પાકિસ્તાનના સંરક્ષણ પ્રધાન ખ્વાજા આસિફના અમેરિકા અંગેના નિવેદનથી ખળભળાટ
પાકિસ્તાનના સંરક્ષણ મંત્રી ખ્વાજા આસીફનો એક વીડિયો વાયરલ થયો હતો, જેમાં તેઓએ અમેરિકા પર આકરા પ્રહારો કર્યા હતા અને કહ્યું હતું કે બે દેશો વચ્ચે યુદ્ધ કરાવીને અમેરિકા પોતાના હથિયારો વેચીને કરોડો ડોલર કમાય છે.
- Advertisement -
‘અમેરિકા પોતાનો GDP વધારવા માટે વિશ્વમાં યુદ્ધો કરાવે છે’
તેમણે વધુમાં કહ્યું કે અમેરિકા હજુ પણ આ યુદ્ધોમાંથી પૈસા કમાઈ રહ્યું છે. અમેરિકા પાસે લશ્કરી ઉદ્યોગ અને તેના કોમ્પલેક્સ છે. આ તેમના GDPનો મુખ્ય ભાગ છે અને તેથી તેમને તેમના GDP વધારવા માટે યુદ્ધો લડવા પડે છે.
- Advertisement -
શું બોલ્યાં ખ્વાજા આસિફ?
પાકિસ્તાનના સંરક્ષણ મંત્રી ખ્વાજા આસિફનો એક વીડિયો સોશિયલ મીડિયા પ્લેટફોર્મ X પર વાયરલ થઈ રહ્યો છે, જેમાં તેમણે અમેરિકા પર ગંભીર આરોપો લગાવ્યા છે. આસિફનો આ વીડિયો ઇન્સ્ટાગ્રામ પર શેર કરવામાં આવ્યો છે. જેમાં તેમણે અમેરિકા પર છેલ્લા 100 વર્ષથી વિશ્વભરમાં યુદ્ધો ભડકાવીને તેના શસ્ત્રોના વેપારને પ્રોત્સાહન આપવાનો સીધો આરોપ લગાવ્યો છે. તેમના આ નિવેદનથી ઇન્ટરનેટ પર હોબાળો મચી ગયો છે.
અમેરિકા યુદ્ધ ભડકાવીને કમાણી કરે છે
ખ્વાજા આસિફે વીડિયોમાં કહ્યું, ‘અમેરિકાએ છેલ્લા 100 વર્ષમાં 260 યુદ્ધો લડ્યા છે, જ્યારે ચીન ફક્ત ત્રણમાં સામેલ હતું. અમેરિકા પૈસા કમાવાતું રહે છે, તેનો શસ્ત્ર ઉદ્યોગ વિશાળ છે અને તેના અર્થતંત્રનો મહત્ત્વપૂર્ણ ભાગ છે. એટલા માટે તે દુનિયાભરમાં સંઘર્ષ સર્જતું રહે છે. અફઘાનિસ્તાન, સીરિયા, ઇજિપ્ત, લિબિયા જેવા દેશો, જે એક સમયે સમૃદ્ધ હતા, હવે યુદ્ધો લડીને ગરીબ બની ગયા છે.
પાકિસ્તાની મંત્રીએ દાવો કર્યો છે કે અમેરિકા યુદ્ધોમાં બંને પક્ષોને ટેકો આપીને તેના શસ્ત્ર ઉદ્યોગને ધમધમતો રાખે છે, જેને તેઓ ‘સ્થાપિત ઉદ્યોગ’ માને છે.
આસિફના નિવેદન અંગે સોશિયલ મીડિયામાં ચર્ચા
ખ્વાજા આસિફના આ નિવેદન પર સોશિયલ મીડિયા પર અલગ-અલગ પ્રતિક્રિયાઓ આવી રહી છે. કેટલાક લોકો તેમના નિવેદનની ટીકા કરી રહ્યા છે. તો કેટલાક લોકો પૂછી રહ્યા છે કે જ્યારે પાકિસ્તાનને F-16 ફાઇટર જેટ ખરીદવામાં અને અમેરિકા પાસેથી આર્થિક મદદ લેવામાં કોઈ વાંધો નથી, તો પછી હવે અમેરિકા પર આંગળી કેમ ઉઠાવે છે? તો X પર એક યુઝરે કટાક્ષમાં લખ્યું છે કે, ‘અમેરિકાને દોષ આપવો સહેલો છે, પરંતુ તેમનો પોતાનો દેશ એ જ અમેરિકા પાસેથી F-16 ખરીદવામાં ખુશ છે.’
રસપ્રદ વાત એ છે કે, કેટલાક લોકો આસિફના નિવેદનના મૂળ વિચાર સાથે સંમત હતા, પરંતુ તેમણે તેમની બેવડી વાત સામે પણ સવાલ ઉઠાવ્યા હતા. એક યુઝરે લખ્યું, ‘સામાન્ય રીતે આ વ્યક્તિ બકવાસ કરે છે, પણ આ બાબતે સાચો છે.’
‘અમેરિકાએ અફઘાનિસ્તાન, સીરિયા અને લિબિયાને બરબાદ કરી દીધા’
ખ્વાજા આસિફે કહ્યું કે, અમેરિકા હંમેશા બે દેશો વચ્ચે યુદ્ધ ઉશ્કેરે છે અને તેમાંથી પૈસા કમાય છે. ઉદાહરણો આપતાં તેમણે કહ્યું કે અફઘાનિસ્તાન, સીરિયા અને લિબિયામાં યુદ્ધો અમેરિકાએ લડ્યા હતા. આ દેશો પહેલા ખૂબ જ સમૃદ્ધ હતા અને હવે ત્યાં બધું બરબાદ થઈ ગયું છે. આ દેશોને હવે બેંક કરપ્ટ જાહેર કરવામાં આવ્યા છે.
પાકિસ્તાનના સંરક્ષણ પ્રધાને કહ્યું કે અમેરિકા તેના લશ્કરી ઔદ્યોગિક સંકુલને ફાયદો પહોંચાડવા માટે યુદ્ધોમાં બંને પક્ષોની ભૂમિકા ભજવે છે. તેમણે યુએસ સંરક્ષણ ક્ષેત્રની તુલના એક આર્થિક મશીન સાથે કરી જે અરાજકતા અને અસ્થિરતા પર ચાલે છે.
પાકિસ્તાનના સંરક્ષણ મંત્રી ખ્વાજા આસીફ આ વીડિયોમાં કહી રહ્યા છે કે અમેરિકા યુદ્ધો પેદા કરે છે, આ કામ તે છેલ્લા 100 વર્ષથી કરતુ આવ્યું છે. અમેરિકાએ આશરે 260 જેટલા યુદ્ધો લડયા છે. ક્યારેક આ દેશને અન્ય દેશ સાથે લડાવી દે છે. બે દેશો વચ્ચે યુદ્ધ કરાવીને અમેરિકા બાદમાં મોટી કમાણી કરે છે. પાક.ના સંરક્ષણ મંત્રી વધુમાં કહી રહ્યા છે કે અમેરિકાએ યુદ્ધો કરાવીને કમાણી કરી છે જેના અનેક ઉદાહરણો છે. અમેરિકાએ આવુ સીરિયા, ઇજિપ્ત, લિબિયા સહિતના અનેક દેશો સાથે કર્યું છે. પાકિસ્તાનના સંરક્ષણ મંત્રીનું આ નિવેદન એવા સમયે સામે આવી રહ્યું છે જ્યારે આ મહિને જ ભારત અને પાકિસ્તાન વચ્ચે ભારે ઘર્ષણ થયું હતું. અગાઉ પાક.ના સંરક્ષણ મંત્રી પોતાના દેશમાં આતંકવાદ માટે પશ્ચિમી દેશોને જવાબદાર ઠેરવી ચુક્યા છે. ખ્વાજા આસીફનો આ વીડિયો સોશિયલ મીડિયા પર વાયરલ થઇ રહ્યો છે.
