ખાસ-ખબર ન્યૂઝ રાજકોટ
રાજકોટ મહાનગરપાલિકાની દબાણ હટાવ શાખા દ્વારા તા. 16થી 30 જૂન દરમિયાન દી જુદી જગ્યાએ જાહેર માર્ગો પર દબાણ રૂપ એવા રેકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવાની કામગીરી કરવામાં આવેલી છે.
- Advertisement -
જ્યુબેલી અને મવડી બ્રિજ નીચે રેલ્વે લાઈન,આનંદ બંગલા ચોક, રામનાથ પરા, રૈયા રોડ,નંદનવન પાર્ક, રવિવારી આજીડેમ, કોઠારીયા રોડ,મોરબી રોડ સેટેલાઈટ ચોક પાસેથી રસ્તા પર નડતર રૂપ 42 રેકડી- કેબીન જપ્ત કરવામાં આવી હતી. જ્યારે જામનગર રોડ, હેમુગઢવી હોલ, જંકશન રોડ, રૈયા રોડ,150 ફુટ રોડ, કાલાવાડ રોડ, નાણાવટી ચોક, પરથી જુદી જુદી અન્ય 564 પરચુરણ ચીજ વસ્તુઓ જપ્ત કરવામાં આવી હતી. લક્ષ્મીનગર, જ્યુબેલી, યુનિ.રોડ, કોટેચા ચોક થી આકાશવાણી ચોક સુધી,ધરાર માર્કેટ,કેસરી પુલ,પારેવડી ચોક,કોઠારીયા રોડ,મોરબી રોડ સેટેલાઈટ ચોક પાસેથી 1265 કિલો શાકભાજી-ફળ જપ્ત કરાયા હતા જ્યારે કોઠારીયા રોડ, સંતકબીર રોડ,પેડક રોડ,ભાવનગર રોડ,પુષ્કરધામ મેઈન રોડ, યુનિ.રોડ,નાણાવટી ચોક,રૈયા રોડ, પાસેથી 37,250 મંડપ કમાન છાજલી ભાડુ વસુલ કરવામાં આવેલ છે. 80 ફૂટ રોડ,પારેવડી ચોક ,સંતકબીર રોડ,ધરાર માર્કેટ,કોઠારીયા રોડ,મોરબી રોડ,ભાવનગર રોડ, પરથી 4,21,495 વહિવટી ચાર્જ વસુલ કરવામાં
આવ્યો હતો.
