ગોંડલ તાલુકા ભાજપ પ્રમુખ – ઉપપ્રમુખના ચારિત્ર્ય પર આક્ષેપો: બન્ની ગજેરા સામે ત્રણ ગુના નોંધાયા

અશ્ર્વિન ઠૂંમર અને વિશાલ ખૂંટ અલ્પેશના મિત્ર છે, કામના બ્હાને મહિલાઓને ફસાવી ઉપયોગ કરે છે

આક્ષેપ કરતો વિડીયો ફેસબુકમાં અપલોડ કર્યો : સુલતાનપુર, ગોંડલ તાલુકા, જેતપુર તાલુકા પોલીસમાં ગુના

11 લાખ આપો તો અલ્પેશના વિડીયો બંધ થશે : ‘મારો તો આજ ધંધો છે’ કહી જેતપુરના ઉદ્યોગપતિને ધમકી આપી

ખાસ-ખબર ન્યૂઝ ઈં ગોંડલ

ગોંડલ તાલુકા ભાજપ પ્રમુખ-ઉપપ્રમુખના ચારિત્ર્ય પર આક્ષેપો કરતાં વિડીયો ફેસબુકમાં અપલોડ કરનાર જેતપુરના ભાવેશ ઉર્ફે બન્ની ગજેરા સામે વધુ ત્રણ ગુના નોંધાયા છે. પ્રમુખ અશ્વિન ઠૂંમર અને ઉપ પ્રમુખ વિશાલ ખૂંટ અલ્પેશ ઢોલરીયાના મિત્ર છે, કામના બહાને મહિલાઓને ફસાવી ઉપયોગ કરે છે તેવો આક્ષેપ થતાં તેમજ 11 લાખ આપો તો વિડીયો બંધ કરીશ તેમ કહી એક ઉધ્યોગપતિને ધમકી આપતા સુલતાનપુર, ગોંડલ તાલુકા અને જેતપુર તાલુકા પોલીસ મથકમાં ગુના નોંધાયા છે.

બનાવ અંગે ગોંડલના ધૂળસીયા ગામે રહેતાં અશ્વિનભાઇ છગનભાઇ ઠુંમર ઉ.44એ જેતપુરના મોટા ગુંદાળા ગામના ભાવેશ ઉર્ફે બન્ની ગોરધન ગજેરા સામે સુલતાનપુર પોલીસ મથકમાં નોંધાવેલ ફરીયાદમાં જણાવ્યું હતું કે પોતે ખેતીકામ કરી પરીવારનું ગુજરાન ચલાવે છે તે પટેલ સમાજમાં કોઇ સામાજિક, ધાર્મિક અને રાજકિય પ્રસંગો હોય તો તેમાં હાજર રહી સેવાકીય પ્રવ્રુતિમાં ભાગ લે છે અને ગોંડલ તાલુકા ભાજપ પ્રમુખ તરીકે તેમજ ધુડસીયા ગ્રામ પંચાયતમાં સરપંચ તરીકે સેવા આપે છે.

ગઈ તા.18/04ના સાંજે ઘરે હતાં ત્યારે મોબાઇલમાં ભાવિન ઉર્ફે બન્ની ગજેરાએ સોશિયલ મિડીયા પર તેના ફેસબુક એકાઉન્ટમાં વિડીયો અપલોડ કરેલ તે જોતા જેમાં ગોંડલ તાલુકાનાં ભાજપ પ્રમુખ તરીકે તે હોય જેથી તેઓ અને ગોંડલ તાલુકાના ભાજપ ઉપપ્રમુખ વિશાલભાઇ ખુંટ તે અલ્પેશભાઈ ઢોલરીયાના ખાસ માણસ છે, તે વિશાલ ખુંટ અને અશ્વિન ઠુંમર બન્ને મિત્ર છે વિશાલ ખુંટનો એક મિત્ર અમેરિકા છે તેના લગ્ન બાદ તે અમેરિકા રહે છે અને તેની પત્ની અહિંયા રહે છે, જેથી અમેરિકાવાળા મિત્રની પત્નીને કાંઇ કામ પડે કે વિઝા પાસપોર્ટ કે ટિકીટ બૂકીંગ કાંઈ કરવું હોય તો તે વિશાલ ખુંટને કહે છે, વિશાલ ખુંટે ત્રણેક કાર્યક્રમો કરી તેના મિત્રની ઘરવાળીને પરસ્ત્રી નિગમ થય ગયુ, ત્યારબાદ વિશાલ ખુંટનું મન ઉતરી ગયું અને એક શાક ન ભાવે ચાર-પાંચ શાક ભાવતા હોય એટલે વિશાલે તેના મિત્રની ઘરવાળીને પાસઆઉટની વાત કરેલ હતી, અને ફરિયાદીએ તેનો ઉપયોગ કર્યો તેવુ પણ આ બોલે છે તેમજ ગામની બાયુને આ લોકો મુકતા નથી જેવા અનેક આળ મુકતો વિડીયો સોશિયલ મિડીયામા આવતા અમારા ધ્યાન પર આવેલ છે, આ વિડીયોમાં સમાજની અને તેઓના મિત્રના મિત્રની ઘરવાળીના ચારિત્ર ઉપર આળ મુકી પ્રથમ તેના મિત્રને બાદ તેઓની સાથે અનૈતીક સંબંધો હોવા અંગે વિડીયો વાયરલ કરી સમાજમાં બદનામી થયેલ હોય જેથી ફરીયાદ નોંધાવી હતી.

જ્યારે ભાવેશ ઉર્ફે બન્ની ગોરધન ગજેરા સામે બીજી ફરીયાદ ગોંડલ તાલુકા પોલીસ મથકમાં ગોંડલના દેવચડી ગામના વિશાલભાઇ ભીખાભાઈ ખુંટ ઉ.38એ નોંધાવી છે જેમાં જણાવ્યું હતું કે, તેઓ ગોંડલ તાલુકા ભાજપ પક્ષમા તાલુકા ઉપપ્રમુખ તરીકે સેવા આપે છે. ગઇ તા.18/04/2025 ના તેઓ ઘરે હતાં ત્યારે તેમના ભાઈએ કહેલ કે, સોશિયલ મીડીયામાં ભાવિન ઉર્ફે બન્ની ગજેરાએ એક વીડીયો ફેસબુક ઉપર અપલોડ કરેલ છે જેમા તમારૂ અલ્પેશ ઢોલરીયા તથા અશ્વિનભાઈ ઠૂંમર બાબતે ખરાબ ભાષા બોલે છે તેમ વાત કરતા ફેસબુકમાં જોતા ભાવિન ઉર્ફે બન્નીએ વિડીયો અપલોડ કરેલ હોય જેમા ગોંડલ તાલુકા ભાજપ પ્રમુખ અશ્વિન ઠુંમર તેમજ તેઓ અલ્પેશના ખાસ માણસ છે.

વિશાલ ખુંટ અને અશ્વિન ઠુંમર બન્ને મિત્ર છે વિશાલ ખુંટનો એક મિત્ર અમેરીકા છે, તેના લગ્ન થયા બાદ તે અમેરીકા અને તેની પત્ની અહીંયા એટલે તેની ઘરવાળીને કોઈ વિઝાનુ કામ હોય કે પાસપોર્ટ કે ટીકીટ બુકીંગનુ કામ હોય તો તે વિશાલ ખુંટને કહે અને વિશાલ ખુંટે ત્રણ એવા કાર્યક્રમો કરી તેને ફસાવી એટલે વિશાલ ખુંટ અને તેના મિત્રની ઘરવાળીને પરસ્ત્રી નિગમ થઇ ગયુ ત્યારબાદ વિશાલ ખુંટનુ મન ઉતરી ગયુ એટલે તેને તેના મિત્રની ઘરવાળીને અશ્વિન ઠુંમરને પાસ આઉટ કરેલ અશ્વિનભાઇ ઠુંમરે તેનો ઉપયોગ કરી હતી, ગામની બાયુંને આ લોકો મુકતા નથી તેવી આળ મુકતો વિડીયો સામે આવતાં ફરીયાદ નોંધાવી હતી.

બનાવ અંગે ગોંડલના ચરખડી ગામે રહેતાં અતુલકુમાર વિનોદરાય માવાણી ઉ.39 જેતપુર તાલુકા પોલીસ મથકમાં નોંધાવેલ ત્રીજી ફરિયાદમાં જણાવ્યું હતું કે, તેને સાડીનું કારખાનું છે તેમજ સમાજના કાર્યકર્તા તરીકે કામ કરે છે ગઇ તા.23/03/2025ના ગોંડલ ખાતે પાટીદાર સમાજ તથા ક્ષત્રિય સમાજ એક સંયુક્ત પ્રેસ કોફોરન્સ યોજેલ હતી જેમાં ગોંડલમાં એક પાટીદાર યુવાન તથા ક્ષત્રિય સમાજના યુવાન વચ્ચે માર-મારેલનો બનાવ બનેલ જે બનાવનો વિડીયો વાયરલ થયેલ હતો જે અંગે સમાજના અમુક માણસો ખોટી અફવાઓ ફેલાવી બંન્ને સમાજને ગેરમાર્ગે દોરતા હોય જેથી પાટીદાર સમાજ તથા ક્ષત્રિય સમાજ વચ્ચે કોઇ ગેરસમજ ના થાય તે માટે પ્રેસ કોન્ફોરન્સ યોજેલ હતી, જે પ્રેસ કોન્ફોરન્સ બાદ સોશીયલ મિડીયા ફેસબુકમાં સમાજના આગેવાનો વિરૂધ્ધ ભાવિન ઉર્ફે બન્ની ગજેરાએ તે પ્રેસ કોન્ફોરન્સ અંગે વિડીયો બનાવી સમાજના આગેવાનોને સમાજમાં બદનામ કરવાના ઇરાદે અભદ્ર ટીપ્પણીઓ કરી વીડીયો બનાવી સોશીયલ મિડીયામાં છેલ્લા ઘણા દિવસથી વાયરલ કરતો હતો જેથી સમાજમાં કોઈ ગેરસમજ ઉભી ન થાય અને આગેવાનોની બદનામી ના થાય.

જેથી ગઈ તા.24/03/2025 ના તેઓ મિત્ર રાકેશભાઇ કટારીયા, વિવેકભાઇ ચનીયારા તેઓની સ્કોર્પીયો ગાડીમાં ગોંડલથી બપોરના ધોરાજી પી.વી.સી. પાઈપ લેવા માટે નીકળેલ હતા. તે વખતે મોટા ગુંદાળા ગામે બ્રીજ પાસે પહોંચતા ત્યાં ભાવીન બન્ની ગજેરા ઉભો હોય જેથી તેની પાસે અમારી ગાડી ઉભી રાખી, ત્રણેય નીચે ઉતરી ભાવીન ઉર્ફે બન્ની પાસે જઇ તેને કહેલ કે, તું આ અલ્પેશભાઇ ઢોલરીયા વિશે સોશિયલ મીડીયામાં જે વીડીયા વાયરલ કરે છે તે સારૂ નથી લાગતું. અલ્પેશ ઢોલરીયા આપણા સમાજના પ્રતિષ્ઠિત આગેવાન છે. તે જીલ્લા ભાજપ પ્રમુખ, ગોંડલ માર્કેટીંગ યાર્ડના ચેરમેન છે જેથી તું સોશીયલ મીડીયામાં તેના વીડીયો ન મુક તેમ સમજાવેલ તો આ ભાવીન ઉર્ફે બન્ની ગજેરા ત્રણેયને કહેવા લાગેલ કે, આ બધુ બંધ કરવું હોય, તો રૂપીયા 11 લાખ આપો તો હું આ સોશીયલ મીડીયામાં વીડીયો વાયરલ કરવાનું બંધ કરી દઉં નહિતર તો હું આવા વીડીયો બનાવી વાયરલ કરવાનું ચાલુ રાખીશ મારે સમાજ સાથે કાઇ લેવા દેવા નથી મારે રૂપિયા જોઈએ જો હોય તો બોલો નહિતર મારે કોઈ વાત કરવી નથી.

જેથી તેને સમજાવેલ કે, સમાજની બદનામી કરો છો અને રૂપિયાની પણ માંગણી કરો છો તે સારૂ ન કહેવાય જેથી તે બોલવા લાગેલ કે, મારે આ બાબતે પૈસા સિવાય વધુ કોઈ વાત કરવી નથી અને મારો તો આ જ ધંધો છે અને હવે તો આનાથી ખરાબ ભાષાના વીડીયો બનાવવાનું ચાલુ રહેશે તેમ કહી કહેલ કે, હવે તમે અહિયા થી જતા રહો બીજી વખત આ બાબતે મારી પાસે આવશો તો મજા નહી રહે અને જો મને કર્યાય નડશો તો તમને ખોઈ નાખવા પડશે તેમ ધમકી આપી ગાળો બોલવા લાગેલ તેમજ અલ્પેશભાઈ ઢોલરીયા વિશે પણ અપશબ્દો બોલવા લાગેલ હતો. તેમજ કહેલ કે, હવે તો તારા પણ ફોટા તથા વીડીયો બનાવી સોશીયલ મીડીયામાં વાયરલ થશે અને તને પણ બદનામ કરી નાખીશ તેમ ધમકી આપેલ હતી.