શાહરુખ ખાનનું સૉલિડ સાઉથ કનેક્શન, નયનતારા બાદ ‘જવાન’માં જોમ પુરશે આ સુપરસ્ટાર

વિજય છેલ્લી વખત લોકેશ કાનારાજની વિક્રમ વેધામાં દેખાયા હતા. વિક્રમમાં તેમની સાથે કમલ હાસન અને ફહાદ ફાસિલ પણ હતા.

ફિલ્મ જવાનમાં સાઉથના વધુ એક સુપરસ્ટારની થશે એન્ટ્રી

વિજયના આગામી પ્રોજેક્ટની વાત કરીએ તો તેઓ ડાયરેક્ટર શ્રીરામ રાઘવનની આગામી ફિલ્મ મેરી ક્રિસમસમાં કેટરીના કૈફની સામે જોવા મળશે. બોલીવુડના સુપરસ્ટાર શાહરૂખ ખાન અત્યારે ચર્ચામાં છવાયા છે. અભિનેતા એક બાદ એક ત્રણ મોટી ફિલ્મોની જાહેરાત કરી ચૂક્યા છે. થોડા દિવસ પહેલા સાઉથ ડાયરેક્ટર એટલીની ફિલ્મ જવાનનુ પોસ્ટર રીલીઝ થયુ હતુ. આ ફિલ્મમાં શાહરૂખનો લુક જોઇને પ્રશંસકો હેરાન રહી ગયા હતા. તો હવે અહેવાલ આવી રહ્યાં છે કે આ ફિલ્મમાં સાઉથના વધુ એક સુપરસ્ટારની એન્ટ્રી થઇ રહી છે.

વિજય સેતુપતિની થશે એન્ટ્રી

જવાન ફિલ્મમાં શાહરૂખ ખાનની સાથે વિજય સેતુપતિ પણ મુખ્ય રોલમાં જોવા મળશે. આની પહેલા કહેવાઈ રહ્યું હતુ કે બાહુબલી ફેમ રાણા દગ્ગુબાતી પણ ફિલ્મમાં કાસ્ટ થવાના છે. વિજયને ફિલ્મમાં રાણાના વિલનના કેરેક્ટરમાં રિપ્લેસ કર્યો છે. વિજયની ટીમે આ વાતની માહિતી આપી છે.

This is to clarify that #VijaySethupathi sir is doing a negative role only in #ShahRukhKhan sir's Jawan at this point and that he is not playing a negative role in any other Telugu projects as is being speculated.@VijaySethuOffl pic.twitter.com/Dkh2ViQSuy

— Yuvraaj (@proyuvraaj) August 13, 2022

ટ્વિટર પર આપવામાં આવી માહિતી

ટ્વિટર પર પોસ્ટ કરીને લખવામાં આવ્યું, વિજય સેતુપતિ કોઈ સાઉથ ફિલ્મમાં નેગેટીવ રોલ કરી રહ્યાં નથી. તમને સ્પષ્ટતા કરીએ કે વિજય સર માત્ર શાહરૂખ ખાનની ફિલ્મ જવાનમાં નેગેટિવ રોલ કરવાના છે. તેલુગુ ફિલ્મ માટે અફવા ફેલાઈ રહી છે, એવુ કશું નથી.