ખાસ-ખબર ન્યૂઝ વોશિંગ્ટન, તા.20
અમેરિકાએ 6,000થી વધુ ઈન્ટરનેશનલ સ્ટુડન્ટના વિઝા રદ કર્યા છે. તપાસમાં જાણવા મળ્યું છે કે તેમાંથી કેટલાકે કાયદાનું ઉલ્લંઘન કર્યું હતું, કેટલાકે તેમના વિઝાની મુદત પૂરી કરી હતી, જ્યારે કેટલાક ગંભીર ગુનાઓમાં સંડોવાયેલા હતા.
અમેરિકામાં રદ કરાયેલા 6000 વિઝામાંથી લગભગ બે તૃતીયાંશ એટલે કે લગભગ 4000 વિઝા ધારકો ગુનાઓમાં સંડોવાયેલા હતા. જેમાં હુમલો, ચોરી અને નશામાં વાહન ચલાવવાનો સમાવેશ થાય છે.
યુએસ સ્ટેટ ડિપાર્ટમેન્ટે પુષ્ટિ આપી છે કે કેટલાક કેસ આતંકવાદ સાથે પણ જોડાયેલા હતા. 2023-24માં 11 લાખથી વધુ વિદેશી વિદ્યાર્થીઓ અમેરિકન કોલેજોમાં અભ્યાસ કરી રહ્યા હતા.
સરકાર ચિંતિત છે કે કેટલાક લોકો સ્ટુડન્ટ વિઝાનો દુરુપયોગ કરી રહ્યા છે. તેથી જ વિઝા નિયમોની ચકાસણી વધુ કડક બનાવવામાં આવી રહી છે.
અમેરિકન સ્ટેટ ડિપાર્ટમેન્ટના અધિકારીઓનું કહેવું છે કે આ કાર્યવાહીમાં ભારતીય વિદ્યાર્થીઓની સંખ્યા પણ ઓછી નથી. દર વર્ષે ભારતમાંથી હજારો વિદ્યાર્થીઓ ઉચ્ચ શિક્ષણ માટે અમેરિકા જાય છે, અને આ પગલું તેમના માટે ચિંતાનો વિષય બની શકે છે.
આ નિર્ણય બાદ ભારતીય વિદ્યાર્થીઓ અને તેમના પરિવારોમાં ચિંતા વધી ગઈ છે. અમેરિકામાં અભ્યાસ કરતા વિદ્યાર્થી સંગઠનોનું કહેવું છે કે વહીવટીતંત્રે આવા કિસ્સાઓમાં સ્પષ્ટતા અને પારદર્શિતા જાળવી રાખવી જોઈએ જેથી નિર્દોષ વિદ્યાર્થીઓને મુશ્ર્કેલીઓનો સામનો ન કરવો પડે.
આતંકવાદ સંબંધિત મુદ્દાઓને કારણે અમેરિકાએ 200 થી 300 સ્ટુડન્ટ વિઝા રદ કર્યા છે. આ વિઝા ઇમિગ્રેશન અને નેશનલિટી એક્ટની કલમ હેઠળ રદ કરવામાં આવ્યા હતા જે આતંકવાદ અને સુરક્ષા સાથે સંબંધિત છે. આ કેસોની વિગતો જાહેર કરવામાં આવી નથી.
અધિકારીઓનું કહેવું છે કે આ ઘટનાઓ માત્ર અમેરિકન કાયદાઓનું ઉલ્લંઘન કરતી નથી પરંતુ કોલેજ કેમ્પસ અને સામાન્ય લોકોની સલામતી માટે પણ ખતરો ઉભો કરે છે. અમેરિકન સરકાર ઈન્ટરનેશનલ વિદ્યાર્થીઓને વિઝા આપવાની પ્રક્રિયા સતત કડક બનાવી રહી છે. થોડા દિવસો પહેલા, અમેરિકન વિદેશ વિભાગે 2 સપ્ટેમ્બરથી વિઝા ડ્રોપ બોક્સ સુવિધા એટલે કે ઇન્ટરવ્યૂ વેવર પ્રોગ્રામ (ઈંઠઙ) બંધ કરવાની જાહેરાત કરી છે.
હવે, ઇં-1ઇ, ક1 અને ઋ1 જેવા નોન-ઇમિગ્રન્ટ વિઝા માટે મોટાભાગના અરજદારોએ યુએસ એમ્બેસી અથવા કોન્સ્યુલેટમાં જઈને ઇન્ટરવ્યુ માટે હાજર રહેવું પડશે.
ડ્રોપ બોક્સ સુવિધા સાથે, અરજદારો ફક્ત દસ્તાવેજો સબમિટ કરીને ઇન્ટરવ્યૂ વિના વિઝા મેળવી શકતા હતા. હવે ફક્ત ડિપ્લોમેટિક અને ઓફિશિયલ વિઝા ધારકો જેવી ચોક્કસ કેટેગરીઓ જ ઇન્ટરવ્યૂ વિના વિઝા માટે અરજી કરી શકશે.
2022માં 3.20 લાખ ઇં-1ઇ વિઝામાંથી 77% અને 2023માં 3.86 લાખ ઇં-1ઇ વિઝામાંથી 72.3% ભારતીયોને મળ્યા હતા. હવે આ નિર્ણયથી ભારતીય ટેક કર્મચારીઓ પર મોટી અસર થવાની ધારણા છે.
અમેરિકાના વિદેશ સચિવ માર્કો રુબિયોએ 3 મહિના પહેલા વિદેશી વિદ્યાર્થીઓ માટે નવા વિઝા ઇન્ટરવ્યુ પર પ્રતિબંધ મૂક્યો હતો. તેમના આદેશનો હેતુ દેશની યુનિવર્સિટીઓમાં યહૂદી વિરોધી અને ડાબેરી વિચારોને રોકવાનો હતો.
ટ્રમ્પ વહીવટીતંત્ર અમેરિકા આવતા વિદ્યાર્થીઓના સોશિયલ મીડિયા પ્રોફાઇલની ચકાસણી કડક કરવા જઈ રહ્યું હોવાથી, રૂૂબિયોએ વિશ્ર્વભરના યુએસ દૂતાવાસોને વિદ્યાર્થી વિઝા માટે નવા ઇન્ટરવ્યુ શેડ્યૂલ ન કરવાનો આદેશ જારી કર્યો હતો.
તેમણે વધુમાં કહ્યું – તાત્કાલિક અસરથી, કોન્સ્યુલર વિભાગે વધુ ગાઈડલાઈન જાહેર ન થાય ત્યાં સુધી વિદ્યાર્થી અથવા એક્સચેન્જ વિઝિટર (ઋ, ખ અને ઉં) વિઝા માટે નવી નિમણૂકોની મંજૂરી આપવી જોઈએ નહીં.
અગાઉથી નક્કી કરાયેલા ઇન્ટરવ્યુ થઈ શકે છે, પરંતુ યાદીમાં નવી નિમણૂકો ઉમેરવી જોઈએ નહીં. આ પ્રતિબંધ ઋ, ખ અને ઉં વિઝા કેટેગરીઓને લાગુ પડે છે, જે મોટાભાગના આંતરરાષ્ટ્રીય વિદ્યાર્થીઓ અને એક્સચેન્જ મુલાકાતીઓને આવરી લે છે.
