એડ ગુરુ સિલ્વેસ્ટર દાકુન્હાનું મુંબઇમાં નિધન થયું: અમૂલની અટરલી બટરલી ગર્લને ઘરે- ઘરે ફેમસ બનાવી

અમૂલની અટરલી બટરલી ગર્લને ઘરે ઘરે ફેમસ કરનાર સિલ્વેસ્ટર દાકુન્હા (Sylvester daCunha) હવે આપણી વચ્ચે નથી રહ્યા. 80 વર્ષની વયે એડ ગુરુ સિલ્વેસ્ટર દાકુન્હાનું નિધન થયું છે.

અમૂલ ગર્લ(Amul Girl)ને આપણે બધા જાણીએ છીએ. અમૂલ ગર્લને ઘરે ઘરે ફેમસ કરનાર સિલ્વેસ્ટર દાકુન્હા (Sylvester daCunha) હવે આપણી વચ્ચે નથી. 80 વર્ષની વયે એડ ગુરુ સિલ્વેસ્ટર દાકુન્હાનું નિધન થયું છે. જણાવી દઈએ કે વિશ્વની સૌથી સફળ જાહેરાતોમાંની એક અમૂલ બનાવનાર સિલ્વેસ્ટર દાકુન્હાએ મંગળવારે અંતિમ શ્વાસ લીધા છે. નોંધનીય છે કે એમને અમૂલની અટરલી બટરલી ગર્લ ડિઝાઇન કરી અને તેને વિશ્વભરમાં પ્રખ્યાત કરી છે.

Sylvester daCunha, man behind Amul's 'Utterly Butterly' girl, passes away

Read @ANI Story | https://t.co/AUt7agV0A5#SylvesterdaCunha #Amul #UtterlyButterly pic.twitter.com/gfgkNmcnOk

— ANI Digital (@ani_digital) June 22, 2023

- Advertisement -

કોણ હતા સિલ્વેસ્ટર દાકુન્હા?
સિલ્વેસ્ટર દાકુન્હા 80 વર્ષના હતા જ્યારે તેમણે દુનિયાને અલવિદા કહ્યું હતું. તેમના પરિવારમાં તેમની પત્ની નિશા અને પુત્ર રાહુલ દાકુન્હા છે. સિલ્વેસ્ટર દાકુન્હા ગેર્સન દાકુન્હાના ભાઈ હતા. સિલ્વેસ્ટર દાકુન્હાએ ઘણી જાહેરાતો ડિઝાઇન કરી છે પણ તેમને અમૂલ દ્વારા વાસ્તવિક ઓળખ મળી હતી. એમને ASP (Advertisment sale and promotions) દ્વારા અમૂલ ગર્લ એડનું નિર્માણ કર્યું હતું અને તેમના આર્ટ ડિરેક્ટર યુસ્ટેસ ફર્નાન્ડિસએ અમૂલ ગર્લનું જે ફીચર છે એ ક્રિએટ કર્યું હતું જે આજે પણ લોકો વચ્ચે ઘણું પ્રચલિત છે.. અમૂલ ગર્લ અમૂલ બ્રાન્ડને ભારતની મોટી બ્રાન્ડ બનાવવામાં વિશેષ ભૂમિકા ભજવી છે અને આ અમૂલ ગર્લ બનાવનાર સિલ્વેસ્ટર દાકુન્હાએ મહત્વની ભૂમિકા ભજવી છે. સિલ્વેસ્ટરે વર્ષ 1966માં અમૂલ ગર્લ ડિઝાઇન કરી હતી.

#RIPSylvesterdaCunha
Creator of the @Amul_Coop Girl@RahuldaCunha Condolences. May his soul rest in peace 🙏

Image source – Google pic.twitter.com/ovfKV7uPdZ

— D Prasanth Nair (@DPrasanthNair) June 22, 2023

દીકરાને સોંપી દીધો હતો કારોબાર
દુનિયામાં જ્યારે પણ કોઈ કાર્ટૂનનો ઉલ્લેખ થશે ત્યારે અમૂલ ગર્લનું નામ ટોચ પર આવશે અને તેની સાથે સિલ્વેસ્ટર દાકુન્હાને યાદ કરવામાં આવશે. તેની ટેગલાઈન ‘Utterly Butterly Delicious’ ઘણી લોકપ્રિય બની હતી. અમૂલનું આ કાર્ટૂન માત્ર બ્રાન્ડ પૂરતું મર્યાદિત નહોતું પણ તેનો ઉપયોગ રાજકીય નિવેદન આપવા અને સમકાલીન ઘટનાઓનો સંદર્ભ આપવા માટે થતો હતો. અમૂલ ગર્લ ઝુંબેશની શરૂઆતના ત્રણ વર્ષ પછી, ગેરસન અને સિલ્વેસ્ટર ભાઈઓએ 1969માં અમૂલ ગર્લ સાથે દાકુન્હા કોમ્યુનિકેશન્સ શરૂ કર્યું. જેના દ્વારા તે અમૂલ ગર્લના ક્રિએટિવ કાર્ટૂન તૈયાર કરતો હતો. સિલ્વેસ્ટરના પુત્ર રાહુલે આજ સુધી આ અભિયાન ચાલુ રાખ્યું છે. રાહુલ માત્ર તેના પિતાનો વ્યવસાય જ સંભાળતો નથી, પરંતુ તે તેના પિતાના વારસાને પણ આગળ ધપાવી રહ્યો છે.

અમૂલ ગર્લ બનાવીને ઈતિહાસ સર્જનાર સિલ્વેસ્ટર દાકુન્હા હંમેશા યાદ રહેશે. એમને માત્ર અમૂલ ગર્લ માટે જ નહીં પરંતુ સમાજ અને સામાજિક સંચારમાં તેના નોંધપાત્ર યોગદાન માટે યાદ કરવામાં આવશે.