અગાભી પીપળિયા ગામેથી થર્ટી ફર્સ્ટની ઉજવણી માટે મંગાવેલા દારૂ-બિયરનાં જથ્થા સાથે એક ઝડપાયો

ખાસ-ખબર સંવાદદાતા
મોરબી જીલ્લામાં 31 ડીસેમ્બરની ઉજવણી શાંતીપૂર્ણ રીતે થાય તે અનુસંધાને પ્રોહીબીશન-જુગારની પ્રવૃતિઓ અટકાવવા મોરબી એલસીબી ટીમ કાર્યરત છે ત્યારે સ્ટાફને બાતમી મળી હતી કે, યોગીરાજસિંહ ગીરીરાજસિંહ જાડેજા (રહે. અગાભી પીપળીયા, તા. વાંકાનેર, જી. મોરબી) એ અગાભી પીપળીયા ગામની સીમમાં સાજડીયા તરીકે ઓળખાતી સીમમાં આવેલ પોતાના કબજા ભોગવટાવાળી વાડીમાં ઈંગ્લીશ દારૂનો જથ્થો ઉતારેલ છે જે બાતમીને આધારે એલસીબી ટીમે રેઈડ કરતા આરોપી યોગીરાજસિંહ ગીરીરાજસિંહ જાડેજા વિદેશી દારૂ તથા બીયરના ટીન મળી 216 બોટલો (કિં. રૂ. 73,100) તેમજ પાંચ હજારની કિંમતનો એક મોબાઇલ ફોન મળી કુલ રૂ. 78,100 ના મુદામાલ સાથે મળી આવતા તેના વિરૂધ્ધ વાંકાનેર તાલુકા પોલીસ સ્ટેશન ખાતે પ્રોહીબીશન ધારા તળે ગુનો નોંધાવી આગળની કાર્યવાહી કરી હતી. આ દારૂ પ્રકરણમાં ડાડામીયા ઉર્ફે રાજુબાપુ ભાઉદીનપૌત્રા (રહે. હડાળા, તા. જી. રાજકોટ) નું નામ ખુલતા પોલીસે તેને ઝડપી લેવા તપાસ હાથ ધરી છે.