદા અમલીકરણ એજન્સીઓ એક પ્લેટફોર્મ પર આવશે.

તેમણે કહ્યું કે CBIને ભારતપોલ દ્વારા ઉત્તમ ટેકનિકલ પ્લેટફોર્મ મળશે. અમે અન્ય દેશોની એજન્સીઓને તપાસ માટે ખૂબ જ ઝડપથી પુરાવા અને દસ્તાવેજો મોકલી શકીશું અને તેમની પાસેથી ઈનપુટ મેળવી શકીશું. ભારતપોલ અપરાધ નિયંત્રણ માટે અમારી એજન્સીઓ સાથે સીધો અને અસરકારક સંદેશાવ્યવહાર સુનિશ્ચિત કરશે. કેન્દ્રીય ગૃહ પ્રધાન અમિત શાહે જણાવ્યું હતું કે ભારતપોલની મદદથી અમારી એજન્સીઓ રેડ કોર્નર અને અન્ય પ્રકારની નોટિસ જારી કરવા માટે આંતરરાષ્ટ્રીય એજન્સીઓને તેમની વિનંતીઓ ઝડપથી મોકલી શકશે અને આંતરરાષ્ટ્રીય એજન્સીઓ પણ આવી કોઈપણ વિનંતી ભારતને ઝડપથી મોકલી શકશે. સાથે ડિલિવરી કરી શકશે.